طبعا لاأوافق على إلغاء ال 80 دي الحاجة الوحيدة إللي مصبراني على البلد وعلى الشاهين بتاعتي
ياسلام بفول التنك ب40 جنيه وزي الفل
عرض للطباعة
طبعا لاأوافق على إلغاء ال 80 دي الحاجة الوحيدة إللي مصبراني على البلد وعلى الشاهين بتاعتي
ياسلام بفول التنك ب40 جنيه وزي الفل
انا هقولك على حاجه كده حصلت معايا الصيف دا في الساحل....
كنت بمون العربيه و انا راجع من الاسكندريه عديت علي البنزينه اللي في الحمام قالي مفيش 90 الموجود 92 فقط رحت موبيل اللي عند مارينا 2 قالي نفس الكلام .... طبعا غصب عني حطيت رغم ان الفرق مش كبير بس صدقني لو بتمشي كتير هتحس بيه جداً..
و انا راجع مصر شيل اللي قبل دخله برج العرب الموجود فقط 95!!!!!
اللهم ارفع مقتك و غضبك عنا
هوا هايتلغى لاجبار الناس على التحويل للغاز
لو في حد فيكوا بيروح العاشر من رمضان يعرف 80 قيمته ايه و ناس قد ايه بتستخدمه ...
شيروكي 2000-النترا-افيو -نوبيرا-لانوس-فيرنا-اكسنت-اوبترا و حاجات كتير هناك بتحط 80 و ماشي عادي و العهده على كلام سواقين العربيات دي و اصحابها لاني كذا مره سألتهم!!!
الكلام دا في محطه البنزين اللي قريب من صدناوي جنب قسم العاشر..
موافق بس يخلي ال 90 بجنيه وبريزة
بدل ال 80
غير كده يبقى شغل سرقة عيني عينك
واللي مش عاجبه يشرب من المالح
يا باشا ده كدة يبقي نهب مش البنزين له قيمة !! اما واحد يبقي راكب عربية ب 100 ألف و رايح يحط 80 يبقي مش عارف أقول عليه إيه !! عامة هو ماشي أه .. اللي بيشرب سم مش هيطب ساكت في ساعتها .. إنما إتفرج عالموتور ده كمان شوية.
و عامة انا دايماَ أشوف محطات بنزين 80 أدامها صف طويل عريض من عربيات التاكسي تمثل عالأقل 80% من الطابور .. و كام عربية ملاكي .. يعني مستخدمي بنزين 80 معظمهم بتوع التاكسي و اللي منهم بياخد في جراكن كمان ماهو بقي سوق سودة! و سواقين ملاكي حديث بيبصوا تحت رجليهم .. و سواقين ملاكي محتاجين الدعم فعلاَ .
الغريب إن بتوع التاكسي غلوا التوصيلة من ساعة ما البنزين غلي و هما بيحطوا 80 !! و طبعاَ الباقي في الجيب .
ملحوظة : بنزين 80 لا يوجد في العالم كله سوي في ثلاث دول مصر أحدها .
و انا أميل لرأي تايلر إنه هيلغي لإجبار الناس علي إستخدام الغاز الطبيعي .
الغاز..
انا نفسي اعرف لية ميبقاش للدول المصرية الجميلة مواصفات خاصة تطلب بيها العربيات بحيث تكون جاهزة للعمل بالغاز الطبيعي (اللي الحمد لله متوفر بكثرة في مصر)..+ان العربية تكون تتحمل العمل بالغاز .. مش بعد كام سنة تحتاج عمرة والكلام دا
لية بجد ميكونش لينا مواصفات؟ لية؟؟؟؟؟
لازم يعني العربية لما تيجي اللى عايز يحول غاز يعمل العملية دي بنفسه ؟؟
لو وصل ال80 لجنيه وربع مفتكرش فيه مشكلة و90 ينزل الفرق يعنى يبأا جنيه وأربعين قرش وتبأا معادلة مش بطالة و 92 زى ماهوا