الموضوع: عايز شقة!

يا جماعه فين الاسعار ايلي بتقولوا عليها دي .....
انا مأجر في المعادي ...ايجار جديد شقة حوالي 120 متر ...بـ 1000 جنية في الشهر ....
طبعا التمليك حدث ولا حرج....يعني اقل سعر للمتر ...2300 جنية ...ودة عند كارفور...في الجبل يعني ....ولازم يكون عندك عربية علشان تقدر تعيش هناك.....

انا لسة كنت باتصل علي شقة للايجار مفروش في المعادي (زهراء المعادي ) كان مطلوب 2500 جنية في الشهر ...وتمليك 430 الف جنية ...والمساحة 165 م بس ... :?
عموما لو في فعلا اسعار كدة في المعادي ...وفي مناطق كويسة ...ياريت تعرفوني برضة لاني بادور برضة علي شقة هناك...

المشاركة الأصلية كتبت بواسطة hero

يا جماعه فين الاسعار ايلي بتقولوا عليها دي .....
انا مأجر في المعادي ...ايجار جديد شقة حوالي 120 متر ...بـ 1000 جنية في الشهر ....
طبعا التمليك حدث ولا حرج....يعني اقل سعر للمتر ...2300 جنية ...ودة عند كارفور...في الجبل يعني ....ولازم يكون عندك عربية علشان تقدر تعيش هناك.....

انا لسة كنت باتصل علي شقة للايجار مفروش في المعادي (زهراء المعادي ) كان مطلوب 2500 جنية في الشهر ...وتمليك 430 الف جنية ...والمساحة 165 م بس ... :?
عموما لو في فعلا اسعار كدة في المعادي ...وفي مناطق كويسة ...ياريت تعرفوني برضة لاني بادور برضة علي شقة هناك...

• +10000000 اسعار الاستاذ مواطن مصرى خيالية جدااا
  
  استحالة تشترى شقة على الكورنيش وعلى المحارة كمان ب200000 جنية

المشاركة الأصلية كتبت بواسطة مواطن مصرى

بصفتى من سكان المعادى (سابقاً) اقدم لك خبرتى مع تلك المنطقة ..

لو حضرتك عايز سعر اقل من 80 الف جنيه ممكن حضرتك تدور فى منطقة صقر قريش فى المعادى الجديده
مساكن الضباط = الشقة 90 متر غرفتين و صاله و حمام و مطبخ فى حدود 70-80 الف
مساكن العرايس = الشقة 96 متر 3 غرف و صاله و حمام و مطبخ صغير فى حدود 80 الف
ميزاتها : منطقة هادئة - قريبه للاوتوستراد - متشطبه (لكن اكيد هتحتاج تغير فيها و تضيف لمستك من دهان و تغيير حاجات بسيطه)
عيوبها : لا توجد خدمات كافيه بالليل بعد ما المحلات ما تقفل لكن لو معاك عربيه مش مشكله
فيه مكتب عقارى فى العماره رقم 29 بمساكن الضباط اسمه (النسر للعقارات) ممكن جدا يساعدك بزياره واحده و عشرين جنيه يطلعلك خمسين شقة و انت تختار منهم

لو حضرتك عايز سعر فى حدود 120-130 الف جنيه ممكن حضرتك تدور فى منطقة اللاسلكى فيه اكثر من عماره جديده هناك بتتبنى و نظامها اعتقد 3 غرف و حمامين و مطبخ و مساحات لا تقل عن 110 متر
مميزاتها : مساحات اكبر - قريبه للمعادى القديمه و المترو كمواصلات من ناحيه العرب
عيوبها : تسليم على المحارة و لو لقيت حاجه متشطبه هتكون اكثر من 150 الف جنيه على الأقل

لو حضرتك من العالم اللى فوق و تبحث عن حاجه فوق الـ 200 ألف جنيه فتوكل على الله و افتح الوسيط و اقرأ الإعلانات عن الشقق فى المعادى القديمه او ناحية الكورنيش

تقبل تحياتى و تمنياتى بالتوفيق و مستعد لاى استفسار ..

و أنا بقرا الكلام ده حسيت كأني بحلم...بس في نصه فوقت و أعدت أتحسر على الحال اللي وصلتله الأسعار.....يا راجل ده حلواااااااان اللي المتر كان ب 900و 1000 تسليم فوري من سنة..بقي ب 1650 و استلام كمان سنتين و أكيد علي المحارة....و قال أيه ده حصل بسبب دخول المحلات المشهورة ذي كنتاكي و ماك و بيتزا و الذي منه....
ربنا يصبرنا و يرحمنا

على فكرة أنا روحت أسأل على جراند سيتي و بفاريان تاون اللي عند كارفور و البفارية بتاعت BMW لقيت المتر ب 1850 تسليم 7-2010 على المحارة و بكره في زياده 100 جنيه علي المتر

:? :? :? :( :(

مانا علشان كدة مش باسال علي التمليك ....انا بادور علي ايجار جديد او مفروش...علشان ارحم الاثاث بتاعي من البهدلة...والنقل...
من سنة كان المفروش في المعادي القديمة....منطقة قريبة قوي من ميدان الحرية ....وكانت ب 1000 جنية في الشهر ....الوقتي اي مفروش مش هايقل عن 1500 او اكتر ....

المشاركة الأصلية كتبت بواسطة ramyfawzy

عزيزى نادر
في واحد صاحبي عنده شقة في الاميريكان بيتشو وهوه عايز يبيعها بس بصراحة ممكن اجيبلك كل المعلومات عنها لو انت مهتم بالمنطقة دى
فشوف كده رأيك ايه وانا كده كده هجيب معلومات وافية عنها ان شاء الله
اخوك / رامي (ابو احمد)

اكون شاكر ليك جدا يا استاذ رامي....أنا عايز يبقى قدامي كمية من العروض عشان أعرف أقارن كويس و كده

بص يا نادر باشا
مساحة الشقة 160 متر فيها( 2 حمام + 2 ريسيبشن + 3 غرف مقفولين)
المرحلة التانية
الاستلام في شهر ابريل (آخر كلام انشاء الله)
تشطيب سوبر لوكس كامل
المتر يباع في الشركة على 1700 جنيه بس صاحبي هيخلص على 1300 جنيه
يعني تقريبا (208000 جنيه) خالصة من غير اقساط
واي خدمة يا باشا
رامي (ابو احمد)