اصلاح الاطارات

**amdd** · 12-02-2013 08:57 AM

اكبر خطأ ممكن تقع فيه انك تسيب الراجل يشتغل فى الفرده وتشغل بالك بحاجة تانية غير الفردة ,,كده انت بتدى بتاع الكوتش فرصه انه يشتغل فى الفرده ويشتغلك فى نفس الوقت

رغم انى واثق جدا فى الراجل اللى بعمل عنده الكاوتش بس هى عاده انى افضل متابعه
حرص ولا تخون
الموضوع من 2007 اكيد الناس دلوقت بقت خبره فى الموضوع ده

**A_H_M_A_D** · 12-02-2013 09:48 AM

للأسف مش بس البنزينات دلوقتي اللي بيعملوا الحركة دي

ده كمان محلات الكاوتش بقوا يعملوها , في محل كاوتش جنب بيتي في مصر و السودان بعد بنزينة شل , عمل معايا الحركة دي وقالي الفرده فيها 5 اخرام , بس انا عشان عارف اللعبة القذره دي مارضتش انه يعمل فيها حاجه و اخدت الفرده و مشيت بعد ماكان بوظهالي الهي يخرب بيته و يقطع رزقه الحرام

الحل لازم تعرف واحد بتاع كاوتش امين ماتروحش الا ليه هو بس , وتركب الاستبن في حاله حدوث اي مشكله في اي عجله لغايه ماتروح للي انت عارفه

**A.Saad** · 12-02-2013 09:58 AM

المشاركة الأصلية كتبت بواسطة engahmedsayed

هههههههههههههههههه
هو لسه فى ناس بيضحك عليها فى الموضوع ده
يا جماعه بالعقل كده 6 او 7 اخرم و العجله بيبقى فيها هواااااااااا
ازاى
انتا حضرتك و انا عارف بقولك ايه زود العجله و امشى عادى و اجرى مفيش اى مشكله طول ما العجله ماشيه مش هتنفس هووووووووووووو
الصيف قلى فات كان عندى شغل و خلاصت و كنت راجع من اسكندريه فكانت العجله شبه نايمه روحت للراجل بقوله فك العجله و اكشف عليه قلى افكها ليه بقوله علشان تكشف قلى منا هكشف و هى ركبه قولتالو
هتخابور قلى اه قولتالو شكرا بقولك ايه قلى قول قولتولو زود هو و اظبط الضغط قلى هتمشى بيها كده اه و مالها هتمشى فصحيبى بيقولى هتسافر بيعا كده و مكنش معايا استبن قولتالو طول منا ماشى عادى جداااااااااااا
و مش هتنام ده للمعلوميه
و لو لقيت مسمار فى الكوتش متشلوش خليه صديق مع الكوتش للحد ماتشيله
بس امتا تخابور الكوتش فى حاله واحده لو المسمار قلى خارم الكاوتش بورمه مش مسمار خشابى

الحلول ايه منفاخ من ابو 100 جنيه
شنبر نفس مقاس العجله
بتاع كوتش امين انتا تثق فيه

ممكن افهم من حضرتك ليه الفرق فى الاصلاح بين نوعين المسامير

**Elawany13** · 13-02-2013 12:27 AM

المشاركة الأصلية كتبت بواسطة A.Saad

ممكن افهم من حضرتك ليه الفرق فى الاصلاح بين نوعين المسامير

المسمار البورمة مؤذى جدا لما بيدخل فى الكاوتش التيوبلس بيجيبها على الأرض تماماً بسبب الحلزون اللى فى المسمار بيخلى الهواء اللى فى الكاوتش ينفس بسرعة ومينفعش تمشى بيها كده لازم تنزل الاستبن وتغير العجلة لو عندك منفاخ اللى بيشتغل على الولاعة ممكن تسيب المسمار البورمة وتنفخ الفرده وتمشى عادى مشاويرك المستعجلة وتبقى تعدى على بتاع الكاوتش بعد ساعة ولا اتنين

------------------------

انما المسمار بتاع الخشب العادى ممكن تسيبه فى الفرده بالشهور وكل اسبوع تزود هوا وخلاص والتنفيس بيكون بطيئ جدا

فى كل الحالات لا ينصح باللحام بالخابور
والصح ان الفرده تتلحم من الداخل