الموضوع: الحمد لله العربية اتخبطت

• لا حول ولا قوة الا بالله
  
  واللى انت عملته ده عين العقل لان الراجل ده
  
  كان زوق واعترف بغلطه والعفو عند المقدرة زى ما قولت

أنا كمان عربيتى أتخبطت بعد مارخصتها بيومين وهى مركونة قدام البيت والله ، واحد سواق عربية جمع القمامة وكان بيفادى حفرة فى الشارع راح ميل على العربية جرحلى الرفرف اللى ورا بالشنكل اللى بيربطوا فى الحبال بتاع العربيات النقل وكسرلى الفانوس الورانى والمشكلة ان الخبطة عوجت السوكة اللى بيركب فيها الفانوس يعنى لازم تتعمل قبل ما الفانوس الجديد يركب. انا طبعا نازل من البيت وانا شايط ، لقيته بيقولى اللى انت عاوزه انا تحت أمرك ، انا من غيظى قلتله هاتدفع 1000 جنيه ، قالى ماشى بكرة هاعدى عليك وأجيبلك الفلوس وخدت منه البطاقة بتاعته ، راح وقعد حوالى 3 أيام وبعدين جالى ومعاه ناس ومعاه الفلوس ، اديته البطاقة وقلتله اتكل على الله بس ابقى خلى بالك بعد كدة بس المشكلة ان فرحتى بالعربية خلاص راحت حتى لو اتصلحت .

المشاركة الأصلية كتبت بواسطة modux

انا قولت يعني هيدني رزق يومين و لاتلاتة
قوتلو روح يا عم و خد بالك

جزاك الله خيراً على عفوك
وعوضك من عنده عما أصاب سيارتك

على الجانب الاخر من العالم سواق تاكسي شاب فرمل امريكاني قدامي علشان واحدة معدية قدامة رحت لابس فية و وقتها اكتشفت ان فرامل العربية متاخرة
المفاجاة لقيتة جري بالعربية مع ان غطى الفانوس الوراني بتاعة كان واقع بس سليم ؟؟ ما عرفتش وقتها برضة اعمل اية
ربنا يعوض عليك و علينا جميعا

صح طبعاً يا أستاذ modux
و زى ما حضرتك قلت العفو عند المقدرة
و خصوصاً إن الراجل كان زوق مع حضرتك

بس لو كان بتاع ميكروباص أوعى تسيبه .... :mrgreen: :mrgreen: :mrgreen:

أنا بشوف بلاوى مع بتوع الميكروباصات دول ..... بس الحمد لله محدش تجرأ و خبطلى العربية :D

أنا كمان عربيتى أتخبطت بعد مارخصتها بيومين

لا حول و لا قوة الا بالله , زعلتنى يا أخ أبو سيف ده أنت لسه جايب العربية من أسبوعين تلاته معلش العين صابتك خدت الشر و راحت ربنا يعوض عليك خير قدر الله و ما شاء فعل. المؤمن مصاب. أنا حاسس بيك والله.