من له حق قيادة السياره الخاصه

**ahmadalsattar** · 02-09-2009 03:50 AM

من له حق قيادة السياره الملاكى برخصه خاصه غير صاحبها ؟؟
هل بدون توكيل تصلح القياده
و فى حالة المخالفه ما هى عقوبة المخالفه
وشكرا اعضاء المنتدى الكرام

**magyver** · 02-09-2009 04:01 AM

متابع باهتمااام

**أحمد كمال** · 02-09-2009 04:04 AM

على حد علمي اقارب الدرجة الأولى و الثانية

و اي حد معاه تفويض بالقيادة معتمد في الشهر العقاري

**M.Osman** · 02-09-2009 04:09 AM

هل بدون توكيل تصلح القياده

انا بسوق العربية (عربية الوالد) على طووول من غير التوكيل
كل الناس حوالية و هنا في المنتدى قالوا المفروض والدك يعملك توكيل إدارة .. خاصة لو بتسافر كتير .. عشان محدش يرخم عليك

بس انا معملتش حاجة لسة و الحمد لله ماشية

**أحمد كمال** · 02-09-2009 04:13 AM

انا ياما سقت عربية ابويا و وقفت في لجان و محدش قال لي حاجة

موضوع التوكيل ده - من وجهة نظري - افتكاسة

**WalidAdel** · 02-09-2009 04:30 AM

انا كنت بسوق عربيه والدي بردوا لحد ماربنا كرمني و جيبت عربيه

المهم الخلاصه في الموضوع ده

لو امين الشرطه اللي واقف رخم هايتلكك علي اي حاجه و خصوصا وانت علي طريق سفر علشان يطلع منك اي مصلحه

انا مره افتكر كنت رايح بنها و قولت اجرب الكوبري الجديد اللي عملوه اللي قبل طنطا و كفر الزيات اللي بياخدك من بره بره دا المهم عند الكارته وانا طالع منها الامين وقفني رخص اديتهالوا لاقاها سليمه قالي معاك توكيل طلعته و شافوا الراجل مش لاقي حاجه يسال عليها قعد يفكر شويه كده و قالي معاك طفايه قولتلوا نعم و بصيتله كده باستغراب قالي طيب اتكل علي الله

فلو عايز يتلكك هايتلكك وليه انا اديله فرصه دا توكيل لاراح ولا جهه في اي شهر عقاري من اللي في النادي دا و بيبقي فاضي و تبقي في السليم

بس للامانه اللي ماعهوش التوكيل دا الصراحه معرفش بيحصلوا اييييه بس علي اللي حصل لاصحابي الامين بيقولوا ابقي اعمل توكيل و بيسيبوه يمشي غير كده الله اعلم

**Mosmafa** · 02-09-2009 07:43 AM

الرك عاللي هيوقفك
بس طالما معاك رخصة العربية سليمة و مدتها تمام حطها في عين التخين
لانك مش سارقها ومفيش قانون يمنعك لانه مش مكتوب عالرخصة لا يقودها الا مالكها
هي معاقين ولا ايه؟؟؟؟؟؟؟؟؟؟