استفسار عن سكودا ميني فابيا

**Dr_Smart** · 01-09-2009 10:23 PM

يا جماعه انا شفت الميني فابيا في معرض المقطم والصراحه العربيه رائعه وشدتني جدا

بس لأني كنت عامل حسابي في عربيه اقل من 100 الف فبفكر اجيب المانيوال ال 1400

المهم كنت عايز اعرف رأي حضراتكم ايه في العربيه اولا ؟ وثانيا رايكم في التوكيل كصيانه وقطع غيار ؟

سؤال مهم

هل السياره متوفره في معارض بره التوكيل لأن في التوكيل قالي العربيه حاليا مش متوفره غير بعد 5 اسابيع !!!

اتمنى لو حد عارف معارض فيها السياره يفيدني

وكل سنه وانتو طيبين ورمضان كريم

**beihoo** · 02-09-2009 01:15 AM

ابعد عن بتوع معرض سكودا اللي في المقطم .. هايطلعوا عينك و في الأخر هايجيبولك العربية عن طريق معرض بره.

دور عليها في معارض بره زي المصرية أو أباظة و الأخير غالبا هتلاقي عنده .. برضه كنت شفت عند المصرية واحدة سبايس (كومبي).

انا حجزت عندهم -معرض سكودا المقطم- عربية فابيا سبورت و طلعوا عيني لأكتر من شهرين لغاية ما كرهت إني أجيب العربية و الحمد لله ربنا وفقني في سيات كوردوبا و كنت مخلص في 5 أيام و الناس كانوا شايليني من على الأرض شيل .. تخيل لغاية دلوقت مش عارف أخد المقدم بتاعي حتى الآن رغم إني مقدم على طلب إسترداد من 10 أغسطس !!!

و بخصوص العربية فهي ممتازة جدا.

**dabdob86** · 02-09-2009 03:10 AM

استاذنك لو فيه نمرة لاباظة او عنوانه اكون شاكر لانى بدور على العربية برده و مش لاقيها

**Dr_Smart** · 02-09-2009 05:17 AM

المشاركة الأصلية كتبت بواسطة beihoo

ابعد عن بتوع معرض سكودا اللي في المقطم .. هايطلعوا عينك و في الأخر هايجيبولك العربية عن طريق معرض بره.

دور عليها في معارض بره زي المصرية أو أباظة و الأخير غالبا هتلاقي عنده .. برضه كنت شفت عند المصرية واحدة سبايس (كومبي).

انا حجزت عندهم -معرض سكودا المقطم- عربية فابيا سبورت و طلعوا عيني لأكتر من شهرين لغاية ما كرهت إني أجيب العربية و الحمد لله ربنا وفقني في سيات كوردوبا و كنت مخلص في 5 أيام و الناس كانوا شايليني من على الأرض شيل .. تخيل لغاية دلوقت مش عارف أخد المقدم بتاعي حتى الآن رغم إني مقدم على طلب إسترداد من 10 أغسطس !!!

و بخصوص العربية فهي ممتازة جدا.

الف شكر على رد حضرتك

فعلا انا حسيت ان مسؤولين المبيعات مش مهتمين بالزبون اللي داخل كإنهم مش عايزين يبيعو بس قلت يمكن عشان رايح بالنهار والناس صايمه

طيب افهم من حضرتك ان توكيل سيات احسن من سكودا ؟ لأن برضو اسمع ان توكيل سيات مش كويس وغالي جدا ... المهم بالنسبالي خدمة مابعد البيع مش مهم المبيعات

يا ريت حضرتك توصفلي عنوان اباظه او اي موزع معتمد ممكن اشتري من عنده بدل التوكيل