الحمد لله استلمت نيو اكسنت 2010

**mhoss** · 03-09-2009 10:17 AM

المشاركة الأصلية كتبت بواسطة lans145

الله يبارك فيكم جميعا
بالنسبة للكيا ريو فهى عربية جميلة جدا و شكلها اجمل من الاكسنت وانا كان معايا كيا برايد سيدان اتوماتيك و الكيا عربية محترمة جدا بس انا فضلت الاكسنت للاتى :
1. النيو اكسنت 1600 سى سى و الكيا 1400 فاعتقد ان دى نقطة تفوق للاكسنت بالنسبة ليا لانى بشغل التكييف كتير جدا و حتى ساعات فى الشتاء فكده الموتور يقدر يستحمل معايا و خصوصا ان البرايد لما كانت معايا 1300 سى سى فكنت بحس ان التكييف بيحمل عليها و بتسخن جدا لانها طبعا قديمة موديل 99 و كنت لازم اقفل التكييف علشان تبرد ...فقلت اجيب سى سى كبير يستحمل التكييف
2. موضوع اعادة البيع الكيا ريو صعبة فى اعادة بيعها و بتخسر فى تمنها كتير عكس الهيونداى و ممكن الواحد يحب يغير العربية قدام فيعرف يبيع محدش ضامن انا كنت بقول عمرى ما حبيع البرايد لانها ممتازة بس موضوع السخونة ده خلانى ابيعها .. النصيب..
3. كل مميزات الاكسنت دى وبرضة ارخص من الكيا ريو ب 3000 جنيه رغم ان العربيتين تقريبا حاجة واحدة مع اختلاف الموتور و الشكل الخارجى و لو شفت مقارنات بين العربيتين حتستغرب من مدى التشابه و على فكرة هما دلوقتى شركة واحدة و فى كتالوج الكاسيت عندى عليه علامة كيا - هيونداى

جزاك الله خيراً و ربنا يباركلك فيها و يعطيك خيرها و يبعد عنك شرها...

**Ali_Abo_Amr** · 03-09-2009 02:20 PM

المشاركة الأصلية كتبت بواسطة lans145

بالنسبة للون اللون الفيرانى تحفة على العربية و هو على فكرة مسألة ارتياح شخصى
اما بالنسبة للحاجة اللى بتيجى مع العربية ..
1 اهم حاجة وصلة الكاسيت لانى اسمع انها مش موجودة بره لازم تأكد عليها لان فى معارض بتطنش.
2 الكوريك و الاستبن و مفتاح العجل و مفتاح الكوريك و الاريال و القاطرة و الطفاية...

تقصد ايه بوصلة الكاسيت ؟

**د.محمود صلاح** · 03-09-2009 02:59 PM

عربية عملية واقتصادية وبها الكماليات الاساسية بس اللى مضايقنى فيها عدم توفر المرايات الكهرباء على الأقل الشمال

**omarmakeen** · 03-09-2009 07:33 PM

المشاركة الأصلية كتبت بواسطة taman

ألف مبروك العربيه أنا كمان حاجز أكسنت فيراني من التوكيل أدعولي استلمها قبل العيد زي مابيقولو بس سؤال أنا حجزت الفيراني وماشفتهوش يا ترى اللون دا كويس زي مابيقولو

انا لسة مستلم نيو اكسنت فيرانى اللون تحفة الصراحة عليها

**khaled nada** · 03-09-2009 08:32 PM

الف مبروووووووووووووووووووووو ووك وربنا يديك خيرها ويكفيك شرها

**lans145** · 03-09-2009 11:37 PM

المشاركة الأصلية كتبت بواسطة د.محمود صلاح

عربية عملية واقتصادية وبها الكماليات الاساسية بس اللى مضايقنى فيها عدم توفر المرايات الكهرباء على الأقل الشمال

انا معاك انها حاجة تضايق خصوصا ان العربية ابعادها صعبة يعنى صعبة فى الركنة بس اعتقد ده حييجى بالتعود بس الحمد الله احسن ما كانت تبقى مراية كهرياء من عند غبور و تعطل على طول .... على فكرة انا دراع المساحة بتاعتى طلع فى ايد السايس ثالت يوم استلم العربية...اتنرفزت شوية و بعدين قلت الحمد لله انها جت على اد كده و ناس كتير فى المنتدى و برة قالتلى كده احسن ما كانت تيجى فى حاجة كبيرة و دلوقتى عادى حاسس ان العربية ان شاء الله حتطلع جميلة....

**lans145** · 03-09-2009 11:47 PM

المشاركة الأصلية كتبت بواسطة omarmakeen

انا لسة مستلم نيو اكسنت فيرانى اللون تحفة الصراحة عليها

الف مبروك و ربنا يبارلك فيها و يديك خيرها و يكفيك شرها .. فعلا اللون الفيرانى تحفة و انا صورت العربية مخصوص علشان taman
و ححاول ارفع الصورة علشان يشوف اللون بنفسه ويقدر يحكم لان فعلا اللون الفيرانى مش منتشر فى الشارع
دى صورة العربية..