سعة الشنطة 530 لتر مكعب بزيادة 10 لتر مكعب عن ميجان 2
أطول من ميجان بحوالي 14 سم
أعرض بحوالي 3 أو 4 سم
محتاج مشورتكم ضرورى يا اخوانى، خالى كان رايح يحجز الكروز و شاف الرينو الجديدة و عجبته جدا، ولأنهم بيعتبرونى وزير النقل فى العائلة بسبب نايل موتورز اللى ساند ضهرى جامد بأعضائه، رمى الكورة فى ملعبى و قالى انت اللى هتقرر احجز ايه، فياترى ايه رأيكم؟ مع العلم انه مش من النوع اللى بيبدل كتير، يعنى ربنا يديله الصحة ممكن العربية تقعد معاه 10 سنين علشان استعماله نضيف جدا صحيح بيعمل كم كتير بس بيصون العربية جامد و مالوش فى جرى او شد، كلها مشاوير بين القاهرة و الساحل و العين السخنة و دمتم..
بصراحة يا حسام قرار صعب
و خاصة ان الفلوانس لسه نازله
و محدش جربها
لكن انا ميال للفلوانس بحكم تجربتى للميجان ii و توكيل رينو فى مصر لمده 5 سنوات
أنا شايف إن الفلوانس أحسن و اشيك ... وبعدين طبعا رينو أحسن من ال كروز كفاية إنها فرنساوي مش كوري حتى لو بتتجمع في تركيا ... وبعدين متهيألي خامات وتقفل الفلوانس أحسن من الكروز ... و الفلوانس متورها أجمد من الكروز ... الكروز ضعيفة قوي ... وتوكيل رينو أحسن بكتير قوي منصور اللي الناس كلها بتشتم فيه فـلو العربية هتقعد مع خالك كتير يوم ماتبتدي تحتاج بقى تعملها صيانة وكده مش هيتعب ويطلع عينه مع منصور ... ومتهيألي كا جودة واعتمادية طبعا الفلوانس هتبقى أحسن وهتعمر أكتر مالكروز وهتستحمل أكتر
وعامةً أنا شايف إن الفرنساوي طول عمره عربيات برستيجها عالي فالفلوانس برستيج أكتر من ال كروز والكروز سعرها مش المفروض يبقى كده أصلا عشان نقارنها بالفلوانس :dzey:
الى الاخوة الافاضل اعضاء المنتدى الكرام السلام عليكم ورحمة الله وبركاته اولا شكرا لكم على مشاراكاتكم الفعالة فى منتدى رينو ثانيا كنت عاوز مشورتكم انا معايا فورد فوكس سيدان ستيبترونيك2007وهى والحمد لله عربية جميلة بس تقيلة شوية على الموتور ولكن ادائها على الطرق الطويلة ممتاز واتزان ممتاز ولكن انا عجبتنى الرينو فلوانس بس خايف من كذا نقطة -التقفيل التركى-قوة الموتور بالنسبة لوزن السيارة-الاتزان على السرعات العالية آسف طولت عليكم وفى انتظار نصيحتكم
انا توكلت على الله و حجزتها انهاردة
انا شايف ان العربية دى هتكسر الدنيا وهتبقى سيارة 2010 بلا منازع وخاصة مع اسعارها وكماليتها المتفوقين على الكل
الشكل القديم احلى
الشكل علي الحقيقه احلي من الصور بكتير .... اؤيد الفيلونس
انا بردة شايف ان العربية دى هتبقى قنبلة رينو فى مصر ل2010 بس يا ريت توضيح من العضاء قلى حجزوهة او شفوهة فى المعرض ل امكانيات السيارة بالضبط قلى نزلت بيهة فى السوق "مش المفروضة" و الفروق فى الامكانيات بين موديلاتهة المختلفة . انا قرئت خبر عنهة فى موقع كونتك كار بس مش موضحين اساسيات العربية زى الموتور مثلا فا ياريت التفاصيل الدقيقة من السادة الاعضاء و شكرا
العربية جميلة جدا فى الحقيقة عن الصور
وخطوطها انسيابية جدا .. وغير مفتعلة ...
علشان كدة انا صوت للفلونس بعد ما ركبتها فى التوكيل وشوفتها فى المعرض
المهم ... من جوة حاسس ان خامات الميجان 2 أفضل و أذوق
يعنى هم ما اهتموش interior desgin ( التصميم الداخلى )...
ولا ايه رايكم ؟؟
انا ارى ان التصميم الداخلى يتميز بالبساطة و دة يمكن اللى شدنى فى العربية انها بالرغم انها مليانة اوبشنز مش موجودة فى عربيات تانية كتير بس التابلوة تحس فية بالاناقة و بدون تعقيد و ازرار كتيرة منطورة فى كل حتة
العربية ماشاء الله تحفه واما شوفتها في التوكيل اتوهمت وانا شايف انها اعلى من الكوري والياباني في الاوبشنز وسعرها مناسب جداً بالأضافه لسمعة التوكيل الممتاز بس الحاجة الوحيدة للي خايف منها سعر اعادة البيع
معاك حق
بس اللى يجيب عربية دى لازم يكون مجهز نفسة لحاجتين
الاولى ميفكرش فى موضوع سعر اعادة البيع خالص مقابل الاستمتاع بامتلاك و قيادة العربية و يكون عامل حسابة انة حيحتفظ بيها اطول فترة ممكنة
الثانية انة يحترم العربية علشان تحترمة بمعنى انة ميهنهاش عند ميكانيكية و يمشى معاها زى الكتاب ما بيقول فى مواعيد الصيانة و تغيير قطع الغيار الاصلية فى مواعيدها عند التوكيل بدون النظر لحالة القطعة المستبدلة من حيث حالتها (مستهلكة من عدمة) و بكدة حيستمتع بالعربية و هى بحالة ممتازة اطول فترة ممكنة و بدون اى مشاكل
Fluence is a whole new car; it's only based on Megane III platform. For more information please check this press release out
العربية شكلها من ورا حلو قوي بس من قدام مش عجبني للاسف
كان ممكن تبقى أحلى كتير
:049:Megan 2 is better looking &the new hatchback is wonderful
طيب ايه اخبار قطع الغيار
على حسب كلام التوكيل فهى متوافرة و نزلت مع العربية
اما بانسبة لاسعارها فلا توجد قائمة اسعار مؤكدة متوفرة فى الوقت الحالى لكن هى بناء ايضا على كلام التوكيل فى مستوى اسعار قطع غيار العربيات اللى فى فئتها او تزيد قليلا عن اسعار قطع غيار العربيات الكورى اللى فى فئتها ايضا
السلام عليكم
أخيرا نزلت ويوجد منها كمية فى معرض رينو فى السادس من أكتوبر خلف مترو
و الأسعار كالأتى:
الفليونس تبدأ من 110000 و حتى 158000 الهاى لين
الميجان الهاتش باك الهاى لاين 144000 (أسبانى)
أما الإستيت فباقى من الزمن شهرين تقريبا على نزولها.
:E_braces[1]:
جميله جدا الميجان الجديده بس اعتقد انها سبور شويه اكتر من القديمه القديمه احس انها احلى شويه
ما فيش اخبار عن الاوبشن في كل فئة....
أنا حاسس ان العربية واطية شوية....محدش يعرف ارتفاعها عن الارض قد اية بالظبط....
بس الصراحة ....تحفة قاتلة....العربية ممتازة في الفئة السعرية...
لو قطع الغيار تنزل رخيصة يبقي مصر هاتبقي كلها رينو..
يا جماعة أنا شفت العربية بنفسى، هى من ورا شكل اللاجونا علشان اللاجونا مابعتش كتير معاهم خالص فإستعانو شوية بالتصميم من الخلف و ببعض التكنولوجيا، السيارة نزلة فى أسيا تحت إسم سامسونج sm3 و العربية شراكة بين رينو و سامسونج و فتيس من تطوير نيسان.
العربية من الناحية الميكانيكية و الحساسات أقل من الميجانii فى التكنولوجيا و هذا مقصود لزيادة الإعتمادية و تقليل الأعطال حيث إن سمعة رينو فى الإعتمادية قلت فى أوروبا فى السنوات الماضية فالتركيز على زيادة الإعتمادية و تقليل الأعطال.(يوجد حساس واحد فقط)
السيارة 110 حصان و لكن الفتيس مطور من طراز dp2 بدلا من dp0 فى الميجان ii و هو سلس جدا فى النقلات و يعطى عزم شديد عند عدد لفات منخفض(من تطوير نيسان) و لكن يبقى التجربة لتأكيد المعلومة.
تم إزالة الكثير و الكثير من الكماليات الرائعة و التكنولوجيا العالية التى كانت موجودة فى ميجان ii و ذلك للحفاظ على السعر المنافس فمثلا تم إزالة الأتى من جميع الموديلات ما عدا الهاى لاين (158000 جنيه)
-كارت التشغيل و إستبداله بمفتاح.
-أنوار الفوج أمامى و خلفى.
-2 إيرباج فقط بدلا من 6.
-ضم المرايات كهربائيا.
-غطاء الموتور البلاستيك.
تم تحويل الرفارف الأمامية إلى صاج بدلا من فيبر
وضعية النظام الصوتى غريبة بعض الشىء فهى منخفضة جدا و تم وضعها أسفل أزرار التكييف و ليس فوقها كما فى جميع الموديلات السابقة.
هذه هى ملاحظاتى الأولية و سوف أوافيكم تباعا عندما أجرى عليها إختبار قيادة قريبا إن شاء الله.
انا مختلف مع حضرتك فى اكتر من نقطة و لكن حتكلم عن جزء الكماليات اللى حضرتك بتقول انهم شالوها من كل الموديلات ما عدا اللى ب 158000
انا حاجز الفئة اللى ب 135000 و فيها الاتى
-كارت التشغيل (مطور عن الميجان بمعنى عدم الحاجة لوضعة فى مكانة فى السيارة لادارتها).
-أنوار الفوج أمامى و خلفى.
-ضم المرايات كهربائيا
هذا بالاضافة الى التكييف الثنائى المنطقة و مسند رأس الجيل الرابع (يضبط فى ثلاثة اتجاهات)
ثم ما هى الكماليات الرائعة التى تمت ازالتها و كانت موجودة فى الميجان و كانت الميجان اللى فيها الكماليات دى سعرها كام
واية هى الحساسات التى تمت ازالتها ممكن حضرتك تزكرها لينا
ملحوظة
العربية شراكة بين رينو و نيسان و لكن تمت الاستعانة بتصميم ال sm3 بعد اجراء بعض التعديلات علية
أنا أسف لو كنت ضايقت حضرتك خاصة إنك بالفعل حاجز السيارة.
نفس هذة الكماليات كانت موجودة فى الميجان II بسعر 125000 أول فئة أتوماتيك بدلا من 135000 مع ملاحظة تخفيض الجمارك 4%.
هذا بالإضافة إلى 4 إيرباج زيادة كانت موجودة فى أول موديل أتوماتيك من الميجان (مش أقل من 6000 جنيه فرق سعر فقط ل4 إيرباج زيادة)
السيارة بالفعل هى السامسونج SM3 دون أية تعديلات و هى بالفعل موجودة على سايت رينو للتأكد مع تغيير بادج رينو إلى بادج سامسونج.
بالنسبة للحساسات كان يوجد على سبيل المثال و ليس الحصر فى الميجان سبييد سينسور و كام شافت سينسور و كرانك شافت سينسور ....
أما الفلونس فيوجد حساس واحد فقط و هذا للعلم أفضل كثيرا فسوف تقل الأعطال جدا.
الميجان II يوجد بها 4 زجاج كهرباء لمسة واحدة للأربعة طلوعا و نزولا + نظام " antipinch" و هو نزول الزجاج فى حالة وجود أى عائق أثناء طلوعه ثم طلوعه مرة أخرى و هذا النظام رائع جدا خاصة مع وجود أطفال.(غير متأكد من وجود هذا النظام فى الفلونس).
أيضا يوجد 3 ستائر خلفية فى الميجان من أول فئة و حتى أخر فئة تمت إزالتهم فى الفلونس.
غطاء الموتور البلاستيك لتقليل الضوضاء تمت إزالته.
عزم الموتور وعدد الأحصنة و السرعة القصوى أقل فى الفلونس عنها فى الميجان II.و هى كالأتى:
الميجان 115 حصان و عزم 152 ن/م عند 4200 لفة و سرعة قصوى 193 كم/ساعة.و إستهلاك وقود دورة مختلطة 6.8 لتر/100 كم.
الفلونس 105 حصان للأتوماتيك و عزم 145 ن/م عند 4200 لفة و سرعة قصوى 180 كم/ساعة و إستهلاك وقود دورة مختلطة 7.5 لتر / 100 كم.
نظام أمان الأطفال زجاج و ابواب (و هو الأهم) بكبسة زر عند باب السائق مع وجود لمبة بيان بتشغيله (غير متأكد من إستمرارية وجوده فى الفلوانس)
كونسول أوسط فى الكنبة الخلفية مع وجود أماكن ل2 كوب و مكتب صغير.
عدد 2 مكان تخزين تحت أرجل السائق و الراكب الأمامى رائعة فى إخفاء الأشياء.
شنطة خلفية تفتح على إثنين مساعد زيت و ليس سوست .
كل هذه الفروق مبنى على أول فئة أتوماتيك فى الميجان II التى كان سعرها 125000 جنيه.
الإضافة فى الفلوانس هى :
فتحات تكييف خلفية
وصلات RCA لتوصيل ipod
KEYLESS ENTRY فى الكارت الجديد + زر لإضاءة الفوانيس الأمامية.
الجيل الجديد من المخادع.
هذه مقارنة بسيطة بين أول فئة ميجان II و الفلونس الجديدة فئة 135000 جنيه
مين قال ان انا متضايق بس حضرتك من الواضح ان معاك الميجان فتقدر توصف كل حاجة فيها لكن الفلوينس معظم معلوماتك عنها مش مظبوطة او مش متأكد منها (بناء على كلامك) و حقولك زى اية و برضة حاخد من كلامك
- عزم الفلوينس 162\4200 يعنى اعلى من الميجان
- يوجد كونسول أوسط فى الكنبة الخلفية مع وجود أماكن ل2 كوب و مكتب صغير
- يوجد 3 ستائر خلفية من أول فئة و حتى أخر فئة و لم يتم إزالتهم فى الفلونس
- يوجد نظام أمان الأطفال زجاج و ابواب (و هو الأهم) بكبسة زر عند باب السائق مع وجود لمبة بيان بتشغيله
- بالنسبة لموضوع الحساسات انا معرفش الفلوينس فيها كام حساس لكن ان شاء الله لما استلمها اوعدك و كل اعضاء المنتدى بعمل تقرير مفصل عنها علشان نعرف على الطبيعة اية اللى زاد او نقص فيها عن الميجان
أنا فعلا مش متأكد من معلومات كتير بالنسبة للفلونس لأنى لما إتفرجت عليها كانت أول فئة و ما كنش فيه كل الحاجات اللى قلت عليها يمكن دى علشان كانت عربية تست درايف.
بالنسبة للعزم أنا أخدت الكتيب من التوكيل و يوجد رسم بيانى بالنسبة للعزم مع عدد اللفات و هو لايتعدى 145 ن/م عند 4200 لفة بالنسبة للأتوماتيك و القدرة 105 حصان.
موضوع الحساسات أنا سألت فيه مدير الصيانة الذى تصادف وجوده فى الحفل.
منتظر طبعا التقرير المفصل عن السيارة لأنى من عشاق الميجان.
العربية دى مجرمة وحاتكون ليها شان كبير فى مصر
the design is great in reality.
و الله الكلام مشجع
جدا كمان
[[justify]justify]The 110hp (81kW) 1.6 16V boasts peak torque of 151Nm at 4,250rpm
and drives through either a five-speed manual gearbox (JH3) or
four-speed automatic transmission (DP2).
The 140-horsepower (105kW) 2.0 16V engine produces 195Nm of torque
at 3,750rpm. It will be available with either a six-speed manual gearbox
(TL4) or CVT continuously variable transmission. The latter was developed
by the Renault-Nissan Alliance and provides a smoother ride by eliminating
the need for gear changes and consequent traction interruptions.