ياريت يا جماعة حد يفهمنى الطريق الدائرى
يعنى طلعاته من الزراعى بتروح فين وفين
وطلعته من بعد المؤسسة فى اتجاه الزراعى بتروح فين
ولو ان على الدائرى فالنزلات بتاعتى تودينى فين وفين
كدا يعنى لانى كذا مرة امشي عليه وبرضه مش فاهم
عرض للطباعة
ياريت يا جماعة حد يفهمنى الطريق الدائرى
يعنى طلعاته من الزراعى بتروح فين وفين
وطلعته من بعد المؤسسة فى اتجاه الزراعى بتروح فين
ولو ان على الدائرى فالنزلات بتاعتى تودينى فين وفين
كدا يعنى لانى كذا مرة امشي عليه وبرضه مش فاهم
نصيحة
google earth
حاولت والله بس برضه مفهمتش اوى لانه مش واضح
لو انت جاي من الزراعي في اتجاه القاهره وهتطلع الطلعه اللي هي في الاتجاه اليمين
دي هتوديك القناطر - المنصوريه - المريوطيه - طريق مصر اسكندريه الصحراوي - 6 اكتوبر- طريق الواحات - طريق الفيوم
ولو هتطلع الطلعه في الاتجاه الالشمال
فا دي هتوديك ميت حلفا - ميت نما - المرج - عين شمس - مدينه السلام - الاسماعليه الصحراوي - طريق المطار - طريق السويس - التجمع - القاهره الجديده - مدينه نصر - المقطم - المعادي - المريوطيه - سقاره
ده علي ما اتذكر يعني
انا جبتلك الخريطة دي يمكن تفيدك
http://img103.herosh.com/2009/09/01/79926478.gif
فعلا الطريق الدائري ده وحش جدا وعامل زي المتاهة ومافهوش ملفات ولا يفط وحاجة تخنق انا كل يوم بروح من عليه ولغاية دلوقتي بتوه فيه فعلا طريق اللي يروح مايرجعش
الطريق الدائري فعلا عايز حد يشرحه حته حته علشن نعرف مداخله و مخارجه و الاماكن اللي بيغطيها
انا حاولت اعمل حاجة زى كدة عن طريق صور من جوجل ايرث لكن الصورة وصلت 900 ميجا
MMamdouh
أنا هاتكلم على قد ما اقدر
بعد وصلة المريوطية الجديدة الطريق الدائري بقى دائري فعلاً
لكن أنا هابتدي من آخر القوسين الشرقي والغربي وصولاً لاستكمال الطريق ..
وهاقول على الاتجاهات الخارجة من الطريق ناحية اليمين واليسار واليمين هو يمين القادم من القوس الشرقي
ولو نسيت حاجة فكروني
آخر القوس الغربي
المنصورية
يمين إلى شارع الهرم وفيصل وطريق الفيوم وطريق الإسكندرية الصحراوي وأبو رواش
شمال إلى قرى محافظة 6 أكتوبر الجيزة سابقاً وطريق الصعيد
المريوطية :
يميناً إلى شارع الهرم وفيصل
يساراً إلى طريق سقارة
بعد استكمال محور المريوطية صار يؤدي إلى القوس الشرقي قبل منزل الصحراوي
البحر الأعظم : مخرج وحيد يمين يؤدي إلى شارع البحر الأعظم في اتجاه ضواحي الجيزة للقادم من القوس الشرقي فقط
المنيب قبل الكوبري
يميناً إلى شارع البحر الأعظم ، منيل الروضة ، ميدان الجيزة حديثة الحيوان جامعة القاهرة
يساراً إلى شارع البحر الأعظم في اتجاه ساقية مكي والمنيب وضواحي الجيزة
المنيب بعد الكوبري
يميناً إلى شارع كورنيش النيل باتجاه مدينة الفسطاط زهراء مصر القديمة ، مصر القديمة الملك الصالح جامع عمرو صلاح سالم القصر العيني ميدان التحرير المنيل
يساراً إلى كورنيش المعادي كورنيش حلوان دار السلام
منزل الأوتوستراد
يميناً : البساتين التونسي السيدة عائشة
يساراً دار السلام صقر قريش المعادي الجديدة طرة المعصرة حلوان 15 مايو
كارفور :
يميناً : المقطم الهضبة الوسطى عباد الرحمن الفرسان سما القاهرة
يساراً كارفور زهراء المعادي دجلة
العين السخنة :
يميناً : المقطم ، مدينة نصر الحي السابع
يساراً : القطامية طريق العين السخنة
التجمع الثالث :
يميناً نفق يؤدي لمخرج واحد وهو اليسار إلى التجمع الثالث القطامية جهاز مدينة القاهرة الجديدة مناطق الأحياء والنرجس الجامعة الألمانية قطامية هايتس
التجمع الخامس أعلى النفق
يميناً : محور الشهيد na إلى المقطم مدينة نصر الحي السابع المنطقة الحرة جامع السلام الحي السويسري ذاكر حسين سوق السيارات
يساراً إلى مناطق التجمع الخامس شارع التسعين الشويفات النرجس الأحياء الجامعة الأمريكية حي المصراوية جامعة المستقبل .
التجمع الأول أكاديمية مبارك :
يميناً : إلى زهراء مدينة نصر الحي العاشر شارع ذاكر حسين
يساراً إلى التجمع الأول جنوب الأكاديمية والياسمين والبنفسج والرحاب خلف الميراج
طريق السويس :
يميناً : إلى كم 4.5 ألماظة مصر الجديدة الأوتوستراد مساكن شيراتون
يساراً : إلى مدينتي مدينة الشروق مدينة بدر
المطار : طريق المطار الجديد يمين فقط
الهايكستب : يمين فقط إلى شارع جوزيف تيتو وكوبري الهايكستب ومدينة الحرفيين والكلية الحربية وصلاح سالم
طريق الإسماعيلية :
يميناً : إلى مصر الجديدة الحرفيين الكلية الحربية صلاح سالم
يساراً إلى سوق العبور التجنيد مدينة العبور مدينة الهايكستب مدينة الشروق العاشر من رمضان طريق الزقازيق بلبيس
مدينة السلام :
يميناً إلى طريق الإسماعيلية للمتجه نحو مناطق مصر الجديدة سالفة الذكر
يساراً إلى مدينة السلام مدينة النهضة
مؤسسة الزكاة :
يميناً إلى عين شمس كفر الشرفا زهراء عين شمس
يساراً بصراحة معرفش لكن مناطق شبه ريفية خلف مدينة النهضة
المرج الخصوص :
يميناً إلى المرج عزبة النخل عين شمس
يساراً إلى موقف محافظات القناة الخصوص طريق الخانكة أبو زعبل
مسطرد :
يميناً إلى بهتيم شبرا الخيمة كوبري أحمد عرابي المظلات
يساراً إلى مسطرد طريق الإسماعيلية الزراعي
الإسكندرية الزراعي
يميناً : إلى شبرا الخيمة المؤسسة المظلات كورنيش العاصمة
يساراً : إلى ميت نما ميت حلفا قليوب قها طوخ بنها
القناطر الخيرية بلقص
مخرج يسار فقط أعتقد بيودي على باسوس أبو الغيط القناطر
الوراق :
يميناً إلى طريق وراق الحضر كورنيش امبابة الكيت كات المهندسين العجوزة الجيزة
يساراً إلى طريق المناشي الزراعي
القومية العربية امبابة :
يميناً إلى شارع القومية العربية امبابة المنيرة الغربية بشتيل
يساراً معرفش بصراحة بس ممكن إلى ريف امبابة
محور 26 يوليو
يميناً إلى ميدان لبنان المهندسين الجيزة الزمالك وسط المدينة
يساراً إلى مدينة الشيخ زايد و6 أكتوبر وطريق مصر الإسكندرية الصحراوي
كرداسة صفط اللبن :
يميناً إلى صفط اللبن بولاق الدكرور شارع العشرين فيصل
يساراً إلى كرداسة
المريوطية :
يميناً إلى فيصل والهرم ومحور المريوطية الجديد
يساراً إلى مجاهل فيصل
الاسكندرية الصحراوي
يميناً إلى ميدان الرماية طريق الفيوم الهرم فيصل
يساراً : إلى الإسكندرية أبو رواش الشيخ زايد 6 أكتوبر محور 26 يوليو
نهاية الطريق الدائري القوس الشرقي
مخرج طريق الواحات
يميناً إلى دريم لاند 6 أكتوبر المنطقة الصناعية الجمرك المطار
يساراً إلى طريق الفيوم حدائق أكتوبر حي الأشجار ميدان الرماية الهرم فيصل
والحمد لله رب العالمين
وربنا ينجينا من مهالك هذا الطريق الذي رأيت عليه الحادث الوحيد الذي كاد أن يودي بحياتي ودمر سيارتي القديمة والحمد لله
وربنا يصبرنا على المهالك اليومية التي أراها على هذا الطريق غير الآدمي المليء بكل صنوف العذاب
تقبلوا خالص مودتي
ملحوظة هذه الرؤية استرشادية قابلة للإضافة والتعديل والتصحيح
يا دكتور احمد شرحك شكله كويس ومفيد بس انا مش فاهمه لانى مش من القاهرة
ياريت تكون البداية من مدخل الاسكندرية الزراعى للدائرى
يعنى مثلاًَ تقولنا اول طلعة يمين بتودى لنزلة كذا ونزلة كذا وفيه نفق او كوبرى وبعد كدا نزلة كذا
كدا يعنى
ملحوظة هذه الرؤية استرشادية قابلة للإضافة والتعديل والتصحيح
رؤية زى الفل:S_thum1[1]:
شكراً لكم جميعاً .. وشكر خاص لأخي أبو حمزة
وعذراً لأخي Wardet حيث أن الإضافة أكثر من هذا تعني شرح تفاصيل جغرافية القاهرة
لكن لو حابب الشرح المفصل عن أنسب طريق على الدائري لأي وجهة أنا في الخدمة
تقبلوا جميعاً خالص مودتي
ممتاز دكتر احمد شرح جميل ويظهر حضرتك دارس الطريق كويس جدا ...... لكن انا شايف ان الدائرى من اول طريق اسكندرية الزراعى لحد نزلة مدينة السلام من اسوأ ما يكون بسبب الميكروباص وكثافة النقل التقيل والمقطورة ... كمان الخدمة على الطريق فى المنطقة دى وحش جدا .............. وكمان بالاضافة الى ماقبل القطامية منطقة الكوراث المعروفة
شكرا جزيلا على الشرح يا دكتر احمد جزاك الله كل خير
شكراً لذوقك
بخصوص المنطقة ما بين الزراعي إلى مدينة السلام ليست هي الأسوأ بالفعل وذلك لكثافة الحركة وكثرة سيارات النقل والتريلات لماذا ؟
لأن هذه المنطقة فيها طريق الإسكندرية الزراعي
طريق الإسماعيلية الزراعي
طريق الزقايق بلبيس
بالإضافة إلى سوق العبور
وكثرة المخازن الموجودة في هذه المناطق
الحوادث في هذه المنطقة سببها وجود النقل الثقيل بكثافة
أما منطقة القطامية فكارثتها الكبرى هي السرعة الجنونية
خاصة من قبل سائقي التريلات مع أنها على مستوى الكثافة المرورية أقل ازدحاماً وأقل لجاناً وأقل توقفات وأفضل في نوعية الطريق ..
وربنا يسترها على الجميع
الحل كما قيل يوم افتتاح محور المريوطية هو إنشاء طريق دائري بديل للنقل .
والحل السريع من وجهة نظري هو تحويل الطريق المحلي المواز للدائري والمميز أسفل الدائري في مناطق مدينة السلام حتى المريوطية إلى طريق دائري بديل جانبي لسيارات ذات حمولات معينة ..
وتقبل خالص مودتي
مش بس الدائري اللي مش مفهوم طرق كتير في مصر غير واضحة المعالم و ده لأن مافيش لوحات أرشادية و لا علامات تحذيرية و لو فيه ساعات بتكون غلط
سؤال بخصوص الدائرى : انا بنزل تكنولوجى مول كتير بس مش عارف اية أنسب دخلة لية من الدائرى ، انا بدخل من عند دخلة المطار اللى هيا قبل مدينة السلام .. هل لو كملت على الدائرى فى نزلة تانية تكون أقرب لية ؟ أظن النزلة بتاع سوق السيارات دى بعيدة عنة خالص
نزلة محور na اقرب
انا باجي من ناحية المعادي
وفي 3 خلات
1- من عند مخرج العين طريق العين السخنة وبعد كده طريق طويل باخده وبعد كده يمين ببقي عند جامع السلام
2- طريق ال na وده كويس جدا وعمره مابيكون زحمة بس بيبقي بعيد شوية لما اكون جي من ناحية المعادي
3- طريق العاشر اللي هو مخرجه من عند كافتيريا الربوة كده وتقريبا ده احسن طريق ليك واقرب واحد بس عيبه في مطبات كتير جدا وساعات بيكون زحمة
بس ده هينزلك علي تكنولوجي علي طول
ودي صورة توضح
شكرا جدا ، جزاكم الله خيرا
متابعة بإهتمام :satelite:
طيب سؤال مهم فى توهة الدائرى
وانا جاى من اسكندرية صحراوى ازاى اطلع على الدائرى علشان اوصل لاتجاه المعادى ومدينة نصر
يعنى ازاى اطلع محور المريوطية الجديد
اخر مرة وانا راجع دخلت محور 26 يوليو وفى اخره لقيت طلعة (مش مكتوب عليها اى حاجة ) روحت طلعتها لقيته بيودنى على محور المريوطية
لكن اكيد المريوطية ليه طالعة تانى من غير مدخل المحور
الطريق الدائرى من على المحور26 يوليو وبه الاتجاهين بتوع الدائرى
الاتجاه الاول مصر اسكندرية الزراعى
امبابة- الوراق- مسطرد- اسكندرية الزراعى-شيرا الخيمة- المرج جسر السويس- المطار -موقف العاشر-طريق الاسماعيلية- طريق السويس- القاهرة الجديدة شمالا -اكاديمية مبارك
الاتجاه الثانى اسكندرية الصحراوى
اتجاه بولاق الدكرور- صفط اللبن -فيصل- محور المريوطية ومنه الى البحر الاعظم -المعادى- كارفور- المقطم -القطامية -طريق العين السخنة -القاهرة الجديدة جنوبا- أكاديمية مبارك
او تكمل بعد فيصل- المريوطية -6 أكتوبر طريق الواحات- طريق الفيوم
:11::11:
:11::11:
:11::11:
القناطر الخيرية بلقص
مخرج يسار فقط أعتقد بيودي على باسوس أبو الغيط القناطر
--------------
المنزل دا يوديك على باسوس وشبرا الخيمة جنوبآ
وشمالآ .. أبو الغيط والقناطر الخيرية ومنها الى المنوفية والجيزة والى بنها وطريق الاسكندرية الزراعى
ممتاز جدا