بخصوص السى دى

**shady1** · 31-08-2009 11:11 PM

أنا سمعت عن إسطوانة 8 جيجا ويمكن عن طريقها مسح الأغانى القديمة وإضافة أغانى جديدة بدون حرق الملفات الصوتية عليها كأى إسطوانة عادية ببرنامج النيرو . ودى أشبه بى هارد صوتى وطبعآ هنقلب بقى الأغانى من إسطوانة واحدة بدل ما كل شوية أغانى صغيرين ليهم إسطوانة واحده وكل شوية نشيل إسطوانة ونحط إسطوانة .

حد يقولى الكلام دا حقيقى ولا لازم أشترى إسطوانات كتير وكل إسطوانة بتبقى الملفات الصوتية محروقة عليها وطبعآ ما ينفعشى أضيف عليها أغانى تانى ولازم أشترى إسطوانة تانية . وبالنسبة لى mp4 أنا مش بحبه ولكن عاجبنى فكرة الإسطوانة دى ومش عارف أشتريها منين .

حاجة تانية شوفتها برده عند واحد صاحبى بس عنده كاسيت بشرائط وجايب شريط متوصل به سلك إلى الموبيل وبيشغل الأغانى من على الموبيل إلى سماعة العربية . الكلام دا ينفع نطبقة عندنا بدون الشريط . بس أعتقد إن الوصلة مرتبطة بالشريط ولا عندكم كلام تانى . آسف لأنى إتكلمت كتير بس لو الإسطوانة اللى عاملة شبه الهارد دى حقيقية تبقى إختراع جامد .

**ahmedsiyam** · 31-08-2009 11:23 PM

كاسيت العربية اصلا لا يدعم اسطوانات الـ dvd من اساسه

و اللى انت بتتكلم عليها دى dvd9 موش 5 يعنى اكبر من الـ dvd العادية اللى اصلا الكاسيت مابيشغلهاش

**shady1** · 31-08-2009 11:34 PM

المشاركة الأصلية كتبت بواسطة ahmedsiyam

كاسيت العربية اصلا لا يدعم اسطوانات الـ dvd من اساسه

و اللى انت بتتكلم عليها دى dvd9 موش 5 يعنى اكبر من الـ dvd العادية اللى اصلا الكاسيت مابيشغلهاش

يعنى الإسطوانات دى السى دى مش بيشغلها . يا خسارة .... طيب لو حطيت كاسيت وهجيب الشريط اللى بيتوصل بالموبيل وهو رخيص جدآ الشريط تقريبآ ب 10 جنيه وبيشغل أى أغنية على الموبيل وأريح دماغى .

إيه بقى أحسن نوع كاسيت وبكام .

**A.Saad** · 31-08-2009 11:36 PM

انت ممكن تجيب اسطوانة
CD
WRدى نوع ممكن يتمسح ويتكتب عليه كذا مرة
وكمان وانت بتكتب الملفات اعمل خاصية multisession

بحيث تقدر لو لسه عندك مكان فاضى تضيف ملفات بعد كدة مع الاحتفاظ بالملفات القديمة معاها

**A.Saad** · 31-08-2009 11:45 PM

المشاركة الأصلية كتبت بواسطة shady1

جربت الموضوع دا برده وعندى حوالى 20 إسطوانة ...... أنا خلاص هجيب كاسيت بس مش عارف الأنواع بتاع الكاسيت إيه وبكام .

انت بتحرق الاسطوانة ببرنامج ايه وبصيغة ايه

**ahmedsiyam** · 01-09-2009 12:03 AM

انا من رايى هات وصلة الـ aux و دى ممكن تكلفك حوالى 60 مثلا و تجيب ipod هتلاقى العملية بنفس ثمن كاسيت جديد

**shady1** · 01-09-2009 12:14 AM

المشاركة الأصلية كتبت بواسطة ahmedsiyam

انا من رايى هات وصلة الـ aux و دى ممكن تكلفك حوالى 60 مثلا و تجيب ipod هتلاقى العملية بنفس ثمن كاسيت جديد

كده أحسن وشكرآ لحضرتك
على الأقل شكل الكاسيت هيبقى شكله مش حلو وهيقلل من قيمة العربية كمان

لكن ipod حاجة تيك أواى كده . بس غالى برده

**Karim_Monir** · 01-09-2009 01:04 AM

عندي ال dvd بحط على mp3
مساحتها 4.5 جيجا
وبستعمل ال dvd-rw
بمسح واحط تاني
بس ده بيهلك العدسة لانه بيقرى من مسافات اقل

الموضوع: بخصوص السى دى

LinkBack

أدوات الموضوع

عرض

-

-

-

-

-

المواضيع المتشابهه

السى دى بيقطع

بخصوص الكتابه على السى دى

السى دى

مشكلة بخصوص السى دى لوسمحتم التوضيح

عفشة السى 3

الكلمات الدلالية لهذا الموضوع

المفضلات

المفضلات

ضوابط المشاركة