اصلاح الاطارات

**tutankhamoun** · 31-10-2007 07:47 AM

نفس الموقف حصل معي ........ و دفعت زي الباشا 90 جنيه لتصليح الأخرام ...........
عمال البنزينة أكبر حرامية :twisted: :twisted: :twisted: :twisted:
و من يومها لا أذهب إلى أي بنزينة لتصليح أي شئ ............. بنزينة لتموين بنزين فقط و تغيير الزيت
:shock: :shock: :shock: :shock:

**Tarek Fadl** · 31-10-2007 08:49 AM

السلام عليكم ورحمة الله وبركاته
انا عرفت من واحد صاحبي كان علي الصحراوي ودخل بنزينة عشان يضبط الاطار اكتشف ان البيه الصنايعي معاه في ايده دبلة لها سن مدبب والسن من الداخل يقدر يخرم بها العجلة ومجرد ما الزبون ينشغل في اي حاجة يقلب الدبلة ويبدءيخرم لك الفردة 7 او 8 اخرام وبعد كده يبدء يشتغل الزبون في تكلفة الاصلاح لدرجة انك تسال نفسك انا ازاي ماشي بكل الاخرام ده في الفردة
وحسبنا الله ونعم الوكيل في معدومي الضمير

**أبو_حمزة** · 31-10-2007 10:19 AM

خدوا بالكوا ان لحام الخابور اللى عند كل بتوع الكوتش ده لحام مؤقت يعنى ممكن يبقى معاك زيه فى العربية عشان الطوارئ
انما اللحام الدائم ما ينفعش من بره بس
لازم يفك الكوتش من الجنط و يلحم من بره وجوه
المكان الوحيد اللى أعرفه بيلحم تيوبلس صح هو مركز برديجستون بنزينة كالتكس عباس العقاد
و كنت اعرف واحد بتاع كوتش استاذ فى حلوان بس قفل
اللى يعرف اماكن تانية يقول لنا

**kisho55555** · 20-02-2010 12:48 AM

والله ما عارف اقول ايه ... بس معدش فى ضمير فى البنزينات بتاعت مصر ...

فكرة الكاوتش الداخلى دى مفيده جدا ..

**romeo_6887** · 20-02-2010 02:05 AM

شكرا علي النصيحه يا اسلام باشا

**ahmed_su** · 20-02-2010 02:19 AM

قدر الله وما شاء فعل

معلش يا سلام ما حدش بيتعلم ببلاش

وفعلا التعامل مع البنزينة للتموين فقط

وهى خدعة قديمة منهم لله - شكرا على التحذير

**aliabutaleb** · 20-02-2010 09:54 AM

اتعرضت لنفس موقف الأستاذ إسلام الأسبوع اللي فات
بس عامل الكاوتش قال إن فيه 3 أخرام بس وعملهم بحاجة اسمها "مادة"
دلوقتي المفروض أعمل إيه في الكاوتش بما إن الاخوة قالوا إن ده إصلاح مؤقت؟
أروح لبتاع كاوتش محترم أقول له يعمل إيه بالظبط في الفردة دي؟

**AHMED1718** · 20-02-2010 11:02 AM

المشاركة الأصلية كتبت بواسطة islam_galal

السلام عليكم
لي تجربة احب اقول عليها
كنت مسافر شرم الشيخ و العجلة ريحت كتير و دخلت بنزينة مصر للبترول -اول عباس العقاد- و كشف عل العجلة بمحلول صابون و كانت النتيجة ست أخرام و الخيارات كانت بتيل ب 7 ج و تيل ب 10 ج ، قولتله علي ابو 7ج فقاللي حاركب اللي ب 10 ج و حاحسبه ب 8 ج لانه افضل

طبعا انسان غير امين بالمرة بس اخوكم مضطر لاني كنت لسه رايح شرم و الساعة كانت 4.30 فجرا و كان معايا زوجتي و ابني.

المهم سد الاخرام و كشف علي العجلة اللي ورا (كانت مريحه شويه)و النتيجة 7 اخرام
المهم الموضوع اتكلف (105 ج) -حسبي الله و نعم الوكيل

المهم اكتشفت لما رجعت من الصنايعي اللي بتعامل معاه ان دي اشتغاله و من زمايل لي و كان الاقتراحات كالتالي:
-الاقتراح العملي بتركيب كمرة ارخص و افضل
-تصليح العجلة بعد الرجوع عن طريق اللحام علي البارد من الداخل.

الاصلاح بالتيل بيبوظ شبكة السلك داخل العجلة و بيخليها تبوظ بسرعة

ملحوظة: العجلة اللي ورا اتلوحت بعد الاصلاح بـ 10 ايام بالرغم من انها ميشلان فرنساوي و حسبي الله و نعم الوكيل

انا قولت في نفسي ممكن غيري يتحط في نفس الموقف و يتعرض لمثل هذا الاستغلال
نصيحة نهائية اصلاح الكاوتش في البنزينات بشكل عام مقلب

نفس الموقف ده حصل فيا ف نفس البزينا بس مش فاكر كانو عندى بيقولى 25 خرم تقريبا وده قالهولى بعد مخلص شغله لانه كنت ف الكافيه اللى ف البنزينا وكانت ليلة سودا على وش امه ف اليوم ده لما بيقولى 250 ج بس فعلن والله انا كنت ايامها مكنتش سمعت عن الاشتغالة دى قبل كده ..بس اللى فكرت فيه انى اخد 3 او 4 صحابى بعربية وقبل البنزينا ننزل نهوى فردة من الفرد وندخل البنزينا على انه مخروم ونخش لنفس الواد لو عمل نفس الحركة نديله اللى فيه النصيب ونكسر ام الورشة على دماغة علشان يحرم

**جمال** · 20-02-2010 01:31 PM

الموضوع بقاله اكتر من سنتين و اربعة اشهر !!!!!!
ولسه شغال فى نفس البنزينة!!!!!!!!!

-

الموضوع: اصلاح الاطارات

LinkBack

أدوات الموضوع

عرض

-

-

-

-

-

-

-

المواضيع المتشابهه

اصلاح الاطارات التيوبلس

احدث تكنولوجيا في خدمة الاطارات و امان الاطارات

ضبط الاطارات

ضغط الاطارات

ضغط الاطارات

الكلمات الدلالية لهذا الموضوع

المفضلات

المفضلات

ضوابط المشاركة