انا نويت أشتري عربية تـويوتـــا كورولا أو سكودا فانتازيا ؟؟
عرض للطباعة
انا نويت أشتري عربية تـويوتـــا كورولا أو سكودا فانتازيا ؟؟
يا راجل اتقي الله
فانتازيا طبعا
و القصة مش موتور بس .. اللي في الأوربي أكتر و أكبر من كده )
يا باشا فيه حد يقارن Fantasia ب Corolla
انا شخصيا جبت Fantasia من حوالي شهر (الخليجي) و بجد حرام تحط الاثنين في مقارنة مع بعض
الكورولا الادفانسيد اوتوماتيك 2010 متفوقه فى الفئه السعريه دى
يعنى لو قدامك فانتزيا تبترونيك اللى ب 168 الف وكورولا ادفانسيد اللى ب 160
يبقى الكورولا تكسب طبعا وبدون اى مقارنه
انما اللى يشترى فانتزيا او جيتا عموما يبقى يجيب الهاى لاين او الاليجانس
تحياتى
السلام عليكم انا متحيز جدا للسيارات الاوربى وخاصا الاسكودا لجودتها وثباتها ولكن بعد بحث تبين ان التويوتا افضل لعده اسباب لويهمك تعرف بس اسأل
طب ما تقول يا جميل
بعد البحث .. طلعت الكوروللا أحسن في إيه ؟
انا اقولك احسن فى ايه ....
عربية كبيرة ,,
مليانة اوبشنز ,,
موتور قوى و اقوى من الفانتازيا بكتير ,,
ثباتها ممتاز ,,
فيها وسائل امان اكتر من الفانتازيا ,,
مريحة و نعمة ,,
عربية معمرة جدا ,,
قطع غيارها فى كل حتة و رخيصة ,,
سعر اعادة بيعها ثابت ,,
توكيلها احسن 100 مرة
اظن دى اسباب كافية ,, و للعلم انا من عشاق سكودا بس فى الحالة دى الكورولا تتفوق ... و زاى ما ابو سمرة قال ,, العربيات دى متتجابش غير هاى لاين ,, عشان فخامتها و اسمها عربية اوروبى مش اكتر
يعنى بصراحة انا العايز اعرف من حضرتك الفانتازيا تتفوق فى ايه ... و ياريت تتكلم معايا بلغة العربيات مش الماركات
يا باشا انا زيك محتار بين الاتنين دول والهوندا سيفيك معاهم بقالى تلت شهور وسألت طوب الارض
وبعد بحث طويل توصلت لأن التويوتا كورولا ادفانسد اوتوماتيك ب 159 هى الافضل :S_thum1[1]:
وخصوصا عشان السحب والجرى وكمان عشان التوكيل وقطع الغيار و ثالثا عشان سعر اعادة البيع
دة غير ان شكل الكورولا الجديدة بالنسبة لي رائع
و كل الحاجات دى بصراحة تهمنى جدااا
لكن اعتقد الفانتازيا تتفوق فقط فى الفخامة وشوية كماليات معاها
اعتقد اوكتافيا هتبقي احسن بكتيير، بس الكورولا تحفة برده، فكل حال انت الكسبان إن شاء الله، انا مؤمن بأن الواحد يشتري الحاجة المسريحلها نفسيا، حتي لو مش الاحسن، يعني لو انت رجل كبير و كده ممكن السكودا يبقي شكلها افخم ليك، لو شاب او عائلة صغيرة يعني ممكن الكورولا تبقي ألذ.
أنا كمان واقع حاليا في نفس الحيرة العربيتين حلوين كل واحدة فيها مميزات و عيوب يعني مثلا الكورولا جامدة كموتور و كماليات غزيرة جدا -قصدي الهاي لاين- لكن الاوكتافيا جامدة برضه شكلا و موضوعا بس فيها مشكلة كبيرة و هي التوكيل و سعر اعادة البيع المتدني و سعرها لأنك في الحالة دي هتشتري الBase Line. يا ريت لو حد يقدر يدينا تفصيل كافي للمقارنة لأن أنا بجد خلاص هتجنن و مش عارف أختار