السلام عليكم,
كل عام و أنتم بخير.
أنا معروض عليا سكودا فابيا 1200 سي سي موديل 2003.
ما رأيكم في هذه السيارة؟
ما مميزاها و عيوبها؟
هل بها مشكلات معروفة أو عيوب شائعة؟
هل هي 3 سلندر فقط كما هو شائع؟
كم يبلغ سعرها حاليا؟
شكرا.
أحمد
عرض للطباعة
السلام عليكم,
كل عام و أنتم بخير.
أنا معروض عليا سكودا فابيا 1200 سي سي موديل 2003.
ما رأيكم في هذه السيارة؟
ما مميزاها و عيوبها؟
هل بها مشكلات معروفة أو عيوب شائعة؟
هل هي 3 سلندر فقط كما هو شائع؟
كم يبلغ سعرها حاليا؟
شكرا.
أحمد
اولا الفابيا عربيه زى الفل متقلقش منها
ومميزاتها انها عربيه اوروبى محترمه جدا و ثابته جدا على الطريق و قطع غيار معمره جدا جدا جدا و عن تجربه
و مفيهاش اى عيوب شائعه او معروفه
و انا مش متأكد من الموتور 3 و لا 4 سلندر بس بيتهيألى ان ال 3 سلندر نزل من اول 2005
اما عن السعر مقدرش افيدك اوى لان العربيات دى سعرها مضروب و ده عيبها الوحيد يعنى بعد ما هتشتريها و تحب تبيع هتخسر فيها لانها مش مرغوبه فى السوق المصرى
انا معايه و احده 2002 بس مش هبيعها لانها احسن من اى فلوس تجيبها
لو العربيه عجباك فاصل كويس و خدها بس اكشف عليها كويس و نصيحه العربيات دى حلوه جدا جدا ولما تجرب هتعرف
شكرا لردك و أنا طبعا مجرب العربيات دي لأن معايا ابيزا و كلامك صح.
انت عربيتك 1200 ولا 1400؟
انما لما عملت بحث علي الانترنت لقيت ان ال1200 سي سي فعلا دي 3 سلندر, سواء كانت 6v أو 12v .
أنا بصراحة محتار, هل الموتور ال3 سلندر في منه أي مشاكل, أو صيانته صعبة مثلا أو حتي قطع غياره قليلة و هل هيفرق السعر؟ كل دي نقط لازم الواحد يتأكد منها قبل الشراء. ياريت لو حد عنده معلومات عن الموتور ده يفيدنا.
يعنى بتكون فى حدود كام كدة ؟؟
السلام عليكم انا عرف عن تجربه ان 1000 سىسى احسن من 1200 اما 1400 احسن منهم هما الاثنين وخد نصبحه 1000 سى فى وسط البلد احسن من المواتير الكبيره وكمان فى السفر مش متعبة
بص يا باشا انا عربيتى 1000 cc و مبسوط منها جدا فى استهلاك البنزين تعتبر بتشم البنزين بس طبعا سحبه او ممكن تقول التجميع ضعيف شويه بس السرعه القصوى للعربيه 160 كم
و بالنسبه للموتور ال 1200 الصنيعيه مبتحبوش لانه مكعبل عليهم شويه بس انا مشفتش حد اشتكى منه و قطع الغيار متوفره و شغال زى الفل
وطبعا لازم تكشف فى التوكيل قبل الشراء للاطمئنان
دور على 4 سلندر 1400 نصيحة
يا أحمد باشا توكل على الله واشترى الفابيا 1200 سى سى :satelite:
مو2003 موجود منه 1200CC HIGH TOURQUE PERFORMANCE = HTP
http://img101.herosh.com/2009/11/25/567903232.jpg
http://img102.herosh.com/2009/11/25/949394240.jpg
أو 1400 من مو2005 4 اسطوانات
http://img103.herosh.com/2009/11/25/941316223.jpg
3 اسطوانات
8 صمامات قوة 44 كيلووات
أو 12 صمام قوة 51 كيلووات
http://img101.herosh.com/2009/11/25/854332772.jpg
http://img103.herosh.com/2009/11/25/36314985.jpg
السكودا فابيا عامة عربية تقيلة فى الوزن تتراوح بين 1025-1150 كجم فموتور ال1000 سى سى من وجهة نظرى هايكون ضعيف فى السحب خاصة فى السفر مع تشغيل التكييف أو صعود الكبارى وتحميل أفراد وأحمال
http://img102.herosh.com/2009/11/25/396633996.jpg
http://img102.herosh.com/2009/11/25/51846269.jpg
http://img103.herosh.com/2009/11/25/838199552.jpg
على فكرة موتور 1000 سى سى ده غير متداول فى أوروبا أو العالم ونزل مصر عام 2002 بعد تعويم العملة وارتفاع اسعار السيارات لإنخفاض سعر الجنيه وكان وقتها موجود أيضا فى الفولكس جول وبولو لأن وقتها الجمارك على 1400 كان عالى
إنما بعد تخفيض الجمارك فى 2004 الى 40% حتى 1600 سى سى جعل فئة اقل من 1300 (مالهاش لازمة وغير منافسة)
قصدى أن موضوع محرك ال1000CC كان له ظروفه المادية وقتها وكان أغلب اللى اشتروها وقتها مضطرين عشان السعر
إنما عاوز تركب فابيا يبقى 1200 او 1400
لعى فكره بالنسبه لموتور 1000 سي سي شوف مواتير الابيزا حتلاقيها طلقه معرفش ان كانت في الفابيا و لا مختلفه
انا معايا 1400 وزي الفل ما شاء الله