هل توافق علي الغاء بنزين 80؟

**ooso28** · 02-09-2009 04:42 AM

طالما بنزين 90 مش مدعوم ده معناه انهم بيزودو سعرو يعني المواطنين هما اللي بيدعموا البنزين

**dr_timo** · 02-09-2009 05:10 AM

ههههههه والله هم يبكي وهم يضحك البلد دي حرميتها مبيختشوش ابدا وبجحين وبيسرقو عيني عينك يعني خلاص البلد بتاعتنا دي بقت بلد كاملة ومتقدمة وفيها كل الخدمات الاساسية عشان يدورو عالفرعيات التافهة بتاعة العربية يكو عمرها كام سنة عشان متلوثش البيئة والبيئة اساسا متلوثة من كل ناحية والبنزين يقولك بيلوث البيئة خلاص حريصين اوي علي شوية الرصاص الزيادة اللي في بنزين تمانين دة انتو ملينلنا الجو وحياتنا بالرصاص والارف جتكو رصاصة تاخدكو

**cabary** · 02-09-2009 08:50 AM

أنا مبمونش بنزين 80 بس الفكرة إن الناس معظمها بتمون 80 أو 90 دة طبعاً غير العربيات الجديدة إلي بتمون 92 وطبعاً في عربيات قديمة بتمون 92 وبتقول إنه مش فارق حاجة عن 90 غير 10 صاغ فبتمون بيه وبناقص الفرق دة مش مشكلة
وفي كندا العربيات كلها بتمون 87 وده ذي ال80 عندنا بس إلي بيستخدم البنزين الأنضف من كدة هما إلي بيركبوا ال-bmw أو ال-mercedes وبقية الناس بتحط ال-87 ومشية ذي الفل ولا حد إشتكى من حاجة
فأكيد ميتلغيش أو ممكن يلغوه وينزلو واحد أنضف ذي ما فى كندا ومنجيش على بنزين 80 إللي معظم إلي بيستخدموه ناس ميقدروش على تمن ال-90

**eslamrace** · 02-09-2009 08:54 AM

اوافق على الغائه شرط توافر بنزين 90 وتقليل سعره ليصبح فى المتناول

**ahmed1981** · 02-09-2009 02:38 PM

المشاركة الأصلية كتبت بواسطة ooso28

هما بيفكروا يلغوه عشان تأثيرة السلبي علي البيئه

تأثير بنزين 80 على البيئة هو نفسه تأثير بنزين 98
جميع البنزين خالي من الرصاص
عشان كده هما ميقدروش يقولوا كلمة تأثير بيئي وإلا يلغوا البنزين كله ونمون جاز أبيض

**Dr Zezo** · 02-09-2009 02:49 PM

نفسي اعرف الحكومة الذكية حسبتها ازاي؟!!!

الفلوس اللي وفروها من رفع سعر ال 90 دفعوها تاني دعم للناس اللي تحولت الي استهلاك ال 80 - وهولاء لا يستحقون الدعم المدفوع في ال 80-

الحل المنطقي خفض سعر ال 90

**Amrrr** · 02-09-2009 02:56 PM

المشاركة الأصلية كتبت بواسطة Terrible_DaRsH

هههههههه تخيلوا واحد معاه فزبة او عربية سيات و بيمون 90 :) :) ..

من غير تريقة كان عندي سيات وحطيت فيهامرة 80 (ماكانشي في غيرة وكانت قاطعة بنزين) تعبت منه وجالها دور برد على سخونية ومغص ومن ساعتها هو الــ90 انا مش عارف العربيات التسعينات واوائل الفين ساعات باشوفهم بيحطوا تمانين ازاييييييي ؟ بس عموما طالما في ناس بتستعمله اكيد مش هينفع يتلغي