رابطه محبي ومالكي الريجاتا

**ahwanoso** · 18-09-2013 12:36 AM

مشكور جدا الاستاذ حين على الردور الجميله

**ahwanoso** · 18-09-2013 12:39 AM

انا عملت طقم شنبر امبارح وبلين النهارده كانه عمره
بس فيه صوت نارزه تاكيه ياترى هتروح بعد التليين ولا ارجع المخرطه
اظبط تانى؟
الميكانيكى بيقولى هتروح
ايه رايكوا؟

**yoyokamal** · 18-09-2013 04:11 AM

السلام عليكم انا انضممت جديد الى الرابطه بعد دوخان فى التدوير على النت على حلول لمشاكل الريجاتا معايا واخيرا وجدت الرابطه دى وكلى امل انكم تساعدونى فى حل مشكلة سيارتى اللى مغلبانى
العربيه معايا من سنه تقريبا ومشكلتها هى بتطول فى التشغيل الصبح يعنى ممكن اقعد 10 دقايق علشان الموتور يبتدى يتحرك رغم انى بزودلها بنزين وكمان لما اتحرك بيها كل ما ابطئ الموتور يبطل واضطر اشغلها من تانى بالإضافه لانى لما بكون ماشى بيها واهدى شويه باسمع صوت زى فرقعه حاده فى الشكمان
ارجو افادتى لانى تعبت من كتر المشاكل فى العربيه

**سيف عماره** · 18-09-2013 12:52 PM

المشاركة الأصلية كتبت بواسطة ahwanoso

انا عملت طقم شنبر امبارح وبلين النهارده كانه عمره
بس فيه صوت نارزه تاكيه ياترى هتروح بعد التليين ولا ارجع المخرطه
اظبط تانى؟
الميكانيكى بيقولى هتروح
ايه رايكوا؟

واتكلفت كام يا باشا وايه الاخبار

**ahwanoso** · 19-09-2013 02:52 PM

التكلفه حوالى 800 جنيه
300 شنبر +سبيكه+جوانات +اولسيه كامه
180 مخرطه
300 ميكانيكى

**سيف عماره** · 19-09-2013 06:46 PM

أ/ حسين يا اعضاء الجروب افيدونى انا كان عندى مشكله فى الدبرياش ناشف جدأ ولازم تروح بالبدال للاخر عشان يلقط غيار المهم رحت للميكانيكى كنت فاكر ناها ساهله هيغير سلك ويزيت وخلاص فؤجئت بيقولى العربيه فيها فتيس (للعلم انا لم افهم معنى الكلمه ) تظاهرت انى فاهم قولت وبعدين قالى هنغير دسك واسطوانه وهنغير بليه على الرغم انا العربيه سحبها كويس العزم ضعيف نوعاّ ماده اللى قاله الراجل طيب بسئله هتتكلف كام قالى هنجيب حاجات بــــ250 غير المصنعيه المهم انا كنت فاكر انها بتتكلف اكتر من كده طيب الرقم ده اللى قاله هيكفى وانا بكل صراحه خايف اسئله يعرف انى مش فاهم حاجه يشتغلنى اكترارجو الافاده عشان المفروض انى هعمل الكلام ده كله الاسبوع ده وانا مئجل عشان اسمع رائيكو فى الللى حصل واسف للا طاله

**nicegypt** · 20-09-2013 03:29 AM

المشاركة الأصلية كتبت بواسطة سيف عماره

أ/ حسين يا اعضاء الجروب افيدونى انا كان عندى مشكله فى الدبرياش ناشف جدأ ولازم تروح بالبدال للاخر عشان يلقط غيار المهم رحت للميكانيكى كنت فاكر ناها ساهله هيغير سلك ويزيت وخلاص فؤجئت بيقولى العربيه فيها فتيس (للعلم انا لم افهم معنى الكلمه ) تظاهرت انى فاهم قولت وبعدين قالى هنغير دسك واسطوانه وهنغير بليه على الرغم انا العربيه سحبها كويس العزم ضعيف نوعاّ ماده اللى قاله الراجل طيب بسئله هتتكلف كام قالى هنجيب حاجات بــــ250 غير المصنعيه المهم انا كنت فاكر انها بتتكلف اكتر من كده طيب الرقم ده اللى قاله هيكفى وانا بكل صراحه خايف اسئله يعرف انى مش فاهم حاجه يشتغلنى اكترارجو الافاده عشان المفروض انى هعمل الكلام ده كله الاسبوع ده وانا مئجل عشان اسمع رائيكو فى الللى حصل :copy of rfds: واسف للا طاله

الاسطوانة بـ 90 ج + الديسك 140 ج + البلية 40= 270 ج
المصنعية حسب الصنايعي الله اعلم 150 ج اقصي حد مقنع .. الاجمالى 420 ج
وضيف عليهم زيت ب 50 ج يبقى 470 ج .. اعمل حسابك ف 500 ف جيبك لاي ظروف وغير سلك بالمرة
بالنسبة للتقل عيبة سوستة + خامة الديسك + سوست الاسطوانة ورأيي تمشى بالعربية لحد ما يخلصو طالما هتغير ف الحالتين يبقى الاحسن تكمل بيهم
والكلام دة يطبق ف حالة لو الدبرياج تقيل بدرجة كبيرة جداّ يعنى حسب درجة التقل .. لو تقيل بس مش لدرجة ان ركبتك بتوعجك وسحب العربية طبيعي ف المطالع يبقى مش طقم دبرياج
لازم حد يجرب الدبرياج ويحدد

**nicegypt** · 20-09-2013 03:36 AM

المشاركة الأصلية كتبت بواسطة yoyokamal

السلام عليكم انا انضممت جديد الى الرابطه بعد دوخان فى التدوير على النت على حلول لمشاكل الريجاتا معايا واخيرا وجدت الرابطه دى وكلى امل انكم تساعدونى فى حل مشكلة سيارتى اللى مغلبانى
العربيه معايا من سنه تقريبا ومشكلتها هى بتطول فى التشغيل الصبح يعنى ممكن اقعد 10 دقايق علشان الموتور يبتدى يتحرك رغم انى بزودلها بنزين وكمان لما اتحرك بيها كل ما ابطئ الموتور يبطل واضطر اشغلها من تانى بالإضافه لانى لما بكون ماشى بيها واهدى شويه باسمع صوت زى فرقعه حاده فى الشكمان
ارجو افادتى لانى تعبت من كتر المشاكل فى العربيه

ظبط كهربة العربية كويس جداّ عن طريق ميكانيكي " فرقعة حادة من الشكمان "
+
متخصص كربراتير يفك الكربراتير ينضفة ويشوف اخبارة اية " تأخير ف الدوارة الصبح "
+
تغيير طقم الكهربا افضل
=
حل المشكلة بأذن الله

**Ahmed_Ramadan** · 20-09-2013 11:53 AM

الله ينور يا حسين بيه

**سيف عماره** · 20-09-2013 06:44 PM

المشاركة الأصلية كتبت بواسطة nicegypt

الاسطوانة بـ 90 ج + الديسك 140 ج + البلية 40= 270 ج
المصنعية حسب الصنايعي الله اعلم 150 ج اقصي حد مقنع .. الاجمالى 420 ج
وضيف عليهم زيت ب 50 ج يبقى 470 ج .. اعمل حسابك ف 500 ف جيبك لاي ظروف وغير سلك بالمرة
بالنسبة للتقل عيبة سوستة + خامة الديسك + سوست الاسطوانة ورأيي تمشى بالعربية لحد ما يخلصو طالما هتغير ف الحالتين يبقى الاحسن تكمل بيهم
والكلام دة يطبق ف حالة لو الدبرياج تقيل بدرجة كبيرة جداّ يعنى حسب درجة التقل .. لو تقيل بس مش لدرجة ان ركبتك بتوعجك وسحب العربية طبيعي ف المطالع يبقى مش طقم دبرياج
لازم حد يجرب الدبرياج ويحدد

الف شكر يا أ/ حسين انا فعلاّخليت صديق ركب العربيه لما حسيت الدبرياج تقيل لما ركب قالى الدبرياج ده واقع لازم تروح تشوف انا كنت قاريت ليك موضوع عللى الدبرياج وقلت انه ممكن يتقطع فى اى مكان لما افتكرت كلامك بصراحه خفت قلت لازم اعملها لما الميكانيكى شافها قالى انه عايز يتغير .العربيه فعلاّسحبها كويس بس فى المطبات العاليه والمطالع لازم ازود بنزين زياده وده بيستهليك بنزين كتير واول ما بطلع الصبح بترجرج جامد دى المشاكل الى لقيتها معها والصنيعيى قالى لازم تقرر بسرعه عشان هى كده جايبا اخرها ايه رائيك اعمل ايه