Fiat punto evo - الجيل الجديد من الجراند بونتو ( وداعا جراند )

اعلنت فيات اليوم عن فيات بونتو ايفو , و دي ملهاش دعوة بالايفو بتاعت لانسر و انما دي شكل جديد او ( mid-life facelift ) .

التعديلات الجديدة في الفوانيس و الاكصدامات و الشبكة الامامية تغيرت تمامااما الواجهة الخلفية فالتعديلات بسيطة مع اضافة كلمة بونتو في وسط السيارة و تعديل الاكدصام ليتامشى مع المقدمة .

اما التغيير الاكبر فهو التالبلوه و الكونوسل حيث اتشكى العديد من السائقين من تصميمه البيسط الغير متناسب مع الشكل الخارجي فطورته فيات ليتانسب مع الشكل الايطالي الانيق و اصبح مطعم بالنيكل و الجلد الطبيعي حسب الموديل .

اتركم مع بعض الصور :

http://www.blogcdn.com/www.autoblog....1251713727.jpg

http://www.blogcdn.com/www.autoblog....1251713759.jpg

http://www.blogcdn.com/www.autoblog....1251713817.jpg
http://www.blogcdn.com/www.autoblog....1251713794.jpg

http://www.blogcdn.com/www.autoblog....1251713711.jpg

المحركات هي هي و ابعاد السيارة هي هي , زادت في الطول فقط 2.5 سم .
اضافة تكنولوجيا MultiAir في المحركات في بعض الموديلات .

متوقع نزولها الاسواق قريبا جدا في معرض فرانكفورت الدولي .

كانو سابوها في حالها احسن ما بوظو شكلها :s

كل الفيس ليفتس اللي طالع من الشركات الاوروبيه دلوقتي بيبوظ شكل العربيه مش بيحسنها ابداا !

الخبر ده يا كريم حايصبرنى و يخلينى استنى حتى لو لغاية نص 2010 مش مشكلة،بس قولى عرفت ايه زيادة عن المالتى اير ؟يعنى حاينزل على اى موتور غير ال 1400 ال 16 صباب الحالى
الله ينور و شكرا

اقتباس:

---

المشاركة الأصلية كتبت بواسطة pro-drive

كانو سابوها في حالها احسن ما بوظو شكلها :s

كل الفيس ليفتس اللي طالع من الشركات الاوروبيه دلوقتي بيبوظ شكل العربيه مش بيحسنها ابداا !

---

اذواق .. انا اول مشتفها و انا بتكلم معاك حسيت انها اوحش .. بس لما دققت في الصور ال hires شوية لقيتها بقت احلى فعلا في بعض الحاجات و اقتبسوا الشبكة الجديدة من الفيات 500 . و بقت عاجباني اكتر دلوقتي :)

اقتباس:

---

المشاركة الأصلية كتبت بواسطة gemino

الخبر ده يا كريم حايصبرنى و يخلينى استنى حتى لو لغاية نص 2010 مش مشكلة،بس قولى عرفت ايه زيادة عن المالتى اير ؟يعنى حاينزل على اى موتور غير ال 1400 ال 16 صباب الحالى
الله ينور و شكرا

---

التقرير بيقول بس موضوع الملتي اير , عامة المالتي اير حيزود الاداء حوالي 15% .

مفيش اي نية لفيات علي فكرة انها تغير سياسة المحركات , فالناس الي مستنية محرك 1600 سي سي ممكن تنساه تقريبا لان كل محركات فيات البنزين بقت 1400 سي سي و في كمان واحد نازل 1200 تربو و 900 سي سي تربو .

الوحيدة الي لسة شغالة بمحركات 1600 هي الفاروميو و بعض موديلات فيات في الهند و تركيا وكدة .

انا في راي ال 1400 سي سي لو نزلوه ال16 صمام في مصر . حيبقى مثلا في حدود 92 حصان كافي جدا للجراند بونتو .

الMultiAIr هي تقنية جديدة في ضخ الهواء و البنزين في غرفة الاحتراق , و هي عبارة عن شريحة كومبيتور متصلة بنافل الحركة و الECU و بتدخل كمية هواء و بنزين على حسب سواقتك ثانية بثانية و بالتالي تقلل استهلاك البنزين بنسبة 35% و تحسن اداء السيارة عامة ب 15% و تزود قطة غيار غالية جديدة علشان التوكيل يحبك اكتر :)

اقتباس:

---

المشاركة الأصلية كتبت بواسطة CryptonX

انا في راي ال 1400 سي سي لو نزلوه ال16 صمام في مصر . حيبقى مثلا في حدود 92 حصان كافي جدا للجراند بونتو .

---

هو فعلا فى موديل من الجراند موجود دلوقتى بينزل 16 صمام مع توقيت متغير للصمامات و اسمه starjet و ده بيولد 95 حصان و الفتيس بيبقى 6 نقلات امامية بس حاتعمل ايه بقى فى سياسة التسويق !
بالنسبة لل 1600 سى سى فمالوش اى لازمة طالما ال 1400 بيطلع 150 حصان (بالتيربو طبعا ) و فى واحد المانى مجنون اسمه كارل شنوور عدل فى الموتور ال 1400 التيربو ده خلاه يطلع 200 حصان !!!

بالنسبة للشكل الجديد ده حاتبدا مبيعاته من اكتوبر 2010 خبر يفرح بصراحة و ربنا يسهل

اقتباس:

---

المشاركة الأصلية كتبت بواسطة CryptonX

الMultiAIr هي تقنية جديدة في ضخ الهواء و البنزين في غرفة الاحتراق , و هي عبارة عن شريحة كومبيتور متصلة بنافل الحركة و الECU و بتدخل كمية هواء و بنزين على حسب سواقتك ثانية بثانية و بالتالي تقلل استهلاك البنزين بنسبة 35% و تحسن اداء السيارة عامة ب 15% و تزود قطة غيار غالية جديدة علشان التوكيل يحبك اكتر :)

---

هدية منى ليك لو عندك مزاج و دماغ :majd(4): تقرا
Fiat releases MultiAir engine technology – is this a fundamental breakthrough in internal combustion engine design?

العربية خرافة ...

ممكن تنزل مصر على أخر 2010 ...

بجد جامده جدا وحسنوا شكلها اكتر واكتر لان شكلها القديم جامد بس ده حسن الفوانيس بقت زى البرافو والشبكه الاماميه جامده جدا

اقتباس:

---

المشاركة الأصلية كتبت بواسطة CryptonX

اذواق .. انا اول مشتفها و انا بتكلم معاك حسيت انها اوحش .. بس لما دققت في الصور ال hires شوية لقيتها بقت احلى فعلا في بعض الحاجات و اقتبسوا الشبكة الجديدة من الفيات 500 . و بقت عاجباني اكتر دلوقتي :)

.

---

امممممم هو نوعا ما عندك حق بس كانو ممكن يطلعو منها احسن من كدا :)

بصراحه عاجبني قوي الجي بي اس بتاع TomTom !! لو تنزل مصر بالبتاع دا !!!!

اخبار سعيدة للمحركات !
المحرك ال 1400 فاير ال 16 صمام زاد من 95 الي 105 حصان
و ال 1400 فاير 8 صمام زاد من 77 الي88 حصان


اعتقد ال 10 حصان دول حيفرقوا جامد في مبيعات العرية دلوقتي .

و لو نزلت ال 16 صمام , ملهاش اي لازمة محرك 1600 سي سي خلاص :)

واوووو بسم الله ما شاء الله انا انبهرت بيها جدا
طب يا ترى محدش يعرف اسعارها هتبقى ايه (المتوقعة يعني) هل هتكون نفس الموديل الحالي في السعرولا هتزيد شوية؟
فعلا الجراند بقت تحفة و التابلوة بقى فخم جدا و قريب من فخامة البرافو

فيات بتتقدم بصوره مذهله ان متوقع تكون نمره واحد فى خلال 5 سنيىن