أنا بدور على شقة في منطقة المعادي تكون في حدود 120 متر و مكنها كويس و يفضل لو حاجة مقدم و دفعات
هل حد عنده فكرة عن أسعار الشقق في المنطقة دي؟ و لو حد قدامه حاجة ياريت يقوللي..أو لو تعرفوا اي حد أروحله سواء شركة أو سمسار كويس يبقى جميل
متشكر جدا جدا
عرض للطباعة
أنا بدور على شقة في منطقة المعادي تكون في حدود 120 متر و مكنها كويس و يفضل لو حاجة مقدم و دفعات
هل حد عنده فكرة عن أسعار الشقق في المنطقة دي؟ و لو حد قدامه حاجة ياريت يقوللي..أو لو تعرفوا اي حد أروحله سواء شركة أو سمسار كويس يبقى جميل
متشكر جدا جدا
دورت فى تقسيم اللاسلكى؟
بتدور فين بالظبط فى المعادى, الجديدة و ا القديمة, و لا مش فارقة؟
هو لو الجديدة ارخص حتة حاليا فى تقسيم اللاسلكى, او زهراء المعادى جوا خالص
قول تفاصيل اكتر و اشوف لو اقدر اساعدك
بص يا معاذ انا مش فارق معايا فين بالظبط في المعادي المهم تكون منطقة نضيفة و يبقى فيها حياة متكونش محدوفة...و السعر في حدود ال 150-200 الف
هشوف كده و اقولك
ألف شكر يا معاذ ...هنتظر ردك :-)
مفيش أي حد قدامه أي حاجة كده ولا كده؟؟؟
أو حتي رينج الأسعار في مناطق المعادي المختلفة؟؟
أنا بدور بسرعة في الموضوع ده علشان لو اتركن هانام و مش هجيب حاجة في الاخر
خش على موقع الوسيط وانشاء الله هتلاقي اللي انت عاوزه ... وده اللينك بتاعه
http://www.ewaseet.com/classifieds.p...&country_id=EG
محطة أصول على النايل سات بتعرض شقق للبيع في المعادي و بالتوفيق إن شاء الله
بس قناة اصول اسعارها فى العيلوى خاااااااااااااالص
لأ مش كل الشقق انا على فكرة شفتهم بيعلنوا عن شقة في المعادي و
تقريبا في نفس رنج السعر الي طالب فيه الأخ نادر الشقة و كانت مساحتها كويسة و في تقسيم سكني
جديد
بصفتى من سكان المعادى (سابقاً) اقدم لك خبرتى مع تلك المنطقة ..
لو حضرتك عايز سعر اقل من 80 الف جنيه ممكن حضرتك تدور فى منطقة صقر قريش فى المعادى الجديده
مساكن الضباط = الشقة 90 متر غرفتين و صاله و حمام و مطبخ فى حدود 70-80 الف
مساكن العرايس = الشقة 96 متر 3 غرف و صاله و حمام و مطبخ صغير فى حدود 80 الف
ميزاتها : منطقة هادئة - قريبه للاوتوستراد - متشطبه (لكن اكيد هتحتاج تغير فيها و تضيف لمستك من دهان و تغيير حاجات بسيطه)
عيوبها : لا توجد خدمات كافيه بالليل بعد ما المحلات ما تقفل لكن لو معاك عربيه مش مشكله
فيه مكتب عقارى فى العماره رقم 29 بمساكن الضباط اسمه (النسر للعقارات) ممكن جدا يساعدك بزياره واحده و عشرين جنيه يطلعلك خمسين شقة و انت تختار منهم
لو حضرتك عايز سعر فى حدود 120-130 الف جنيه ممكن حضرتك تدور فى منطقة اللاسلكى فيه اكثر من عماره جديده هناك بتتبنى و نظامها اعتقد 3 غرف و حمامين و مطبخ و مساحات لا تقل عن 110 متر
مميزاتها : مساحات اكبر - قريبه للمعادى القديمه و المترو كمواصلات من ناحيه العرب
عيوبها : تسليم على المحارة و لو لقيت حاجه متشطبه هتكون اكثر من 150 الف جنيه على الأقل
لو حضرتك من العالم اللى فوق و تبحث عن حاجه فوق الـ 200 ألف جنيه فتوكل على الله و افتح الوسيط و اقرأ الإعلانات عن الشقق فى المعادى القديمه او ناحية الكورنيش
تقبل تحياتى و تمنياتى بالتوفيق و مستعد لاى استفسار ..
يا جماعه فين الاسعار ايلي بتقولوا عليها دي .....
انا مأجر في المعادي ...ايجار جديد شقة حوالي 120 متر ...بـ 1000 جنية في الشهر ....
طبعا التمليك حدث ولا حرج....يعني اقل سعر للمتر ...2300 جنية ...ودة عند كارفور...في الجبل يعني ....ولازم يكون عندك عربية علشان تقدر تعيش هناك.....
انا لسة كنت باتصل علي شقة للايجار مفروش في المعادي (زهراء المعادي ) كان مطلوب 2500 جنية في الشهر ...وتمليك 430 الف جنية ...والمساحة 165 م بس ... :?
عموما لو في فعلا اسعار كدة في المعادي ...وفي مناطق كويسة ...ياريت تعرفوني برضة لاني بادور برضة علي شقة هناك...
اقتباس:
المشاركة الأصلية كتبت بواسطة hero
- +10000000 اسعار الاستاذ مواطن مصرى خيالية جدااا
استحالة تشترى شقة على الكورنيش وعلى المحارة كمان ب200000 جنية
و أنا بقرا الكلام ده حسيت كأني بحلم...بس في نصه فوقت و أعدت أتحسر على الحال اللي وصلتله الأسعار.....يا راجل ده حلواااااااان اللي المتر كان ب 900و 1000 تسليم فوري من سنة..بقي ب 1650 و استلام كمان سنتين و أكيد علي المحارة....و قال أيه ده حصل بسبب دخول المحلات المشهورة ذي كنتاكي و ماك و بيتزا و الذي منه....اقتباس:
المشاركة الأصلية كتبت بواسطة مواطن مصرى
ربنا يصبرنا و يرحمنا
على فكرة أنا روحت أسأل على جراند سيتي و بفاريان تاون اللي عند كارفور و البفارية بتاعت BMW لقيت المتر ب 1850 تسليم 7-2010 على المحارة و بكره في زياده 100 جنيه علي المتر
:? :? :? :( :(
مانا علشان كدة مش باسال علي التمليك ....انا بادور علي ايجار جديد او مفروش...علشان ارحم الاثاث بتاعي من البهدلة...والنقل...
من سنة كان المفروش في المعادي القديمة....منطقة قريبة قوي من ميدان الحرية ....وكانت ب 1000 جنية في الشهر ....الوقتي اي مفروش مش هايقل عن 1500 او اكتر ....
عزيزى نادر
في واحد صاحبي عنده شقة في الاميريكان بيتشو وهوه عايز يبيعها بس بصراحة ممكن اجيبلك كل المعلومات عنها لو انت مهتم بالمنطقة دى
فشوف كده رأيك ايه وانا كده كده هجيب معلومات وافية عنها ان شاء الله
اخوك / رامي (ابو احمد)
اكون شاكر ليك جدا يا استاذ رامي....أنا عايز يبقى قدامي كمية من العروض عشان أعرف أقارن كويس و كدهاقتباس:
المشاركة الأصلية كتبت بواسطة ramyfawzy
احذر الاميريكان بيتشو
عليها مشاكل كتير
بص يا نادر باشا
مساحة الشقة 160 متر فيها( 2 حمام + 2 ريسيبشن + 3 غرف مقفولين)
المرحلة التانية
الاستلام في شهر ابريل (آخر كلام انشاء الله)
تشطيب سوبر لوكس كامل
المتر يباع في الشركة على 1700 جنيه بس صاحبي هيخلص على 1300 جنيه
يعني تقريبا (208000 جنيه) خالصة من غير اقساط
واي خدمة يا باشا
رامي (ابو احمد)
رايي شوف في مدينة الفسطاط الجديدة علي كورنيش المعادي ( انا ساكن فيها ) تقسيمها جميل وفيها كل المساحات المطلوبة وفيها كمان نظام المقدم والباقي علي دفعات :wink:
اوعي تاخد فيها كنت فيها وخلعت والحمد للهاقتباس:
المشاركة الأصلية كتبت بواسطة tamohsen
اهم شيء يا جماعه في حكاية الشقق دي انك تتاكد ان الارض المقام عليها المباني ملك للشركة ايلي بايعالك الشقة ...وان الاراضي والعقارات ايلي ملك الشركة ...ليست مرهونة بضمان قروض بنكية ...
المشكلة دي انا لسة قاريها في الجرايد:
خبير مصري (زراعي) كان مقيم في الخارج واشتري شقة (ماقالش تبع اي شركة) المهم انه سدد كل الاقساط ايلي علية ....وفوجئ بان الشركة ايلي باعتلة الشقة ايلي دفع تمنها ...كانت راهنة الارض بالمباني (بما فيها شقتة خالصة الثمن) لاحد البنوك....المشكلة ان الارض دي بتكون ملك للدولة والشركات دي بتشتريها وبتاخد قروض بضمان الارض والمشروع ....والمشكلة الكبيرة ان العقود بتكون بين المشتري وبين الشركة العقارية ...وبالتالي هيئة التجمعات العمرانية (او ممثل الدولة ايلي بيبيع الاراضي دي مالوش علاقة بالمشتري ايلي اشتري الشقة لان مافيش تعاقد معاة...يعني بعد مادفع ربع مليون جنية في الشقة ماليش اي صفة قانونية بيني وبين الدولة ....لان في وسيط عقاري بيني وبينهم ..ايلي هي الشركة ايلي بتبني ...
ياريت يا جماعه حد ياكد او ينفي الحكاية دي ....بمعني الناس ايلي اشترت..شقق في المدن الجديدة...هل فعلا العقود ايلي معاه موضحة انها طرف في عملية تمليك الارض ايلي اتبنت عليها الشقق دي ولا مش باين اي علاقة بينها وبين الدولة ....لان للاسف في شركات اشترت الاراضي دي من الدولة وبنوا عليها مشاريعهم ورهنوا المشاريع دي بقروض ....وبعدين خلعوا ...وسابوا البنوك تحجز علي الارض بالمباني ايلي عليها ....وللاسف السكان مالهمش وضع قانوني يثبت حقهم في الارض...
الراجل صاحب الشكوي ...كان بيطالب بان العقود ايلي بتتعمل بين مشتري الشقة وبين شركات الاستثمار العقاري تكون هيئة التجمعات العمرانية طرف في العقد دة علي اثاث اثبات ملكية الافراد للشقق وحقهم في الانتفاع بالارض المقام عليها المشاريع...
موضوع مرعب يا هيرو :-?
صديق لي كان بيدور على شقة في اي كمبوند من اللي كل يوم نسمع عن واحد جديد منهم وقالي ملحوظة غريبة جدا ... انه بعد ما لف وداخ اكتشف ان ملكية الارض لايذكر عنها اي شي في العقود ... وطبعا دي نقطة خطيرة جدا ... علشان كده اتجه للشراء عن طريق عمارات الاهالي لانها الى حد ما اضمن
do u have any information about these types of buildings?اقتباس:
المشاركة الأصلية كتبت بواسطة sherif Anton
عمارات الاهالي هي عمارات اي واحد من الناس بيبنيها غالبا علشان يعيش فيها او علشان يكسب منها ....وهي عبارة عن قطعه ارض بتكون ملك مال العقار او مجموعه صغيرة جداا (زي اتحاد ملاك) وبيبنوا عليها برج او عمارة (اقل من 9 ادوار)....وبيبيعوا منها او يبيعوها كلها....
في بعض الناس بتحدد نسبة من الارض في عقد الشقة التمليك بتكون من حق ايلي هايشتري الشقة ...في حالة ان البرج لاقدر الله وقع او حصل اي شيء ....المهم ان دة بيكون كويس جدااا لان زي مانتوا عارفين الارض بتزيد كل يوم....
الناس دي موجودة في كل مكان ...وممكن توصلهم عن طريق الاعلانلت او مكاتب السماسرة...
هي بعد ايلي انا قريتة وسمعتة من بعض الناس ....هي كدة اضمن بكتير من حكاية الكومباوندات....
في طريقة تانية مضمونة قوي ....وهي انك تشتري الشقة من الدولة مباشرة....ودي واحد صاحبي قالي عليها ...زي مثلا جهاز 6 اكتوبر...وطبعا كدة مافيش اي وسيط بينك وبين الدولة او من يمثلها ...
اقتباس:
المشاركة الأصلية كتبت بواسطة sherif Anton
مش شرط ...... ممكن برضه صاحب العمارة يكون واخد قرض بضمان العمارة
و الحل الوحيد هو تسجيل الشقة بأسم المشتري بعد الشراء فورا حتي تخرج من ملكية صاحب العمارة
و بالتالي في حالة عدم سداد صاحب العمارة للقرض لا يستطيع البنك الحجز على الشقة
لإن ملكيتها إنتقلت الى المشتري و خرجت من حيازة صاحب العمارة
كلامك سليم 100 / 100 يا استاذ سمير ... وعلشان كده انا كتبت في تعليقي "اقتباس:
sherif Anton كتب:
... علشان كده اتجه للشراء عن طريق عمارات الاهالي لانها الى حد ما اضمن
مش شرط ...... ممكن برضه صاحب العمارة يكون واخد قرض بضمان العمارة
و الحل الوحيد هو تسجيل الشقة بأسم المشتري بعد الشراء فورا حتي تخرج من ملكية صاحب العمارة
و بالتالي في حالة عدم سداد صاحب العمارة للقرض لا يستطيع البنك الحجز على الشقة
لإن ملكيتها إنتقلت الى المشتري و خرجت من حيازة صاحب العمارة
ولم اقل انها مضمونة 100 في ال 100 ... عموما الشراء في هذه المرحلة خطر جدا لان السوق معرض للهبوط مثلما حدث في امريكا من حوالي شهرين وما سمعناه عن مشاكل سوق العقارات وانهياره ... وللمفاجأة حدث انهيار عقاري بسوق انجلترا خلال الاسبوع الماضي وانخفضت اسعار العقارات الي مستويات هددت السوق كله طبقا لما اذاعته قناة CNBC على الرغم ان لندن تشبه الى حد كبير القاهرة من حيث انه لاتوجد مساحات متاحة من الاراضي للبناء عليها وعلى ذلك من المنطقي ان السعر يرتفع ... لكن حدث ما كان متوقع مثلما حدث بأمريكا سابقا وهبط السوق ... ياترى الدور على ميييين؟اقتباس:
عمارات الاهالي لانها الى حد ما اضمن
شكرا أستاذ شريف على ذوقك في الرد
و فرصة سعيدة اني اتعرفت بسيادتك
الاميريكان بيتشو فيها مشاكل ازاى ... ممكن تفسر ؟
ده انا اللي اتشرفت بمعرفتك ياباشا ... بصراحة انا سعيد جدا اني باقابل ناس محترمة في المنتدي هنا ;)اقتباس:
شكرا أستاذ شريف على ذوقك في الرد
و فرصة سعيدة اني اتعرفت بسيادتك
اشترى في عباد الرحمن امام نادي الصيد الجديد من الناحية التانية من كارفور
اسعاره كويسة و المستوى مناسب
انا شارى هناك بس مش من الشركة , اشتريت من واحد السنة اللى فاتت شقة في المرحلة الاولى مساحتها 74 م . و المدينة هناك كاملة المرافق و يندر تماما انقطاع الكهرباء او المياه عنها و لو اتقطعت المياه بيكون لساعات و ترجع تاني زي الفل و اسعارها مش غالية , يعنى تقريبا الـ 100 م بحوالى 100 او 110 الف بس محتاجة فينش طبعا
و كمان الشركة دافعة ثمن الارض بالكامل فبقى مفيش مشكلة من تسجيلها من عدمه
-------------
بخصوص امريكان بيتشو
واحد صاحبي استلم هناك من سنتين تقريبا و مش عارف يقعد علشان المرافق ( المياه و الكهرباء و الصرف الصحي ) الحى او هيئة مياه الشرب , طالبين من كل عمارة مبلغ كبير من كل شقة ممكن يكون على المتر 100 جنيه او حاجة زي كده , المشكلة ان اغلب السكان قافلة الشقق و اللى مظلوم هوا اللى عاوز يسكن و يقعد و دول قليلون , يأما يسدد لوحده لباقي السكان على حسابه و يبقى يلم منهم بعدين يأما يدخل الكهربا و المياه مخالف و يتعمل له محاضر و مشاكل في قسم البوليس و الشركة خالعة ايديها تماما و مرفوع عليهم قضايا بالكوم و لا حياة لمن تنادي !!!
* فيه تعليق صغير للاخ اللى باع شقته في بيتشو و كان عارف ان عليها مشكلة و بيقول انه خلع ...دي مش شطارة و لا فهلوة ... لانك لو كنت بعتها بدون و خلى بالك من كلمة بدون دي علشان متقولش و انت ايش عرفك انى مقولتلوش , لانك لازم تقول لصاحبها على مشاكلها علشان ربنا يبارك لك في كل حاجة و خاصة انها مشاكل معقدة و لن تحل في الوقت القريب فأنت كده اسمك خدعته و ربنا هيحسبك و مش هيسيبك لانك غشيته و هترد لك في حاجة مشابهة او حاجة تاني !
* بخصوص تسجيل الشقة في الشهر العقارى بعد التسليم مباشرة من المالك فده لن يحل المشكلة و ليس حل نهائي , بسبب ان تاريخ تسجيلك بيبقى لاحق لتاريخ الرهن للبنك ,( يعنى بعد ما اترهنت الارض بقرض او خلافه من مالكها الاصلي ) ... فبرضوا لن يعتد بالتسجيل زي ما انت فاكر ...
معتقدش ان فيه اسعار كده دلوقتي!!اقتباس:
المشاركة الأصلية كتبت بواسطة banboty
أقل حاجة في المنطقة دي كانت 1700 للمتر!!
يا باشا لو قصدك المرحلة الثالثة اللى بتتبني قدام نادي الصيد فدي بـ 3100 و نفس الحكاية في معادي جاردينز اللى قدامها و دي شركة تانية و بتطل مباشرة على نادي الصيد و الشقق الداخلية منها عدت الـ 2200 جنيه و كمان البارون اللى بعدهم وصلت الى 2100
انما انا اقصد انك تشترى من اهالي اللى اشترو زمان من الشركة و دول هتلاقيهم غالبا شقق في المرحلة الاولى ... ممكن تعمل زي ما انا عملت ... سألت البوابين هناك في كام عمارة و كل واحد قال على الشقق المعروضة للبيع .
و السعر تقريبا زي ما قلت لك و خد بالك ان المساحات الصغيرة اللى اقل من 85 م بتطل على ممرات بين العمارت عرض الممر 6 م و طبعا وحشة لان الشمس مش هتدخلها و لا الهواء و هتلاقيها كئيبة , و انا لحظى الكويس و الحمد لله لما اشتريت , اشتريت فى عمارة 65 و هى على ناصية فشقتى مع انها صغيرة بس على الشارع مباشرة .و بتفرق في السعر كمان سواء لما تشتري او تبيع
شكرا جزيلا على المعلومات القيمة.... أنا فعلا لازم أنزل ادور في العمارات بقى...شغل الشركات مش هينفع..اقتباس:
المشاركة الأصلية كتبت بواسطة banboty
بس ميزة الشركات هية التسهيلات اللي بتقدمها يعني معتقدش ان في واحد ممكن يديني شقة بتسهيلات علي 5 سنين مثلا!