الموتور بيقطع

**crazylambada** · 02-09-2009 02:44 AM

عربيتي الموتور بتاعها بيقطع و السحب بتاعها مش كويس
حطيت منظف رشاشات و غيرت فلتر الهوا و البنزين
بس الموضوع قل شويا بس لسه موجود
ايه المشكله كدا بقى

**caysersosaih** · 02-09-2009 03:15 AM

البوجيهات

**crazylambada** · 02-09-2009 11:07 PM

شكرا جدا لحضرتك

**crazylambada** · 26-09-2009 02:46 AM

طب انا دلوقتي حطيت بوجهات جديده
و العربيه اتحسنت جامد
بس التقطيعه رجعت تاني
كنت مغير طلمبه البنزين بواحده تانيه
العربيه بطلت تقطع بس بقت مكتومه
و الحاجه الجديده ان حاسس ان المكنه مش واصلها هوا كويس كانها مخنوقه
انا خلاص لفيت حوالين نفسي
ياريت حد يساعدني

**nabaster** · 26-09-2009 12:44 PM

انفخ مواسير البنزين بالكمريسور عند اي بتاع كاوتش

الخطوات كالتالي

1- افتح غطا التانك

2- فك الخرطوم الي قبل طرمبة البنزين

3- حط خرطوم الكمبرويسور في بوز خرطوم البنزين بس واحده واحده ومتكونش مفول اكتر من نص التانك علشان متلاقيش مدفع بنزين خرج من فاتحة التانك

كل شهر كرر الموضوع ده علشان تحافظ علي الطرمبه والعربيه متقطعش منك

وحاول ميوصلش البنزين معاك لاقل من ربع التانك علشان ميسحبش الرواسب

امتي بس هنترحم من البنزين الزباله المغشوش الي في بلدنا

A.Yakout