ماذا فعلت لأصلاح أحوال الشارع المصري ؟؟

**Samir Elshahawy** · 02-09-2009 10:40 AM

المشاركة الأصلية كتبت بواسطة hashem1999

بس مش معنى كلامى انهم كلهم كده
فى محترمين كتير منهم بس مش اغلبهم

معاك حق , و الدليل أن فيه ناس محترمين أن لما بتنبه للخطأ بيستجيب
ربنا يهدي الجميع

**kh_talaat** · 02-09-2009 11:39 AM

المصري اللي على حق يقول ...... للغلط لاء

**Amrrr** · 02-09-2009 01:58 PM

مرة زفة كانت واقفة عند النافورة اللي في منزل كوبري نادي الجلاء وصادف وانا داخل عليهم ( طبعا مش لوحدي الطريق كان كله واقف على نزلة الكوبري ) المهم وانا نازل كانوا بدأوا يتحركوا وبيهبلوا بقى كمان يمين في شمال وبيقفوا مرة واحدة ومعطلين الدنيا خالص
لقيت جنبي ونش قعدت اهلل من عربيتي ياعم يرضيك اللي بيحصل دا ؟ رد علي باشارة من ايده وانا هعمل ايه قلتله ياعم ادي سرينة خش فيهم دشدشلهم عربياتهم اعمل اي حاجة حرام عليك انت مش شايف عاملين ايه في الطريق وراهم ؟!؟!؟!؟!كان أمين وقاعد جنب العسكري اللي سايق وفعلا بدأ يشغل السرينة ويكبس عليهم وواعتقد انه كان سبب في انهم بدأوا يجروا بسرعة شوية وفكوا الخنقة اللي كانوا عاماينها

مرة سألت سواق نص نقل جنبي والطريق واقف تماما مش بيتحرك ودا ايده عالكلاكس تيت تيت تيت تيت تيت واحنا اصلا في حالة سكون
رد عليبريقة هجومية اوي : امال هما عاملين الكلاكس ليه ؟
كنت هاسكت وبعدين قلت احاول تاني معاه قلت له : عشان لو قدامك حد وحبيت تنبهه
رد علي بنفس الطريقة الهجووووومية : واللي قدامي دي مش عربيات برضة ؟؟؟؟ بصراحة قلت اقفل الشباك لأن آخرتها مش تمام وقلت له عيش حياتك هنفضل زي ماحنا !!!!!

طبعا الواحد طول ماهو ماشي بيشوف وبيقابل الغلط !!! بس حسب الظروف المحيطة والوقت وعوامل كتير بتحكم على رد الفعل تجاه الغلط دا وربنا يستر

**Amrrr** · 02-09-2009 02:11 PM

المشاركة الأصلية كتبت بواسطة hashem1999

كلامك مظبوط
بس بصراحه حاجه غريبه جدا
انك لو صادفت اى رجل شرطه فى الطريق راكب عربيه
لازم تلاقيه عامل اى حاجه غلط وملفته للنظر
بيتكلم فى الموبايل مش لابس حزام مفيم العربيه
مركب زينون واقف فى نص الشارع
وكانه يتعمد الغلط ولفت الانظار اليه
والراجل ييجى يكلمنى
مع الاسف الشديد كل ده بيحصل
بس مش معنى كلامى انهم كلهم كده
فى محترمين كتير منهم بس مش اغلبهم

يعني دخل الكلية وقعد أربع سنين يتمرمط ويتنططوا عليه ( جوا الكلية ) واهله دافعين دم قلبهم لبس شيك وخروجات جمعة سبت وبعد دا كله عايزه يمشي في الشارع زيه زي بقية الناس - طبعا لأ ------ نقص ياباشا

على فكرة في قليلين اوي بيستحرموا يعملوا كدة في عربياتهم بجد بيقول حرام اني أحاسب واحد على حاجة واروح انا اعملها ولو عامل كدة في عربيته وواقف في كمين تلاقيه يسيب اللي مفيم مثلا يمشي ويقول مانا مفيم وتلات ارباع الظبط ووكلاء النيابة مفيمين يبقى حرام اخالف واحد عامل فيميه ( مثلا )