عرض للطباعة
السلام عليكم ورحمة الله وبركاتة
اخوانى اعضاء منتدانا الغالى انا عندى سؤال الكاوتش عندى التاريخ الى مكتوب عالية 4 - 05 يعنى الشهر الأول سنة 2005 هو ظاهر فية شقوق صغيرة جدا جدا من الأجناب اسفل الكتابة المكتوبة على الكاوتش هو نوعة جى تى شامبرو وفى عجلتين لسة يعتبرو كويسين وعجلتين يعتبرو نص نص هل كدة انا محتاج اغيرهم ولا ايه ولكم جزيل الشكر
الكاوتش بيتغير كل 40 الف كيلو او 6 سنوات من تاريخ الانتاج... تاريخ الانتاج لسة مش قديم بس الكاوتش عامل كام الف؟؟؟
MMamdouh
شكرا على سرعة ردك يا استاذ محمد انا مش عارف الكاوتش عامل اد ايه انا لسة شارى العربية من 7 شهور لما اخدتها كانت عملة 54000 وهى دلوقتى عاملة 63000 بس انا من شهرين روحت مليت العجل نيتروجين فى بريدجستون والعامل قالى ان الكاوتش ده قديم من 2005 وفيه تشققات ابتدت تظهر ولازم تغيره قولتلة مينفعش امشى بيه شويه قالى ممكن بس ماتجريش عشان خطر بيقولى وبتاع الكاوتش الى انا اعرفة لما جبت العربية قالى الكاوتش يعنى ممكن يمشيك شوية بس مقاليش اد ايه الكلام ده من 6 شهور
ايه انتو فين يا رجالة
طيب دلوقتى انت بتقول انك شارى العربية و هى عاملة 54 الف...يعنى لو شلنا ال 40 الف كيلو بتوع التغيير الطبيعى يبقى فيه احتمال من التلاتة:
1- كاوتشك دة ماشى 14 الف فقط و دة مش منطقى نتيجة الحالة اللى انت شرحتها و تاريخ الانتاج القديم
2- الكاوتش مشى ال40 الف بنتوعة و محتاج تغيير بس معنى كدة ان الكاوتش الاصلى للعربية اشتغل 14 الف فقط و دة مش منطقى
3- الكاوتش دة هو الكاوتش الاصلى و شغال ال 54 الف كلهم و انت زودت لحد ال63 الف...
لو تدينا معلومات عن نوع العربية و موديلها حيساعدنا كتير فى تحديد الاحتمال الاقرب للصواب
انا شايف ان الاحتمال التالت هو الاقرب للصح و شايف انك تغير الكاوتش دة فى اقرب فرصة لانة خطر
MMamdouh
العربية نصر 128 موديل 2006
هى بتنزل بكاوتش النسر وانا شاريها فيها جنوط سبور وكاوتش شامبرو حاجة تانية يا استاذ محمد عايز اعرف اكبر مقاس كاوتش ليها كام عشان الى فيها 13/75/165
كدة يبقى الارجح ان صاحب العربية جابلها جنوط و كاوتش اول ما اشتراها و كاوتشك دة عامل معظم ال 63 الف اللى بنتكلم فيهم بالتالى يفضل تغييرة
معتقدش فيه مقاس اعرض من كدة على 13 يضبط معاك.. لو عايز اعرض حيبقى الافضل تجيب جنوط 14
MMamdouh