الحمد لله العربية اتخبطت

**modux** · 30-10-2007 01:46 PM

بسم الله الرحمن الرحيم

النهاردة الصبح
و انا رايح الشغل طالع علي صلاح سالم من عند عمارات العبور الدنيا زحمة اوي و ماشين علي سرعة 5 كيلو في اساعة و نقف و نمشي المهم

عادي ماشي بالراحة لقيت ديييييييييييييييييييييييي ييييييييب

نزلت لقيت عربية تاكسي 1600 خيطتني من الشنطة و كان قدامي ربع نقل
طبعا الشنطة اتعجنت عشان كنت ماسك فرامل !!!!
و الكبوت اتفعص و مش راضي يفتح
نزلت و انا ناوي امسح بكرامتو الارض
لقيتو راجل في الاربعينات من عمره و بيقول انااسف حقك عليا !!
قولتلو حقك ايه بس و زفت ايه

يا بيه اصاحهالك !
قوتلو فين ان شاء الله
قالي تعالي الوقتي معايا المطرية اعملهالك
قوتلو مش فاضي
قالي طب خد رخصتي اهي و لما حضرتك تخلص شغل تعاللي و انا هعملهالك

انا بردت ناري من زوقه الصراحة
بصيت لقيت نفسي بقول لنفسي العفو عند المقدرة
و الناس اتلمت و بتقولي اعملو محضر
لا خد منو تمن تصليح الشنطة

انا قولت يعني هيدني رزق يومين و لاتلاتة

قوتلو روح يا عم و خد بالك

و مشيت

بس بصراحة مضايق من شكل العربية و مزنوق اوي في الشغل اليومين دول
ف ان شاء الله اعملها الاسبوع الجاي و كمان اكون قبضت :D :D

الحمد لله بس قوللي صح و لا غلط و لو مكاني هتعملوا ايه ؟

**sherif Anton** · 30-10-2007 01:49 PM

حمد الله على سلامتك ... وطالما طلع الراجل زووووق يبقى زي ما انت قلت

العفو عند المقدرة

**Abdallah** · 30-10-2007 01:53 PM

يا باشمهندس اولا الحمدلله انها جت فى العربية ومجتش فى اكتر من كدة واهم شىء انك سليم وبخير واتمنى لك كل الخير ان شاء الله :)
ثانيا انا فى لو مكانك واقدر اصلح العربية هعمل كدة مع تحريف بسيط, وهو انى هاخد منه ولو حتى 100 جنيه مش علشان بعد كدة يبقى ياخد باله وميمشيش يلطش فى عربيات الناس, ممكن انت بكرم اخلاقك دة متكونش علمته الدرس الى المفروض يتعلمه من موقف زى دة, وعموما موضوع العوض دة انا مش مؤمن بيه يعنى انا اعرف ان الى يبوظ حاجة يصلحها ودة الى انا بطبقه على نفسى وعلى تعاملاتى مع الاخرين.

**Hossam_Hassan** · 30-10-2007 01:53 PM

لو زعلان تبقى غلط و لو راضى يبقى صح

**zozza** · 30-10-2007 01:56 PM

oppppaaaaaaa
معلش يا عم الحج .... الحمد لله علي كل شىء من قبل و من بعد

انا حاسس بيك ان نص مشكلتك في زنقة الشغل .... و ميين يبقي شغال في ال GFS و يكون عندو وقت حتي يصلح ولاعة سجاير.

عامةّ ربنا يعوضك خير و صح كده اللي انت عملتو مع الراجل مادام طلع محترم ... و اخوك في الخدمه لو محتاج اي حاجه

**fahd_628** · 30-10-2007 02:03 PM

معلش يا باشا و مادام الراجل كان زوق خلاص يبقى الى انت عملتة صح و لكن على رأى الأستاذ حسام لو سلة زعلان يبقى غلط

بس انا شايف ان تصرفك صح عارف لو قالك ايييييييييية و بجح معاك كنت تعملة محضر و تخلية يصلحها لكن مادام ذوق و حرام تقطع عيشة خلاص بس اهه اخد درس اكيد علشان مش كل الناس زيك كان ممكن يقع مع واحد يودية فى داهية

**Islam_galal** · 30-10-2007 02:04 PM

ربنا يعوض عليك بكرم اخلاقك

هعمل كدة مع تحريف بسيط, وهو انى هاخد منه ولو حتى 100 جنيه مش علشان بعد كدة يبقى ياخد باله وميمشيش يلطش فى عربيات الناس

الاضافة دي كويسة لان فيه ناس بتعمل العملة و بكلمتين كل حاجة انتهت

وعموما موضوع العوض دة انا مش مؤمن بيه يعنى انا اعرف ان الى يبوظ حاجة يصلحها

طبعا (ولكم في القصاص حياه)

العفو عند المقدرة

لاحظ عند المقدرة

و بما انك قدرت علي العفو يبقي الحمد لله و ثق في كرم الله في الدنيا و الاخرة فالله عز و جل لن يعاملك ابدا باقل او ما يساوي عفوك عن الناس

**tarekkasaby** · 30-10-2007 02:05 PM

ربنا يعوض عليك و يكفيك الشر
انت اتصرفت صح
انا برده لسه العربية مخبوطة الساعة واحدة بليل و هى مركونة تحت البيت نزلت لقيت واحده ست راكبة لانسر زيرووووو و ردت علية ببرود انا اسفة
طبعا قولتلها ابق خلى بالك و طلعت و انا دمى محروق بس حاعمل اية و لا حاجة :twisted:
طالما طلع زوق استعوض ربنا

**Falcon.Crest** · 30-10-2007 02:14 PM

sorry what is GFS

**modux** · 30-10-2007 02:19 PM

Mkhozamy
GFS ده اللي مشروع اللي شغال انا فيه لاي تي سوفت

برنامج بنوك و zozza
كان شغال في نفس الشغل اللي انا فيه ده و عارف ازاي الشركة هنا مش بترحم

الموضوع: الحمد لله العربية اتخبطت

LinkBack

أدوات الموضوع

عرض

-

-

-

-

المواضيع المتشابهه

الحمد لله العربية اتخبطت كيا ريو 2011

الحمد لله.. العربية اتخبطت + صور

العربية اتخبطت فى الباب من تكتك . الحمد لله على اى شى ...

العربية اتخبطت و الحمد لله

الحمد لله العربية اتخبطت النهارده

الكلمات الدلالية لهذا الموضوع

المفضلات

المفضلات

ضوابط المشاركة