شكراً يا كريم لاهتمامك وجزاك الله خيراً
عرض للطباعة
شكراً يا كريم لاهتمامك وجزاك الله خيراً
الف شكر ;)
مفيش اي مصاريف علي خدمة الـ GPS يعنى الخدمة دى مجانية :idea:
انا كنت فى زيارة لاخى فى امريكا و سافرنا من فرجينيا الى نيويورك بجهاز الملاحه GPS و بصراحه كان هايل لاننا اديناله ال Final destination و سيبه يا عمى يفضل يكلمك 5 ساعات طول الرحله ادخل يمين ادخل شمال مش عارف بعد 100 قدم هتلاقى ايه لغايه لما الواحد زهق من كتر الارشادات و التعليمات...لغايه لما وصلنا لفندق صغير فى نيوجيرسى و نمنا هناك و بعد كدة يا عم الGPS عاوز اروح جزيرة مانهاتن...قعد يتكلم كتير و احنا ماشيين وراة لغايه لما وصلنا للمعديه اللى بتوصل لمانهاتن.....جهاز خطير...مالوش حل ...لكن النقطه انه متخزن فيه كل خرائط الولايات اللى احنا مرينا بيها....دة احنا لو غلطنا و دخلنا شارع غلط غير اللى السيد GPS قال عليه....الاول يهزأك و بعدين يقوم يعدل المسار بتاعه و بعدين يدلك على الطريق المختصر اللى يصحح الخطأ بتاعك!!!!....ايه الحلاوة دى.
طيب يا بشمهندس كريم انا عندى جهاز اسمة gizmondoهذا الجهاز المفروض بيدعم ال GPR ,GPRSومعايا خرايط كانت جاية معاه لانجلترا طبعا دة بالاضافة لتشغيل الmp3,video,games,cameraالمهم ازاى ممكن استفيد منة فى مصر
موضوع جميل جدا ........
كريم باشا
متأسف علي تأخري في متابعة هذا الموضوع الشيق الجميل
انا تليفوني N95 ونفسي افعل او أأكتف او انشط شبكة ال gps عندي مش عارف ازاي و يمكن كمان عشان انا ما عنديش وقت اليومين دول ابحث و اجرب فيا ريت لو عندك طريقة سهلة لتنشيط هذه الخدمة في موبايلي تبقي تقولي عليها لو الموضوع فيه مشقة عليك و بحث مافيش داعي
و كنت عايز اسألك سؤال عن walan فكل ما اقعد في كافيه فيه wi fi و اعمل سيرش الاقي رسالة انه لم يتعرف علي رقم الخدمة 5601 بالرغم من ان اسم شبكة walan ظاهر امامي مع العلم اني مشترك في خدمة موبينيل لايف بس بستخدمها في الضرورة القصوي عشان انت عارف التكلفة العالية طبعا و نفسي استفيد من الواي فاي و gps اللي في التليفون
محمد فهمي
بالنسبة للقاهرة هناك موقع
نظام معلومات جغرافي للقاهرة للمرافق المختلفة من مطاعم و فنادق و آلات صرف و محطات مترو ...
www.cairolocator.com
ويعطيك برنامج خرائط للقاهرة اسمه ابن بطوطة معظمه مجاني والتفصيلي منه بفلوس
بالنسبة للجى بى اس و استخدامته فى مصر هذا يتوقف على نوع الخرائط التى لديك يعنى لو اشترتيت جبى اس غالى مثلا و لم يكن هناك خرائط مدعومة لمصر فاذن سوف تكون اهدرت مالك على الفاضى
فالخرائط المتاحة هى اول شىء الواحد يبحث عنه و بعد كدة تقوم بشراء المعدات التى تقوم بتشغيل هذه الخرائط او تدعم هده الخرائط - مثال ( اجهزة كمبيوتر ابل اغلى من اجهزة اى بى ام لكن 85 فى المائة من البرامج يتم تصنيعها للاى بى ام فلهذا هى منتشرة حتى مع تفوق اجهزة ال ابل )
انا كان عندى جهاز جارمن ( و هى شركة متفوقة فى اجهزة الملاحة ) بس الخرائط اللى قدرت احصل عليها للنوعية ديه من الاجهزة كانت للشوارع الرئيسية فى مصر طبعا بجانب المميزات الاخرى لاى جى بى اس و هو تخزين المسارات و الاماكن ) و بعد فترة حصلت على خرائط مفصلة لشوارع مصر و بالتحديد للقاهرة و شرم و الغردقة و كانت بصراحة مفصلة لدرجة لا احلم بها و بها اسماء المحلات و الاماكن و ارقام تلفيوناتهم و هكذا يعنى مدمج مع الخرائط قاعدة بينانات مبسطة و لكن لها اهمية فى ظل القحط الخرائطى لمصر !!
لكن الخرائط ديه كانت بتستشغل على اى جهاز تليفون به وندوز ( زى الايميت او مثيله من الهواتف ) و طبعا كان لازم شراء جى بى اس خارجى ( بلوتوث جى بى اس ) فقمت بالتخلص من الجارمن واشتريت المعدات السابق شرحها
و تم التعامل مع الخرائط بكل سهولة و خصوصا عندما تمشى فى شوارع صغير لا تعرف اسمها تظهر لك و يظهر اسماء البنوك و محطات البنزين المحيطة و اسماء المحلات و المولات بصراحة ادى المطلوب منه و اذكركم لولا وجود الخرائط كان كل ما سبق ليس له اهمية .
بعدها قامت نوكيا بدمج الجى بى اس فى هواتفها و الاظرف انها قامت بعمل خرائط لشوارع مصر على حسب ما علمت من الاصدقاء اللى عندهم هذه الاجهزة و كانت الخرائط موجودة على موقع نوكيا يتم التعامل معها من خلال تنزيلها من النت الى الكمبيوتر و منه الى النوكيا مباشرة و اعتقد ان هذه الخرائط مفصلة و مفيدة ايضا و طبعا لولا ان نوكيا عملت خرائط لمصر لكان اصبح الجى بى اس المدمج ليس له قيمة للمستهلك المصرى ، فالفيصل هنا هو برنامج معين(مثلا توم توم او ماب سورس او ناف ) تم عمل خرائط لاماكن معنية( مصر او الخليج او اوروبا) و لا ينفع التعامل مع الخرائط الا من خلال هذه البرنامج المعين و بالطبع يجب التعامل مع البرنامج نفسه من خلال نظام معين ( مثلا سمبيان او وندوز موبايل او خلافه ) و طبعا كل تركيبة نظم معينة تلائم نوعية معينة من الهواتف و ما ينفع لنوكيا لا ينفع للجارمن و هكذا
المستهلك الخليجى هو بصراحة اكثر المستخدمين العرب للانظمة الجى بى اس و اجبر هذا الموضوع الشركات المصنعة للبرامج و الاجهزة و الخرائط على تعريب بعض الانظمة لتلائم اذواق المستهلكين العرب و ايضا من العادى ان تجد شرح لاجهزة الجى بى اس المختلفة فى المنتديات العربية بالتفصيل
انا بصراحة حبيت نظم الجى بى اس ( بقالى تقريبا 4 سنين فى استخدام الانواع المختلفة ) له استخدامات عدة ، يعنى بصراحة انا معنديش عربية فور باى فور علشان اقولك انى دايس الصحراء بس انا استخدمه فى المدينة كل ما احس انى تايه فى مكان ما و عايز اوصل لشارع معين ممكن ابحث عن الشارع بالنظام السابق و اخليه يوصلنى ليه و لو عايز اختصر الطريق من شارع رئيسى الى شارع اخر و لا اعلم اذا كان الطريق المختصر مسدود مثلا و لا سالك ، ممكن كمان تخزن عليه اماكن محطات البنزيل على الطريق الصحراوى لو كان مش مخزنة علشان تفيدك وقت الزنقةو اشياء كثيرة تعتمدة على طبيعة المستخدم نفسه ، و الاهم انك تعرف القبلة منين فى اى مكان !!!!
شكرا على المعلومات القيمة والممتازة عن الgps اللى ما كنتش عارف عنه حاجة خالص.