حد شاف العرض الجديد من المصرية للسيارات
لو عربيتك قسط و باقي عليها اقساط ممكن تبدلها مع اضافة فرق القسط
الموضوع دة هيفيد ناس كتير اوي
يا تري حد يعرف عنة معلومات تانية
عرض للطباعة
حد شاف العرض الجديد من المصرية للسيارات
لو عربيتك قسط و باقي عليها اقساط ممكن تبدلها مع اضافة فرق القسط
الموضوع دة هيفيد ناس كتير اوي
يا تري حد يعرف عنة معلومات تانية
مش عارف ليه عمري مابصدق المصرية للسيارات دي ابدا
كل اعلانتهم في واد وهم في واد اخر....شغل نصب من الاخر
وعلى فكرة هي بتاعت احمد ريان اخو سمير ريان
اكيد حيثمنوا عربيتك برخص التراب ويحسبلك الفرق أقساط زيادة
مش عارف و الله
انا قلت بدل ما خلص عربيتي من الشركة و بعدين ابيع و اشتري عربية جديدة اشتري من عندهم و خلاص
هيحسبولك عربيتك مستعملة عادي ، ويخصمو تمنها من العربية التانية والباقي يقسطوهولك ..شغل حلق حوش
خلي بالك لان
فيه اكتر من عضو هنا حذروا من التعامل معاهم
لانهم مشهورين بالنصب
ساعات بيجيبوا عربيات جديدة حوادث
يصلحوها ويبيعوها زيرو
واي معرض حيبخس ثمن العربية جامد
خصوصا لو المصرية
انا مش عارف الصراحة لاني متعاملتش معاهم خالص
طيب معلش سؤال برة الموضوع
لو عربية سبيرنزا انتاج 9/2008
عاملة 11 الف كيلو
الرخصة لحد 9/2010
تامين لمدة سنة يعني يخلص 9/2010
الحالة ممتازة جدا
تعمل كام
الحقيقة مليش في التسعير والاسعار
ممكن تدخل قسم اسبرانزا حيبقوا عارفين اكثر
او في الموضوع ده في قسم البيع والشراء
http://www.nilemotors.net/Nile/66565-a.html
انا مش بصدق المصرية فى اى عرض .... مهما كان ...
لو حد فاكر كان فى عرض ( ادفع اى مقدم واستلم عربيتك ... وادف الباقى على اقساط بدون فوائد ) ...
رحت مكدبتش خبر واتصلت بيهم قالولى فعلا بدون فوائد خالص بس حضرتك تعالى واتفضل وزورنا وشوف الل حضرتك عاوزه ) ...
رحت مسافر وقولت اشوف اللى هناك ... كنتساعتها مخطط لعربيتين ... واحد فيكترا (للوالد )والتانية كرولا (ليا ).. ده على كلامهم يبقى لقطة ...
مع انى مش من القاهرة رحت نازل عشان اشوف الموضوع ... طلع كالاتى ... انك لازم يكون لك وديعة بمبلغ العربيتين كاملا وهم ياخدوا منها القسط منها شهريا بفوائد بنكية ... يعنى هى هيااها ....
طبعا مين يكون عنده المبلغ ده كله فى البنك كدا ... طبعا معرفتش اقول ايه ... واخت بعضى ورحت مسافر تانى ...
طب وده يبقى اسمه كلام ... فى التليفون حاجة وفى المعرض حاجة تانية ....
منهم لله .... الحمد لله على كل شى