اسئلة من فضلكم

**amrrahim** · 01-09-2009 12:26 PM

السلام عليكم ورحمة الله وبركاته

اخوانى العزاء بالقسم
بصراحة انا من فترة كنت بختار سيارة اشتريها وبدات رحلة المقارنات بداية من الأفيو ومرورا بالكولت والهيونداى والخ...... ثم بالصدفة اتخبطت فى الجين2 وقرات عنها عندكم كتير وسالت عنها وفى لحظة واحدة بقيت مقتنع بيها تماما ورحت التوكيل وشوفتها كويس ورحت المعرض وبدا الإستعلام والحمد لله لأنى هاجيبها بالتقسيط ان شاء الله لكن بصراحة فى كام حاجة كده بتيجى فى بالى وعايز اسال عنها لو تكرمتم عليا بالإجابة
1- العربية مش منتشرة ليه فى مصر بالصورة اللى المفروض على عربية زيها تكون عليها وخصوصا ان سعرها بالنسبة لإمكانيتها اكثر من رائع
2- التوكيل ده هل هو من القوة انه يكون مستمر فى مصر ومش قصدى عز العرب طبعا لكن قصدى ان عز العرب ممكن يترك استيراد بروتون فى يوم من الأيام وساعتها الناس اللى معاها بروتون تشربها (ممكن يكون سؤال غبى بس خطر على بالى)
3- العربية دى لو حبيت ابيعها هاقدر ابيعها بسهولة
4- دلوقتى انا بدات فى اجراءات العربية موديل 2009 هل 2010 فيها تغيرات فى الشكل او السعر

وعلى فكرة يا جماعة انا والله حابب العربية دى جدا بس شراء عربية مش موضوع سهل بالنبة ليا وفى الأخر دى مسالة ضمير بالنسبة للى مسئول عن الرد

وجزاكم الله خيرا وادعولى بالتوفيق بالإختيار

**tutankhamoun** · 01-09-2009 12:38 PM

المشاركة الأصلية كتبت بواسطة amrrahim

السلام عليكم ورحمة الله وبركاته

اخوانى العزاء بالقسم
بصراحة انا من فترة كنت بختار سيارة اشتريها وبدات رحلة المقارنات بداية من الأفيو ومرورا بالكولت والهيونداى والخ...... ثم بالصدفة اتخبطت فى الجين2 وقرات عنها عندكم كتير وسالت عنها وفى لحظة واحدة بقيت مقتنع بيها تماما ورحت التوكيل وشوفتها كويس ورحت المعرض وبدا الإستعلام والحمد لله لأنى هاجيبها بالتقسيط ان شاء الله لكن بصراحة فى كام حاجة كده بتيجى فى بالى وعايز اسال عنها لو تكرمتم عليا بالإجابة
1- العربية مش منتشرة ليه فى مصر بالصورة اللى المفروض على عربية زيها تكون عليها وخصوصا ان سعرها بالنسبة لإمكانيتها اكثر من رائع

كل حاجة و لها ظروفها و أسم بروتون في السوق المصري مش زي أسم ماركات تانية أقدم
و أفتكر أسم تويوتا في بداية الثمانيات و أسم هيونداي و دايو في بداية التسعينيات .
و بروتون لسة جديدة في السوق مكملتش 10 سنين بالاضافة للعدد المحدود اللي بينزل من الشركة الأم للسوق المصري .

2- التوكيل ده هل هو من القوة انه يكون مستمر فى مصر ومش قصدى عز العرب طبعا لكن قصدى ان عز العرب ممكن يترك استيراد بروتون فى يوم من الأيام وساعتها الناس اللى معاها بروتون تشربها (ممكن يكون سؤال غبى بس خطر على بالى)

أولا عز العرب كتوكيل مش صغير ...... معاه سيتروين .... و موزع معتمد لبي أم دبليو ....... و معاه شيروكي و كرايزلر
بالاضافة أن حتى لو عز العرب سابها ..... هاتلاقي مليون وكيل عايز يأخدها .... العربية بتتباع بالحجز و مش موجودة في المعارض و دايما تلاقيها في التوكيل بس و بالحجز كمان .

3- العربية دى لو حبيت ابيعها هاقدر ابيعها بسهولة

دلوقتي ........ أينعم مفيش مشكلة العربية أصبح لها سوق اعادة بيع كويس

4- دلوقتى انا بدات فى اجراءات العربية موديل 2009 هل 2010 فيها تغيرات فى الشكل او السعر

لا مفيش تغيير على حسب كلام الناس في التوكيل و أصلا 2009 هي كانت التغيير و كانت فاس ليفت جديدة
التغيير الوحيد ..... أنك ممكن لو قادر تنتظر موديل 2010 .... هايبقى معاك عربية أجدد في الرخصة سنة .

وعلى فكرة يا جماعة انا والله حابب العربية دى جدا بس شراء عربية مش موضوع سهل بالنبة ليا وفى الأخر دى مسالة ضمير بالنسبة للى مسئول عن الرد

وجزاكم الله خيرا وادعولى بالتوفيق بالإختيار

أكيد موضوع الشراء مش سهل .... و 90 ألف جنيه مش مبلغ صغير علشان الواحد يجازف و حضرتك أتفضل أسأل زي ما أنت عايز لغاية بكرة الصبح ........

و على فكرة أبقى كلم أيمن زميلنا في المنتدى الراجل ممكن يجبلك تخفيض مع التوكيل لو حجزت مع فرع الصحراوي بس اسأل أيمن الأول .

**gen** · 01-09-2009 05:25 PM

الله عليك يا استاذنا يا كبير
وطبعا بعد كلام استاذ توت مفيش كلام يتقال

**mimo3000** · 01-09-2009 06:12 PM

بص هى حكايه الانتشار انتا عارف اننا عندنا عقده الخواجه الواحد مبيحبش يجرب اى حاجه جديده كله عاوز يجيب حاجه معروفه عشان يبقى فالمضمون والناس بتخاف تجرب اى حاجه غير اللى عرفينه
يعنى عارف انا وقت مجيت اجيب عربيتى (انا معايا برسونا) كله يقولى ابعد عن البروتون دى ملهاش قطع غيار وقطع غيارها غاليه وخليك فالهيونداى عشان كله بيفهم فيها واى حد يصلحهالك وقطع غيارها رخيصه بس عارف لما فكرت فيها كده كده اى عربيه جديده صيانتها فالتوكيل ومحدش بيشتغل فيها بره وحكايه قطع الغيار تعتبر الى حد ما مقاربه ليها يعنى مثلا الحاجه اللى تتباع فالتوكيل بتاع هيونداى ب 200 جنيه وتتركب ب 50 ويخدوا ضريبه وخدمه تبقى ب 300 انا ممكن اجيبها لعربيتى من بره التوكيل واركبها فالتوكيل وهتبقى برضو ب ال 300 دول او حتى 400 بس حاجه كويسه وبتعيش وعلى فكره محلات كتيره بقت شغاله فالبروتون دلوقتى وبعدين طبعا حضرتك متنساش ان العربيه زيرو وفالضمان يعنى صعب يحصل فيها حاجه ولو حصل الضمان بيظبطهالك

ده كان تفكيرى وقت مجيت اشترى

بالنسبه للبيع بقى لو حضرتك جبتها مش هتبيعها عشان هترتاح معاها انشاء الله بس لو حبيت تبيعها هتلاقى شارى على طول انشاء الله بس طبعا مش زى الانسر وال 128 بس سوقها ماشى شويه يعنى مثلا عندك الويرا القديمه والواجا القديمه سوقهم شغال اهو وحلو
ودلوقتى بروتون اسمها اتعرف عن قبل كده وعماله تكتر فالسوق وتشوفها كتير فالشارع والناس اللى شغاله فيها كترت يعنى وحده وحده هتاخد مكانها فالسوق

وبعدين حضرتك متنساش سعرها الامكانيات اللى فيها دى بالنسبه للسعر فهو كويس جدا
يعنى مثلا البرسونا بتاعتى انا كنت جايبها ب 79 شوف هقارن مع مين فنفس رنج السعر ده الهيونداى نيو اكسنت او الافيو وانا شايف ان البرسونا احسن منهم هما الاتنين كموتور وعفشه وشكل بالنسبه للامكانيات من جوه انا معرفش بالظبط عشان مبقاش كداب بس هما التلاته دول اهم حاجه فالعربيه

حكايه التوكيل انا مش عارف بالظبط بصراحه بس هو ماسك توكيلات تقيله يعنى ماسك ستروين ودودج وحجات كده وكمان مكدبش عليك انا لسه مرحتش التوكيل عشان اعمل الصيانه بتاعت الالف كيلو بس هو من كلام الاعضاء ان ناس محترمه اوى وكويسيين وكده بس انا مرحتش خالص فمش هقدر اقولك عشان مبقاش بكدب

وبالنسبه ان حضرتك هتشترى فهو مفيش دلوقتى موديل 2009 خلاص حضرتك تستنى لنص شهر عشره كده يكون موديل 2010 نزل هتبقى موديل السنه على الاقل

اسف على الاطاله وربنا يرزقك باللى فيه خير ليك

**amrrahim** · 02-09-2009 03:30 PM

الحمد لله رب العالمين والصلاة والسلام على رسول العالمين صلى الله عليه وسلم

بجد الف شكر على ردودكم الرائعة والمطمئنة الى حد كبير بالنسبة ليا وانا خلاص اخدت القرار والحمد لله إلا اذا ماحصلش حاجة لاقدر الله

الف شكر يا اخ توت على افادتك الرائعة وعلى فكرة بالنسبة لموضوع التخفيض مع أ.ايمن انا حجزت مع عبداللطيف جميل والعربية عندهم ب86000 الجين2 ومش عارف طبعا هل نظام التقسيط هاعرف اخفض من سعرها ولا لا

والف شكر يا استاذ ميمو على المعلومات وربنا يباركلك فيها ان شاء الله

**Ayman_52** · 03-09-2009 05:45 AM

الف الف مبرووووووووووووووك عالحجز .... وتستلم على الف خير ان شاء الله

---

هو حضرتك حاجز اوتو ولا مانيوال ؟؟؟

وهل عبد اللطيف جميل هيوفرلك العربيه مو 2009 ولا هتنستنى 2010 ؟؟؟

---

*ملحوظه : انا اظن ان باردوا كان فى عضو حاجز مع -عبد اللطيف جميل - ولغى معاهم لان قعد فتره طويله معاهم ومعرفوش يجبلوا العربيه

فلغى وحجز مع التوكيل واستلم على طول ساعتها .

---

ربنا يوفقك يارب ... وتستلم على الف خير ان شاء الله

تحيــــــــــــــــاتــــ ــى

**A. Ibrahim** · 03-09-2009 09:26 AM

المشاركة الأصلية كتبت بواسطة amrrahim

السلام عليكم ورحمة الله وبركاته

2- التوكيل ده هل هو من القوة انه يكون مستمر فى مصر ومش قصدى عز العرب طبعا لكن قصدى ان عز العرب ممكن يترك استيراد بروتون فى يوم من الأيام وساعتها الناس اللى معاها بروتون تشربها (ممكن يكون سؤال غبى بس خطر على بالى)

عز العرب لو ساب التوكيل 1000 مين هيخده ده احنا هنا في المنتدي عوزيت نشتريه

عربيه مبيتعملش ليها اي اعلان و بتبيع بالهبل

**amrrahim** · 03-09-2009 02:07 PM

المشاركة الأصلية كتبت بواسطة Ayman_52

الف الف مبرووووووووووووووك عالحجز .... وتستلم على الف خير ان شاء الله

---

هو حضرتك حاجز اوتو ولا مانيوال ؟؟؟

وهل عبد اللطيف جميل هيوفرلك العربيه مو 2009 ولا هتنستنى 2010 ؟؟؟

---

*ملحوظه : انا اظن ان باردوا كان فى عضو حاجز مع -عبد اللطيف جميل - ولغى معاهم لان قعد فتره طويله معاهم ومعرفوش يجبلوا العربيه

فلغى وحجز مع التوكيل واستلم على طول ساعتها .

---

ربنا يوفقك يارب ... وتستلم على الف خير ان شاء الله

تحيــــــــــــــــاتــــ ــى

الله يبارك فيك يا باشا والله انا سمعت عنك كل خير وربنا يجازيك خير ,
هو الحقيقة انا حاجز مانيوال وكنت لسة امبارح عندهم باعمل العقد وادفع الدفعة المقدمة وبصراحة انا مضيت على اوراق كتير ووصولات وبصراحة الموضوع ده قلقنى وحاسس ان الحاجات دى المفروض تتعمل وقت الإستلام مش كده ولا ده هو العادى وبالنسبة لموضوع موديل انا عرفت انه مافيش اصلا 2009 خلصت والمفروض الحجز على 2010 ده كلام التوكيل ( احمد مجدى بالعجوزة ) وانا كمان مش عايز العربية قبل شهر 10 علشان الفلوس تتوفر

لو انت حضرتك شايف حاجة غلط ياريت تقولى على الصح ويبقى جزاك الله خيرا

**Ayman_52** · 04-09-2009 05:02 AM

المشاركة الأصلية كتبت بواسطة amrrahim

الله يبارك فيك يا باشا والله انا سمعت عنك كل خير وربنا يجازيك خير ,
هو الحقيقة انا حاجز مانيوال وكنت لسة امبارح عندهم باعمل العقد وادفع الدفعة المقدمة وبصراحة انا مضيت على اوراق كتير ووصولات وبصراحة الموضوع ده قلقنى وحاسس ان الحاجات دى المفروض تتعمل وقت الإستلام مش كده ولا ده هو العادى وبالنسبة لموضوع موديل انا عرفت انه مافيش اصلا 2009 خلصت والمفروض الحجز على 2010 ده كلام التوكيل ( احمد مجدى بالعجوزة ) وانا كمان مش عايز العربية قبل شهر 10 علشان الفلوس تتوفر

لو انت حضرتك شايف حاجة غلط ياريت تقولى على الصح ويبقى جزاك الله خيرا

ياباشا ربنا يكرمك ... وانا تحت امرك فى اى استفســـــار

---

شوف هى شركه عبد اللطيف جميل شركه كبيره مش صغيره .... بس هى المشكله ان التوكيل اصلا بيطلع عربيات قليله جدا جدا للموزعين ...

ان كان مش ملاحق يسلم الناس اللى حاجزه عنده ... ومش عارف يدى عربيات للموزعين الرسميين ليه ...

فبالتالى -عبد اللطيف جميل- بيكون فى المرتبه اللى بعد كده فى الموضوع دا.

وفعلا كان فى عضو كريم معانا حجز معاهم وقعد فتره طويله معاهم ... وماكانوش عارفين يجبلوه العربيه من التوكيل ...

فى حين انو اول مالغى وحجز فى التوكيل استلم على طول ...

---

حاجه تانيه 86000 ... دى جين مانيوال ولا اوتو ؟؟؟

وهما عرفوا تمن موديل 2010 على اساس ايه .... ؟؟؟؟

ان كان التوكيل لسه مش مصرح بالسعر الرسمى اللى هتنزل بيه العربيه لحد دلوقتى

---

وبخصوص 2009 فعلا حاليا مافيش خالص ... و2010 مش نازله قبل اول او نص شهر 10

---

انا بس اللى مقلقنى انهم ممكن يماطلوا معاك ومايعرفوش يسلموك ...

---

نزل توبيك هنا واسال عن الاعضاء اللى اتعاملوا معاهم ... وشوف كان نظام معاملتهم عامل ازاى ؟؟؟؟

والله طلعوا كويسين ... يبقى اشطه وخليك مكمل معاهم

طلعوا بيتاخروا ... الغى وروح احجز فى التوكيل .

---

*ملحوظه : التوكيل بيعملك اتشيك قبل التسليم على طول ... انما المعارض لو جتلك العربيه فيها مشكله ... مش هتعرف تغير حاجه.

---

انا حاسس انى لخبطتك ... بس انا والله بقولك على كل اللى بيدور فى دماغى

وانا تحت امرك فى اى استفســـــار

تحيــــــــــــــــاتــــ ــــــــى

**jackal_sheriff** · 05-09-2009 02:04 AM

لو سمحتم يا جماعة عايز نمرة تليفون استاذ ايمن عشان اعرف اخد نسبة الخصم اللي بتقولوا عليها
ولو الاستاذ ايمن بيقرأ الرد ده و مش عاوز ينشر نمرته على الملاء يا ريت يتصل بيه و اكون شاكر جدا ليه و لذوقه
شريف 0105672882