انا بقالي فترة كده مش بجري بالعربية
بس من يومين طلعت على ادائري ولقيت اني لما ادوس على فرامل بعد سرعة 80 بلاقي رعشة في الدركسيون جامدة ورعشة خفيفة في العربية كلها
دي من ايه ؟
العربية : كيا برايد هاتشباك مو 97
:,:
عرض للطباعة
انا بقالي فترة كده مش بجري بالعربية
بس من يومين طلعت على ادائري ولقيت اني لما ادوس على فرامل بعد سرعة 80 بلاقي رعشة في الدركسيون جامدة ورعشة خفيفة في العربية كلها
دي من ايه ؟
العربية : كيا برايد هاتشباك مو 97
:,:
ده فالغالب كاوتش يا إما ترصيص و زبط زوايا يا إما الكاوتش قديم
و حاول متجريش من غير ما تطمن على الكاوتش
سيادتك ترصص وتظبط زوايا الأول لو فضل العيب موجود يبقى تقرى الفاتحه على الطنابير الماميه للسياره وتطلقهم وتجيب مكانهم اثنين جداد بطقم تيل جديد وكل سنه وانت طيب ويجعله عامر
غربلة مع الفرامل يبقى الطنابير فيها عالى وواطى
لو طنابيرك ventilated يبقى مش حينفع معاها خراطة و لازم تتغير
MMamdouh
لأسف يا باشا الطنابير بايظه و محتاجه تغير
ده عيب طنابير و ليس على علاقة بالزوايا
علاجة تغير او خرط للطنابير و تغير او صنفرة للتيل
شكرا ليكم جميعا
لكن يعني ايه ventilated
مع العلم اني لسه مغير التيل وما مشيش 10000 ك وقبل ما اغير مكانش في الرعشة دي ولا بعد مغيرته يمكن باكتر من 8500 ك
الطنابير الventlated بتبقى فيها فتحات تهوية بين جنبين الدسك عشان تحسين تبريد الفرامل... مشكلة الديسكات دى ان لحميتها بتبقى قليلة و بتتاثر بالحرارة بسهولة بالتالى مبيبقاش فه لحمية كافية للخراطة و لو فية بيبقى الاجهاد الحرارى اثر بالفعل على الطنبورة و حتفضل تعمل الرعشة المذكورة
http://www.automotivearticles.com/up...c-vent_001.jpg
الطنابير المصمطة بتبقى صبة واحدة و دى بيبقى فيها لحمية كتير للخراطة الا انها مش بتبدد الحرارة بتاعت الفرامل بسرعة
http://img526.imageshack.us/img526/1959/oldbrakegm2.jpg
MMamdouh
للاسف يا باشا طنابير
شكرا ليك يا زعيم ولتوضيحك
انا فهمت قصدك
بس لي سؤال تاني بعد إذنكم
انا رحت للميكانيكي امبارح وقالي ده مش شغلي وقالي اروح لبتاع زوايا هو اللي يحدد العفشجي يشتغل في ايه بالظبط
الكلام ده مظبوط ؟
والموضوع ده ممكن يدخل في تكلفة قد ايه لو خراطة او تغيير :L_bhuhhh[1]:
هو من امتى العفشجى بيغير طنابير؟؟
MMamdouh
بتاع الزوايا مش حيعرف حاجة فى الطنابير... دى شغالة ميكانيكى و الاختبار بتاعها هو الفرملة على سرعة و ملاحظة اذا كان فيه غربة مع الفرملة
MMamdouh
يبقى الاول تغير الميكانيكى يابو صلاح
ممكن يكون جناب الباشا الميكانيكي مبيشتغلش فرامل او مبيحبش ينزل تحت العربية للشغل في العفشة ممكن العفشجي يغير طنابير على فكرة هيا مش كمياء ده كلها مسمارين و ممكن تروح لمتخصص فرامل لو لقيتة في سكتك او اي ميكانيكي عادي الموضوع كله انه هايفك العجل و يفك مسمارين تبقي الطنبورة في ايدة و لو فيها لحمية ممكن تبعتها تتخرط و بتشتغل كويس بس لو هيا الي في الصورة الي بعتها ممدوح يبقي مش هاينفع خرط
انا رحت لميكانيكي تاني وجرب العربية ووصل لحد 100 ك وداس على الفرامل لكنه بيؤكد ان العربية عادي جدا
بس برضه بحس برعشة مش عارف من ايه ؟
انا عندي آتوس اول ماجبتها زيرو كانت تمام
وبعد كم مية كيلو كان فيها رعشة الفرامل اللي بتقول عليها دي بالظبط وبرضة على تمانين لحد ستين او خمسين كم/س
بس ماعملتش حاجة وراحت بعد فترة مش فاكر أد ايه بس اقل من 10,000 كم ولحد النهاردة عامل 80,000كم ماحصلشي مشاكل وغيرت التيل في صيانة الستين ألف
بحس ان العربيتيتن دول قريبين من بعض شوية وطالما الميكنيكي قال لك مافيهاش حاجة يبقى رصص بس وشوف كدة
وعلى فكرة ممكن ترعش من سرعة تمانين وانت نازل
ولو ماشي على 100 مش هترعش وتبدأ ترعش من تمانين لحد سرعة اقل منها وتروح برضة الرعشة بعد كدة دا اللي كان بيحصل عندي
انا لسه مغير كاوتش من يومين
وعملت ترصيص بالمرة على 4 فرد
لكن بلا نتيجة
على فكره قبل ما تظلم الميكانيكي
ممكن قوي الرعشة دي ما تكونش من الطنابير ....... ممكن تكون عفشة
خصوصا لة الرجه في الدركسيون فقط ... مبتحسش بيها في دواسة الفرامل
اعمل زياره لبتاع زوايا .... يستحسن يكون بيشتغل في العفشه كمان و هو يخلصلك الموضوع (لو ماكنش طنابير)
الطنابير بايظه
بص لو الرعشة بتظهر وقت لما بتدوس على الفرامل يبقا الطنابير عاوزة تتغير او ممكن تخرطها عند الخراط
اما لو فى رعشة بتظهر على سرعة 80 من غير دوسة فرامل ده ممكن يكون من الجنوط او الكاوتش او ترصيص او جلب مقصات والغالب ممكن يكون جلب مقصات
وتقبل تحياتى
يا جماعة طب انا مكنش عندى رعشة و لسة مغير تيل فرامل فى التوكيل و من سعة ما اتغير بقت كدة اصلا توكيل كيا ابو رواش مش بيفهمة حاجة كل لما ادوس فرامل عند 80 او 100 مثلا احس لرعشة فى الدواسة و الدركسيون
دى ممكن تكون بيضات مقص و الحداد ممكن يكشف لك عليها .. او الطنابير فيها عالى وواطى يعنى بايظة و لازم تتغير لأن خراطة الطنابير مش صحيحة .. اما موضوع ان الرعشة ظهرت بعد ما غيرت التيل ممكن يكون التيل القديم كان متبع (يعنى واخد شكل الطنابير) على الطنابير عموما ممكن تفور الطنابير عند الميكانيكى و تكشف عليهم عند الخراط قبل ما تغيرهم .. لو سلام يبقى ده عيب عفشة و الارجح انه من البيضات .. و الله اعلم