محتاج حد مجرب ويعرف قوى العربيتين ويقارن بينهم عشان عاوز اشترى واحدة فيهم سمعت كتيير عن عيوب الافيو والنيو اكسنت بس محتاج اعرف انى الافضل (هااااااااام جدااااااا):majd(4):
تم النقل للمقارنات
مشرف هيونداى 2
عرض للطباعة
محتاج حد مجرب ويعرف قوى العربيتين ويقارن بينهم عشان عاوز اشترى واحدة فيهم سمعت كتيير عن عيوب الافيو والنيو اكسنت بس محتاج اعرف انى الافضل (هااااااااام جدااااااا):majd(4):
تم النقل للمقارنات
مشرف هيونداى 2
الافيو تقفيل مصري و1500 سي سي وتقريبا نفس حجم الانيو اكسنت
وقطع غيارها متوفرة واسعارها كويسة.
النيو اكسنت تقفيل كوري(تفرق كتير) و1600 سي سي وتقريبا نفس حجم الافيو
واسعار قطع غيارها كويسة ومتوفرة وكمان 112 حصان
رأيي ان النيو اكسنت افضل بكتير من الافيو بسبب:
1- التقفيل الكوري
2- الموتور اقوى 1600
3- الاثنان نفس السعر تقريبا
4- شكل النيو اكسنت احلى من الافيو
:satelite: Nesta
انت تأمر
ماتريكس الاحسن
عفوا الماتريكس
بخصوص الافيو و النيو اكسنت مش هزود على كلام nesta و فعلا النيو اكسنت احسن بكتير ..
بالنسبة للماتريكس فهى ماتور تكنولوجيا اقدم من الاكسنت و تقفيل تركى و ليس كورى و استهلاكها فى البنزين عالى و سحبها اقل دة غير فرق الثمن 8000 جنية زيادة فى الماتريكس
الميزة الوحيدة فى الماتركس انها اوسع من النيو اكسنت .
أحسن سيارة تحت ال 100،000 جنيه من حيث الأداء و الامكانيات و الجودة و السمعة و التوكيل و قيمة اعادة البيع و سعرهاااا.
الاكسنت تكسب طبعا كفاية انها تقفيل كوري
معايا نيو اكسنت 2008 اوتومانيك عربيه بجد بجد ملهاش حل وقطع غيارها فى النازل يوم بعد يوم وده يرجع لانتشار العربيه السريع لاحظو يا اخوانا ان النيو اكسنت بدايتها 2007 بس كان فيها بعض العيوب اهمها ان الباور كان كهربا وده كان مقلق بعض الناس اما 2008 فيه حاجه غريبه منفرده انها كهربا لغايه 60 كيلو عشان داخل المدينه والسرعات العاديه يبقى بسيط معاك اما بعد 60بيفصل وبيقلب زيت طبعا ده كلام مهندسين مش بس كلامى اما 2009 و2010 الباور زيت بس اما بالنسبه لسعرها انا كنت جايب 2008 اوتوماتيك 80000 و2009 كانت قدامى 83000اوتوماتيك برضه وواحد صحبى اشترى 2010 من اسبوعين بناءا على نصيحتى برضه عامله 84500 وده مفرحنى ان سعر العربيه فى الطالع بالنسبه للمقارنه مع الافيو انا من راييى حرام اظلم الاكسنت اذا قارنتها بيها الاكسنت 1600 تكنولوجيا cvvt وده احدث من اليابانى نفسه وهاشرحها بعدين كاسيت سى دى فول اوبشن اما الافيو من قدام كهربا لكن ورا اوكر عاديه كما ان الكاسيت شرايط مش سى دى تكييف طبعا الاكسنت بيفرق كتير الافيو 1500 بتعوم من مجرد وصولك ل100 كيلو وده عن تجربه اما الاكسنت 220 انا لوحدى بالعربيه من غير حد معايا يعنى مفيش اوزان جبت بيها 200 وكنت عاوز اقفل الامبير بس للاسف الطريق ما اسعفنيش اما ثباتها بجد من غير مبالغه ممكن معاك لغايه 160 و180 المهم انها افضل عربيه فى السوق بالنسبه للشريحه السعريه اللى متواجده فيها وبدون مبالغه افضل من بعض العربيات اللى اعلى منها فى السعر كمان
واضح انك معجب بالعربية قوى .. و انا اتفق معاك ان العربية فعلا جميلة جدا .. انا كمان معايا موديل 2009 و فعلا هى افضل عربية فى شريحتها السعرية .. بس اختلف معاك فى النقاط الاتية :
1- اولا النيو اكسنت كانت بدايتها 2006 مش 2007 .
2- موضوع الباور الكهرباء و الزيت فى موديلات 2008 مش مظبوط و مش منطقى كمان .
3- سعر الاتوماتيك 83900 و لو صاحبك جابها ب 84500 فدة اوفر برايس من المعرض مش سعرها الحقيقى .
4- موضوع تكنولوجيا cvvt و انها تفوقت على اليابانى .. التكنولوجيا دى موجودة فى اليابانى بمسميات مختلفة - vtec -
5- ثبات الاكسنت بيبقى حلو لغاية 140 - معقول لغاية 160 - بعد كدة بيبقى وحش
لو غاوي جري وغرز وانت عصبي وعايز عربية تستجيب تحت رجلك بسرعة يبقى الأكسنت
لو غاوي مشي ناعم مع التكييف من غير تنطيط بس مش استابيليتي اوي يبقى الأفيو
التقفيل الكوري انظف بس الأفيو تقفيلها مش سيئ اوي !!!ماكانشي فيها عيوب غير الطارة كانت معووجة والعربية ماشية ستريت وعملوها طبعا في الضمان في صيانة 5000
الاكسنت تجميعها خرافي وفراملها احسن - الأفيو مش كدة
الاستابيليتي عالي اوي ولحد سرعات عالية - الأفيو مش كدة
صباح التنطيط اللي فعلا ممكن يخليك تندم انك جبت أكسنت - الافيو احسن في الحتة دي
غير كدة بيتهيألي الفروق مش كبيرة اوي الصالون والعفشة تقريبا شبه بعض
طبعا الشكل مختلف برة وجوة ولو هتشتري حسب الشكل يبقى انت الوحيد اللي تقرر هتجيب ايه !!!
رأيي اركب الأكسنت وسافر بيها لو قدرت مثلا مع واحد صاحبك مثلا ولا حاجة ولو استحملت حكاية التنطيط يبقى هاتها من غير تردد - انا عندي الاتنين ومجربهم في كل المواقف والاتنين اوتوماتيك وعموما ارجع لأول حاجة في مشاركتي اعتقد ممكن تبقى دي الفيصل ومش معنى كدة ان الأفيو مش جراية بس جريها مش حلو زي الأكسنت
اه الماتركس اوسع بس شنطتها صغيرة اوى بالنسبة لحجمها وكمان كبيرة على شوارعنا ولا تية رايكو يا جماعة
طيب وفى سوال كمان الاكسنت الاتوماتيك فى خوف منها ولاايه
تحت ال 100,000 الاكسنت - الاوبترا - الجتز - النترا اقل فئة
و بلاش الافيو
الاكسنت تكسب بدون اي مقارنات اساسا
ana kan maya el aveo el korey . very bad car . suspension very bad . ofcourse accent is better
اكسنت افضل كموتور وثبات وتكنولوجي
هو لغايه دلوقتى مفيش حاجه اتحطت فى مقارنه مع الافيو والاراء رجحت كفه الافيو نهائى
النيو أكسنت طبعاً
انا عندى أفيو مصرى وزميلى معاه أفيو كورى وأول مرة يكون التقفيل المصرى أفضل وكمان المصرى فى كماليات زيادة مثل ظهر المقاعد الخلفية قابل للطى والمرايات كهرباء وممكن تتحكم فى نور التبلوه فموضوع التقفيل المصرلى فى الافيو متقلقش منه
وقطع غيارها رخيصة ومتوفرة جدا أمثله:-
1-التيل الامامى = 50 والاصلى ب140
2-فلتر الهواء = 25
3-فلتر البنزين = 20
4-سير الكتينة الاصلى = 90
ولكن عافتها نشفة قوى وخامت التبلوه ضعيفة
بالنسبة للسعر يعتبر الاكسنت والافيو واحد أسأل بس على قطع غيار الاكسنت
ياعم تعالى وشوف شوارع السعوديه غرقانه هيونداى بكل انواعه والاكسنت والالنترا
زى الرز محبوبه السعوديين وعلى فكرة السوناتا الشكل الجديد نزل تحفه .. من غير ماتفكر الهيونداى ناجح فى السعوديه وثبت كفاءة فما بالك مصر
ارشحلك النيو اكسنت بقوة ... لنفس الاسباب السابقة
النيو اكسنت افضل
تانى
الاكسنت اوتوماتيك زى الفل بس فيه انواع كتير تحت ال100,000
لحد السيراتو المانيول - والاوتوماتيك 102,000
ادخل بص على الموديلات والاسعار الرسمية على كونتاكت كارز
يارجالة الموضوع ده من يوم 1-9-2009 ، وصاحب الموضوع اختفى من وقتها ومردش زمانه دلوقتي بيعملها صيانة 5000 كم كمان