بخصوص السى دى

**mimo3000** · 01-09-2009 01:10 AM

بص ياباشا انتا ليك عندى اقتراحين يعملولك اللى انتا عاوزه ده

سيبك من حكايه اسطوانه الدى فى دى عشان دى مش هتشتغل عندك ومش هتنفع

بص او اقتراح انك تجيب اف ام موديلتر fm modulater ده عباره عن جهاز كده بيتحط مكان الولاعه ويتحط فيه فلاشه او كاترت ميمورى وتحط عليهم الاغانى اللى انتا عاوزها وتمسح وبراحتك والكاسيت بتاعك هيلقط من الموديلتر ده اكنه اذاعه راديو عاديه جداااااااا ومن غير اسلاك ولا اى حاجه اكنه مشغل نجوم اف ام او اى اذاعه الموديلتر ده ب 45 جنيه دى ارخص حاجه هتلاقيه فباب اللوق
وفى طبعا حجات اغلى واشكال وانواع زى متحب دى حاجه

الاقتراح التانى بقى تجيب وصله aux زى مالشباب قالولك دى عباره عن سلك من نحيه ليه فردتين ومن نحيه فرده وحده بتركب الفردتيين فالكاسيت وبيبقى عندك الفرده التانيه زى الجاك بتاع الوكمن بالظبط ممكن تشغل عليه وكمان او mp3 او mp4 او اى حاجه انما انا شايف ان حضرتك اهتمامك الاكبر انك تشغل من الموبايل زى الشريط اللى حضرتك كنت بتتكلم عنه فحضرتك هتنزل مول البستان اللى فالتحرير ده وتقولهم على نوع موبايلك وانك عاوز وصله ليه تكون مخرجها يتركب فيه جاك زى بتاع الووكمان وخد معاك الوصله جربها وبكده حضرتك هتشغل الموبايل على الكاسيت زى الشريط اللى كنت بتتكلم عليه بالظبط

واى استفسار انا تحت امر حضرتك اه نسيت اقولك وصله ال aux هتلاقى العاديه ب 2 جنيه و 3 جنيه وحجات كده وفى منها فراديو شاك اسمها وصله اوديو للكاسيت هتلاقيها ب 17 و 18 لحد فوق وفى اقل كمان
والوصله بتاعت الموبايل هتلاقيها فراديو شاك برضو بس اغلى من المول بشويه فالمول هتلاقيها ب 5 جنيه او 10 بالكتير
فراديو شاك هتلاقيها اغلى شويه

اسف انى طولت على حضرتك ولو ليك اى استفسار انا تحت امرك

**A.Saad** · 01-09-2009 01:34 AM

الحلول اللى فوق كويسة
لو عايز تجيب كاسيت
يبقى تجيب نوع بفلاشة
النوع الكويس البايونير
اللى بفلاشة عندك موديلين
2150 ب 600 جنيه بالضمان
3150 ب 720 جنيه بالضمان
هما فيهم راديو وcd و auxوفلاشة

**Ayman_52** · 01-09-2009 03:11 AM

وصله الــ aux ... وتوصلها بالموبيل ...

ودا توبيك بيشرح خطوات تركيبها فى الجين2 ...

هنــــــــا

---

تحيــــــــــــــــاتــــ ـــــى

**shady1** · 01-09-2009 03:27 AM

المشاركة الأصلية كتبت بواسطة Ayman_52

وصله الــ aux ... وتوصلها بالموبيل ...

ودا توبيك بيشرح خطوات تركيبها فى الجين2 ...

هنــــــــا

---

تحيــــــــــــــــاتــــ ـــــى

بعد ما أركب وصلة aux وأقوم بتوصيلها بالموبيل : ينفع أقلب فى الأغانى اللى على الموبيل من على زراير الدركسيون بدون ما أمسك الموبيل وأقعد أقلب ولا ما تنفعشى الحتة دى .

**shady1** · 01-09-2009 03:52 AM

بعد ما أركب وصلة aux وأقوم بتوصيلها بالموبيل : ينفع أقلب فى الأغانى اللى على الموبيل من على زراير الدركسيون بدون ما أمسك الموبيل وأقعد أقلب ولا ما تنفعشى الحتة دى .

**Ayman_52** · 01-09-2009 04:18 AM

هو انا ماجربتهاش ... بس على حد علمى ... انو ماينفعش تستخدم المالتى فانكشن فى تقليب اغانى الموبايل..

بس استنى باردوا حد يكون مركبها هيفيدك اكتر .

تحيــــــــــــــــــــــ اتـــــــــى

**mimo3000** · 01-09-2009 05:14 AM

لاء مينفعش تقلب الاغانى من المالتى فانكشن ولا من الكاسيت بس ممكن تعلى وتوطى الصوت انما متتحكمش فالاغانى الا من الموبايل بس

**mimo3000** · 01-09-2009 05:19 AM

المشاركة الأصلية كتبت بواسطة mimo3000

اه نسيت اقولك وصله ال aux هتلاقى العاديه ب 2 جنيه و 3 جنيه وحجات كده وفى منها فراديو شاك اسمها وصله اوديو للكاسيت هتلاقيها ب 17 و 18 لحد فوق وفى اقل كمان
والوصله بتاعت الموبايل هتلاقيها فراديو شاك برضو بس اغلى من المول بشويه فالمول هتلاقيها ب 5 جنيه او 10 بالكتير
فراديو شاك هتلاقيها اغلى شويه

اسف على المعلومه الغلط دى انا مكنتش اعرف ان كابل ال aux مختلف فالكاسيت ده عن باقى الكاسيتات انا كنت فاكر انه كابل عادى زى باقى الكبلات

معلش انا اسف

**nightmare22** · 01-09-2009 05:19 AM

ممكن بردو تشغل الموبايل من fm modulater عن طريق وصلة بتيجى معاه ودا من رأى أحسن حل

الموضوع: بخصوص السى دى

LinkBack

أدوات الموضوع

عرض

-

-

-

المواضيع المتشابهه

السى دى بيقطع

بخصوص الكتابه على السى دى

السى دى

مشكلة بخصوص السى دى لوسمحتم التوضيح

عفشة السى 3

الكلمات الدلالية لهذا الموضوع

المفضلات

المفضلات

ضوابط المشاركة