مصر و حال مصر!

أنا فاض الكيل بيا من الحال ... حال المحروسة ...

الحال إللى شكله مش ناوى ينصلح ... ولا ناوى؟؟ مش عارف بالضبط ...

عندى سؤال مهم ... ليه راميين كل الهموم على الحكومة؟؟؟؟ ليه؟؟؟ أو على (ده شعب مصر)

من الجمل الشهيرة أى حد يقولها (هى دى مصر) ... (تحيا مصر) .... (نفسى أخرج) .... طب حضرتك يعنى منزه على القوم؟؟

ولا حضرتك يا حرام إتولدت فى المكان الغلط ...

كأن مصر دى غلطة و لازم نهرب ...

و تيجو فى الأخر تشتكى إن المصرى مالوش ثمن برا؟؟؟ زى نظرتك للسودانيين لم جم عملوا الإعتصام ... دول هربانين من بلدهم فبالنسبة ليك ملهمش أى قيمة ...

خلاصة الموضوع ده؟؟؟ مش عايز أى واحد من أنصار الهروب يجى يفتى بأى كلام , و يا ريت يجهز باسبووره من دلوقتى و يخلصنا ...

إلى الشباب إللى ناوى يقيم فى مصر و يحاول يتطور ...

التطور بإيدينا إحنا ... سيبكم من العواجيز مش هينفعونا بحاجة بجد ...

إدعموا أى محاولة للتغيير حتى و لو كانت بسيطة و ضعيفة ....

من ضمن التطور الأعمال الخيرية ... ساعدوا فيها و شجعوا الناس و أعملوا حملات .... دى هتفرق فى الأخلاقيات كتير ...

إشتغلوا جامد ... مايكنش الفلوس هو الهم الأكبر ... الهم الأكبر هو إنك تطور ...

زى مثلا لو عندك شركة خاصة , حاول طورها و حاول تخليها منتجة .. مش مجرد مصنعة ..

و سيبكم من الحكومة و المحسوبية و الكلام ده ..

لما الشعب يقوى ... السلطة تضعف ... و هو إللى هيفرض رأيه ...

و خلينى أفكركم ...

فورد و رينو و فيات و فيرارى , إلخ إلخ .... كل دول شركات خاصة ... طوروا نفسهم ... لأنهم عايزين يبقى حاجة ..

بقو هما المسيطرين على دولهم ... مش الحكومة .... و وقفوا السلطة و المحسوبية .. لأنهم قدروا مع الوقت يغيروا فكر الناس ...

إحنا إللى ممكن نطور و نحسن و نبقى أقوياء ... مش العواجيز ... مش الحكومة ... مش هينفعونا بحاجة ...

لما الناس الفاهمة تبدأ تتطور و تقوى , تقدر تقوى الناس كمان , تقدر تغير فكرهم .. تبدأ تسيطر على الإعلام و الفكر ...

يا جماعه شباب اليوم إللى هوا إحنا إللى فى إيدينا نعمل كل حاجة ...

و النتيجة إن شاء الله تبان بعد 40 سنة ...

هنبقى حاجة تانية

زى ماليزيا ... و النمور الأسياوية

بس ماتنسوش ... إحنا معانا إسلامنا ...

معانا قوة لا يستهان بها ...

يا رب يكون كلامى ده وصل لناس ...

و كل واحد يبدأ بنفسه ...

و أحيانا الموضوع ممكن يعمله رجل واحد ... It takes one man to do the job ... على رأيى المفكرين الأجانب


و أحيانا إللى بيفرق من هزيمة لنصر فى الحروب جندى واحد ...

يا ريت كلنا نحاول نبقى الجندى ده ...

و يا هبقى أفكركم كمان 40 سنة هتسمعوا إسمى ...

رائد الصناعة المصرية :10D5C8~1107:

http://www.ualberta.ca/%7Eesa106/images/egypt-flag.jpg

تم وقفك أسبوع لمخالفة القاعدة رقم 13

مشرف عام .4

الله يصلح حالك كلمتين كنا محتاجينهم فى ظل وقت كل الناس فيه متشائمه

ربنا يفك الكرب ويصلح حال البلد ويعينا جميعا على فعل الخير

حضرتك رغم إن الموضوع ده قتل بحثاَ و الإصلاح ييجي منين و إزاي بس هحاول أوصلك وجهة نظري .

حضرتك بتقول فيه ناس يا حرام إتولدت في المكان الغلط .. أيوة مزبوط .. و ناس كتير أوي إتولودوا في مصر غلط و كانوا بيعاملوهم في مصر معاملة -أسف- الكلاب .. و اما خرجوا برة و بقوا شئ مشرف رجعوا قالوا المصريين أهما و كل كلام الهجص ده .. مع إن في أرض الواقع مصر كانت السبب في هروبهم للخارج .

أهم مبادئ الإصلاح إن يكون فيه رغبة في الإصلاح .. حضرتك مثلاَ من طريقة سواقة الناس في الشارع .. إنت إستشفيت في أي يوم إن الناس نفسها تمشي في الشارع بنظام ؟ هتقولي انا و إنت .. إحنا حتي مش أقلية .. إحنا أفراد .. يعني ولا حاجة ! اما يحصلك حادث و يروحوا بيك المستشفي تلاقي موظف الإستقبال نايم و الدكتور مزوغ و الممرضات بيهبدوك عالترولي بدون أدني إحساس و قاعدين يهرجوا .. و اللي سببلك الحادث يهرب و محدش يعرف يجيبوا بل و ممكن الناس تقلبك في موبايلك و فلوسك .. ساعتها هيكون إحساسك إيه ؟ بالمناسبة دي تجربة شخصية لي يعني مش من خيالي !

الإصلاح لازم يبقي رغبة عامة .. و ده مش هيتحقق في مصر طول ما مفيش عدالة إجتماعية .. واحد زي سواق التاكسي هتيجي تقوله الإصلاح و النظام .. هو ميهموش .. هو يهمه يرجع لصاحب التاكسي بالوردية و لعياله بالأكل .. لازم تصلح المشكلة من جذورها و عشان تعمل كدة لازم يبقي في إيدك سلطة .. و مدام السلطة فاسدة يبقي مش هيحصل حاجة .

إنت بتقول شركة فورد و كذا و كذا .. دي كانت منظومة كاملة صالحة .. إنت لو عندك شركة فيها المدير فاسد و مجلس الإدارة فاسد و السكرتير فاسد و الموظفين فاسدين بس الفراش قرر إنه هيبقي كويس .. تفتكر ده هيأثر في حاجة !؟

الناس في مصر نوعين .. الحرامية الكبار اللي مش هاممهم حد المهم كرشه يزيد كام مليون كل يوم ... و نوع بيتمني يعيش مستور و خلاص و يروح لولاده باللي يسد جوعهم و ده كل اللي بيفكر فيه لا هيفكر في إصلاح ولا نظام .. بينهم طبقة متوسطة هتختفي قريباَ و دول فيه منهم اللي منجرف مع القطيع و منهم اللي نفسه يشوف البلد نضيفة شوية و مش عارف .

طول ما بينفع في مصر إنك تعمل اللي إنت عايزه و تتعدي علي حقوق غيرك و محدش يقدر يكلمك ولا يردك .. هتفضل بلد متخلفة عن الركب الحضاري مليون سنة ضوئية

إنت عايز تشتغل عشان نفسك تبقي حاجة .. اللي هيشتغلوا عندك و معاك دافعهم للشغل الإحتياج المادي فقط .. النجاح و الريادة و كل الكلام ده ولا يفرق معاه .. هو عايز يقدر يصرف علي مراته و سجايره تبقي في جيبه و معمر مزاجه! نص شباب مصر في كليات مبيحبهاش بس أهو اللي كان موجود و خلاص و بيطلعلنا كل سنة ملايين الشباب اللي لا يفقهوا البطيخ و ملهمش لازمة .. النظام نفسه غلط !

انا اتمنالك تبقي رائد الصناعة المصرية بس هيبقي إحساسك إيه لو معرفتش تطلع تراخيص لمصنعك عشان لو إشتغل هتقفل علي ناس كبار ؟! الإصلاح عايز قوة .. و القوة تيجي من رغبة شعبية .. و الشعب مشغول في أكل عيشه .

اقتباس:

---

المشاركة الأصلية كتبت بواسطة motorizer

حضرتك رغم إن الموضوع ده قتل بحثاَ و الإصلاح ييجي منين و إزاي بس هحاول أوصلك وجهة نظري .

حضرتك بتقول فيه ناس يا حرام إتولدت في المكان الغلط .. أيوة مزبوط .. و ناس كتير أوي إتولودوا في مصر غلط و كانوا بيعاملوهم في مصر معاملة -أسف- الكلاب .. و اما خرجوا برة و بقوا شئ مشرف رجعوا قالوا المصريين أهما و كل كلام الهجص ده .. مع إن في أرض الواقع مصر كانت السبب في هروبهم للخارج .

أهم مبادئ الإصلاح إن يكون فيه رغبة في الإصلاح .. حضرتك مثلاَ من طريقة سواقة الناس في الشارع .. إنت إستشفيت في أي يوم إن الناس نفسها تمشي في الشارع بنظام ؟ هتقولي انا و إنت .. إحنا حتي مش أقلية .. إحنا أفراد .. يعني ولا حاجة ! اما يحصلك حادث و يروحوا بيك المستشفي تلاقي موظف الإستقبال نايم و الدكتور مزوغ و الممرضات بيهبدوك عالترولي بدون أدني إحساس و قاعدين يهرجوا .. و اللي سببلك الحادث يهرب و محدش يعرف يجيبوا بل و ممكن الناس تقلبك في موبايلك و فلوسك .. ساعتها هيكون إحساسك إيه ؟ بالمناسبة دي تجربة شخصية لي يعني مش من خيالي !

الإصلاح لازم يبقي رغبة عامة .. و ده مش هيتحقق في مصر طول ما مفيش عدالة إجتماعية .. واحد زي سواق التاكسي هتيجي تقوله الإصلاح و النظام .. هو ميهموش .. هو يهمه يرجع لصاحب التاكسي بالوردية و لعياله بالأكل .. لازم تصلح المشكلة من جذورها و عشان تعمل كدة لازم يبقي في إيدك سلطة .. و مدام السلطة فاسدة يبقي مش هيحصل حاجة .

إنت بتقول شركة فورد و كذا و كذا .. دي كانت منظومة كاملة صالحة .. إنت لو عندك شركة فيها المدير فاسد و مجلس الإدارة فاسد و السكرتير فاسد و الموظفين فاسدين بس الفراش قرر إنه هيبقي كويس .. تفتكر ده هيأثر في حاجة !؟

الناس في مصر نوعين .. الحرامية الكبار اللي مش هاممهم حد المهم كرشه يزيد كام مليون كل يوم ... و نوع بيتمني يعيش مستور و خلاص و يروح لولاده باللي يسد جوعهم و ده كل اللي بيفكر فيه لا هيفكر في إصلاح ولا نظام .. بينهم طبقة متوسطة هتختفي قريباَ و دول فيه منهم اللي منجرف مع القطيع و منهم اللي نفسه يشوف البلد نضيفة شوية و مش عارف .

طول ما بينفع في مصر إنك تعمل اللي إنت عايزه و تتعدي علي حقوق غيرك و محدش يقدر يكلمك ولا يردك .. هتفضل بلد متخلفة عن الركب الحضاري مليون سنة ضوئية

إنت عايز تشتغل عشان نفسك تبقي حاجة .. اللي هيشتغلوا عندك و معاك دافعهم للشغل الإحتياج المادي فقط .. النجاح و الريادة و كل الكلام ده ولا يفرق معاه .. هو عايز يقدر يصرف علي مراته و سجايره تبقي في جيبه و معمر مزاجه! نص شباب مصر في كليات مبيحبهاش بس أهو اللي كان موجود و خلاص و بيطلعلنا كل سنة ملايين الشباب اللي لا يفقهوا البطيخ و ملهمش لازمة .. النظام نفسه غلط !

انا اتمنالك تبقي رائد الصناعة المصرية بس هيبقي إحساسك إيه لو معرفتش تطلع تراخيص لمصنعك عشان لو إشتغل هتقفل علي ناس كبار ؟! الإصلاح عايز قوة .. و القوة تيجي من رغبة شعبية .. و الشعب مشغول في أكل عيشه .

---

للاسف كلام حضرتك صح
بس برده ده مش معناه اننا نهرب
كل واحد يصلح نفسه
ويحاول يصلح غيره حتى لو واحد بس
يعني لو كل واحد مننا كلم صاحبه واقنعه
وصاحبه اقنع غيره وهكذا
حنبقى اقليه وبعدها حنبقى نص الشعب لحد ما يبقى الشعب كله
طبعا الكلام حياخد وقت كبير جدا
ولو معشناهوش احنا على الاقل نخلي اولادنا والاجيال القادمة تعيشه

لكن لو كل سلبيه حنواجها بسلبية مش حنتقدم ويمكن نرجع لورا كتييير كمان
صحيح الواحد بيحس انه غريب في وسط الاخرين
لكن وحدة بواحدة الغربة دي حتتلاشى بس هو يحاول يخليها تتلاشى للصح
مش انه يتعب ويبطل يقاوم التيار وويستسلم

ومتنساش ان الرسول عليه الصلاة والسلام كان فردا واحدا
وغير الشعوب اللي كانت اسوء مننا بمئات المرات في ربع قرن
فاحننا نخليه قدوة لنا وان اشاء الله مش حنيأس

مننساش الامثلة الجميلة التي تبعث على الامل والتفاؤل

ان النصر مع الصبر
ما النصر الا صبر ساعة
اشد ساعات الليل ضلمة اقربها للنور
مشوار الالف ميل يبدأ بخطوة

ونحاول نبص للجزء المملوء من الكوب ونركز عليه
بدلا من ان نهتم للجزء الفارغ منه

عايز رايي اللى مجربش الغربه يقول كده بس بجد اول لما حد بيطلع بره البلد بيتمنى يرجعلها باى شكل
ومشكوووووووووووورعلى الموضوع الجامد ده

الكلام حلو و الحقيقة انه عكس التيار
كل الاعضاء فاهمين الكلام ده كويس

لاعتراف بالخطاء اول شئ فى الاصلاح الفساد والفوضى
لم ولن يتم السيطرة عليها

طول ما فى ناس بتسعى للسلطة لمصالحها الشخصية

يبقى للمواطن الغلبان رب اسمه الكريم

انا اسف بس واضح ان حضرتك لسة بتدرس او مشتغلتش الله اعلم
لما تتخرج و تشتغل هتعرف و دة و الله مش بيأسك بس التغيير محتاج حد ادني من المقتنعين بيه و دة للاسف مش هتلاقيه في مصر
و انا مش هقولك زي motorizer هتجيب الرخص بتاعه المصنع منين هقولك هل هتقدر تاخد حته الارض اللي هتبني عليها المصنع منين و هل هتاخد تسهيلات و هتدفع اد ايه رشوة و لو رفضت تدفع رشوة و تمسكت بالتغيير هتعرف تحصل عليها
و الله احنا مش متشائمين بس كلنا اتخرجنا من الجامعه و عايزيين نغير و فشلنا ياريت رينا يكرمك و تنجح في كدة
مصر بلد كلها خير بس للاسف مش لينا مش لولادها و دة مش ذنب البلد
الشعب كله عامل زي ناس قاعدين تحت ترابيزة عليها من كل ما لذ و طاب و الناس اللي قاعدين ياكلوا عليها ممكن واحد تقع منه عضمه لقمه و ياسلام بقي لو وقعت في ايدك حته اللقمه دي تبقي بقيت مليونير .-- اخدت بالك من التشبيه يعني المليونير اللي بتقع في ايدة لقمه فما بالك بقي باللي قاعدين ياكلوا فوق و ما بالك ببقيت الناس اللي مش لاقيه اللقمه دي

و في الاخر اتمنالك يارب تبقي رائد الصناعه و تشغل شباب كتير و تفتح بيوت ناس كتير بس ياريت لما تبقي كدة ابقي ايدهم مرتبات كويسة يقدروا يعيشوا منها الحد الادني من العيشة و متشغلهمشي 14 ساعه و تديهم ملاليم زي ما كل اصحاب المصانع بيعملوا

انا في الخارج فعلا وبامانه لما اكون في مصر اجازه بحلم بساعه ما ركب الطياره وارجع تاني اوروبا
انا جاتلي بجد حاله اكتئاب من احوالنا وفكرت جديا ازور طبيب نفسي هنا
بس للاسف مهمها حاولت افهمه مش هيقدر يتصور وضعنا
انا كل يوم الصبح بتصفح الجرايد الالكترونيه المصريه بشمشم علي اي خبر حلو
مفيش
بجد خاسس اني بعذب نفسي كل يوم الصبح بس مش قادر
ساعات والله باعيط وبقول يا خساره يا بلدي
باعيط لما اشوف الاتراك المسلمين في الصلاه بيحاولوا يتكلموا عربي
يا خساره لما ادور في سوبر ماركت طويل عريض علي اي حاجه من مصر مهمها كانت وحشه وغاليه اشتريها وملقيش غير البطاطس والبصل واللي كمان اتمنه دخولهم عشان العفن البني
يا خساره علي بلدنا
بلدنا دي عامله زي شاب قوي وذكي بس محبوس ظلم
باكره لما انزل مطار القاهره وبتاع الجوازات يبصلي بطرف عينه زي ماكون عامل مصيبه
بابقي خايف لما بانزل مصر
خايف اتحبس فيها معرفش اطير تاني
خايف اكل في مطعم مش عارف ايه اللي باكله
خايف اشرب
خايف اتكلم
خايف اروح ازور الهرم مره ميدخلنويش لاني مصري ويدخلوا مراتي عشان اجنبيه
خايف اسافر شرم الشيخ اجازه ميردوش يخلوني اطير من المطار تاني عشان مصري
خايف اسوق علي طريق انا واسرتي اعمل حادثه عشان حيوان محشش او ابن بيه ميهموش عربيته
انا خايف من مصر عشان انا مصري
بجد انا جالي اكتئاب وفعلا لازم ازور دكتور نفسي
بس بلدي وبحبها وشايفها تقدر تغير العالم شايفها ممكن تتقدم بسرعه مهوله بس لو خرجنا من السجن ده
مصر بقت سجن كبيييييير اوي

اقتباس:

---

المشاركة الأصلية كتبت بواسطة araberphilosoph

انا خايف من مصر عشان انا مصري

بس بلدي وبحبها وشايفها تقدر تغير العالم شايفها ممكن تتقدم بسرعه مهوله بس لو خرجنا من السجن ده
مصر بقت سجن كبيييييير اوي

---

فعلا جبت من الأخر.............

برضه بنحبك يا مصر.....و مش هنحب بلد تانية غيرك مهما عملنا فيكي و عملتي فينا

كلام جميل جدا

بس لي ملحوظة

التغيير الذي يبدأ من كل فرد لن يحقق التقدم لمصر

التغيير لابد ان يكون من القمة

هناك امور لا تقام ولا تستقيم الا بوجود حكومة قوية تدير اعمال مواطنيها بشرف و نزاهة

ابسط مثال التعليم قل لي لو ان كل منا سعي الي التغيير كيف نصلح حال التعليم

سنبني جامعة اهلية متطورة ... اثنان.... ثلاث .......

في النهاية تأثيرك كفرد ومجموعة لن يصل الي جميع الناس و لن يؤدي الي التطوير المطلوب

و الامثلة كثيرة

نهاية اللوم لا يقع علي مصر - مالها مصر ومال ما يفعل بها-

و معلومة اخيرة ظلت تدوي في عقلي طوال عاميين ماضيين

اكدها لي حوار ل د مصطفي الفقي في الايام الماضية -يكشف الفكرة و الاعتقاد السائد لدي قيادات مصر-

مصر في الثلاجة

تحت الاحتواء ليس مطلوبا منها الا ان تكون بوضعها الحالي لا تنهض و لا تنكفئ و لا تتفكك

فقط تبقي علي حالها

ومن يأتي ليقيمها يضرب و يحارب من الداخل و الخارج

ثم تشوه سمعته و تسحب منه كل انجازاته

وليكون عبرة لحكام مصر التاليين

أنا برضه ساعات بفكر تفكير ايجابي زيك كده
بس عادة ببقى شارب كابوتشينو

نستسلم يعنى؟؟!!!

نسكت؟؟؟

أصل خلينى أوضحلكم ...

الواحد يعمل و يحاول يفيد .... و طبعا عشان يعمل كده لازم يكون معاه مبالغ محترمة و يبقى ليه كلمه فى السوق و يدخل مع الكبار ...

و الله للأسف مقدرتش أعمل كده ...

يبقى نفعت نفسى , و كسبت شرف المحاولة ..

لكن نحبط نفسنا كده؟؟ مش هنستفيد حاجة غير نعد نرغى ...

نبص للتاريخ ... نحاول نستفيد منه ..

عبور 1973 كان مستحيل فعلا نظريا و عمليا .. و مع ذلك قدرت تعبر ...

ماليزيا بعد ما كانت شوية ناس ماتفهمش الألف من كوز الدرة و بيتكلموا كذا لغة و مش فاهمين بعض ...

بسبب رجل واحد إسمه مهاتير محمد بقت ماليزيا دلوقتى لا يستهان بها ...

هتقولوا رجل ده عشان سلطة ... لو وصلت و بقيت من ضمن رجال الأعمال الكبار و دخلت وسطهم فى مصر تقدر تعمل كل حاجة ..

إجرى ورا أكل عيشك فى حته ... بس يكون عندك هدف كبير ... حاول تحققه ...

و على الأقل لو مقدرتش ... يبقى نفعت نفسك و قضيت عمرك عمل و محاولة تقدم و كسبت فلوس و حياه حلوة و أمنت حياة ولادك .. يبقى كسبت فى دنيتك .. و فى أخرتك ... العمل عبادة ...


فإنتم رأيكم إيه؟؟ نستسلم يعنى؟؟ أصل ده إللى شايفه من الكلام بتاعكم؟؟؟

يمكن تفتكرونى متفائل شوية ...

بس الواحد إتولد فى ظروف صعبة ... و إتكتب عليك ... يبقى حاول و اعمل حاجة ... لأنه إتكتب عليك إنك تكون هنا

:E_braces[1]:

Dead end

انا متفرقش عندى مصر زى ما يفرق عندى دينى .

الدين واحد و مينفعش اغيره , لكن البلد (سورى) مش هقدر اقول زى ايه , بس ينفع نغيرها .

بلد طغى فيها الفساد و النصب و القتل و الجرائم و الناس مش لاقية تاكل و كله همه فى مصلحته فقط و المنظومة كلها فاسدة ..

هل واجب عليا بقي انى اتقمص دور عمر المختار مثلا علشان ابقي وطنى و ايجابي ..؟

مصر مش هينصلح حالها , و فلسطين مش هتتحرر من الاحتلال و الدنيا نازلة لتحت لغاية ما تقوم القيامة على شرار الخلق و العياذ بالله .

دى الحقيقة اللى احنا مش عايزين نشوفها , لو فى حد فيكم شايف ان هو قادر يغير الوضع فى البلد , يتفضل يعمل حزب و يقوم برسائته و انا اول واحد هنضم له , او يعمل حركة وطنية لاصلاح البلد و شوفوا هيحصل له ايه :).

يا باشا لم يأت احد علي ذكر الاستسلام

افعل ما تستطيع في مجالك ونحن كذلك

لكن المقصود ان هذا لن يأتي بمردود علي وضع البلاد والعباد كما تتصور

:N_no[1]:

عندى كلمه بس واحده عايز اقولها لحسن تكون الناس نسيتها

الثوره بتقوم فى ليله , ومن بعدها سنين البلد بتتغير فيها

المهم منفقدش العزيمه والرغبه فى التغيير

وتبقى مقولتى الخالدة

نيلك يامصر لو كان صلصة ...... مكنش كفى الكوسة اللى فيكى

اقتباس:

---

ماليزيا بعد ما كانت شوية ناس ماتفهمش الألف من كوز الدرة و بيتكلموا كذا لغة و مش فاهمين بعض ...

بسبب رجل واحد إسمه مهاتير محمد بقت ماليزيا دلوقتى لا يستهان بها ...

---

ظروفنا ووضعنا غير ماليزيا خااااالص

لسة كنت بتكلم مع واحد صاحبي
بيقولي أنا أول فرصة تجيلي للسفر للخارج هسافر علطول
قلتله أقولك كلمة بس متزعلش مني
قلتله يا ريت كل اللي مش عاجباه البلد يمشي
حتي لا يبقى بها إلا الناس اللي فعلاً بتحبها ونفسها تشوف مصر أحسن من كده
قالي أنا طبعاً بحب بلدي بس مش عاجبني حالها
قلتله طب لما إنت تمشي و غيرك يمشي و المحترم يمشي والمجتهد يمشي هينصلح حال البلد إزاي!
لازم كل واحد يبدأ بنفسه في مجاله .. في موقعه
و يربي أولاده على الحق و العدل
لكن ما هُدم في سنوات لا يمكن أن يبنى في أيام

اقتباس:

---

المشاركة الأصلية كتبت بواسطة Moh.Abdelbaset

لسة كنت بتكلم مع واحد صاحبي
بيقولي أنا أول فرصة تجيلي للسفر للخارج هسافر علطول
قلتله أقولك كلمة بس متزعلش مني
قلتله يا ريت كل اللي مش عاجباه البلد يمشي
حتي لا يبقى بها إلا الناس اللي فعلاً بتحبها ونفسها تشوف مصر أحسن من كده
قالي أنا طبعاً بحب بلدي بس مش عاجبني حالها
قلتله طب لما إنت تمشي و غيرك يمشي و المحترم يمشي والمجتهد يمشي هينصلح حال البلد إزاي!
لازم كل واحد يبدأ بنفسه في مجاله .. في موقعه
و يربي أولاده على الحق و العدل
لكن ما هُدم في سنوات لا يمكن أن يبنى في أيام

---

كلام سليم ..

كل واحد عايز يمشى ...

كل واحد عنده إعتقاد إنه هو الأحسن ..

ميعرفوش للأسف ..

إن إحنا شاطرين فى الكلام ...

نعد نكتب مقالات , و لازم و نعمل و نسوى ...

أصل دول مش بيعرفوا يسوقوا .. أصل دول مش عارف إيه ..

عايز يفضل علطول مريح و يعد باشا و يرجع مصر يفتكر نفسه الكبير ...

العلماء زهقوا ... ماهم حق فعلا يزهقوا ... لكن مين فيهم فكر بدماغه يغير الواقع و يقاوم؟؟

أستاذ أحمد زويل رجع و بيحاول ... مين فينا فكر يساعده أو يأيده أو حتى بحاول يتصل بيه عشان فكره؟؟

محدش ...

مفيش حد إتكلم ..

كل واحد يعمل اللى عليه ..

بسم الله الرحمن الرحيم

إِنَّا لا نُضِيعُ أَجْرَ مَنْ أَحْسَنَ عَمَلاً

[

ماليزيا بعد ما كانت شوية ناس ماتفهمش الألف من كوز الدرة و بيتكلموا كذا لغة و مش فاهمين بعض ...

بسبب رجل واحد إسمه مهاتير محمد بقت ماليزيا دلوقتى لا يستهان بها ...

هتقولوا رجل ده عشان سلطة ... لو وصلت و بقيت من ضمن رجال الأعمال الكبار و دخلت وسطهم فى مصر تقدر تعمل كل حاجة ..

إجرى ورا أكل عيشك فى حته ... بس يكون عندك هدف كبير ... حاول تحققه ...

و على الأقل لو مقدرتش ... يبقى نفعت نفسك و قضيت عمرك عمل و محاولة تقدم و كسبت فلوس و حياه حلوة و أمنت حياة ولادك .. يبقى كسبت فى دنيتك .. و فى أخرتك ... العمل عبادة ...



هى ازمة رجولة وناس عندها مسئوليه بتفهم وبتحب بلادها مش عايزة تسرق وخلاص
وكله تمام واوامر سيادك وكلام المنافقين ده :C_laugh[1]:

اقتباس:

---

المشاركة الأصلية كتبت بواسطة relentless_mayhem

كل واحد عنده إعتقاد إنه هو الأحسن ..

ميعرفوش للأسف ..

إن إحنا شاطرين فى الكلام ...

نعد نكتب مقالات , و لازم و نعمل و نسوى ...


إِنَّا لا نُضِيعُ أَجْرَ مَنْ أَحْسَنَ عَمَلاً

---

خلي بالك إنت بتتهم الناس بحاجة إنت بتمارسها دلوقت لأنك من خلال كلامك انا شايف إنك بتقول اللي عايزين يطوروا البلد أحسن من اللي يئسوا و عايزين يمشوا .

طب ننزل لأمر الواقع .. إنت بتشتغل كويس و بتحاول تكون متميز في مجالك و اللي عايز يمشي كدة برضه و بيدي لشغله كل اللي عنده .. هو اللي تاعبه أصلاَ إنه صح !!! و لكن لسبب ما النظام بيحوله لشبه بني أدم و بينزع منه صفات كويسة كتير .. انا شايف اللي إنت بتقوله كلام جميل و نبني و نعمر و عايزنها تبقي خضرا و كل حاجة .. بس فيه حاجات مفيهاش الرومانسية اللي إنت بتتكلم بيها .. علي سبيل المثال و علي سبيل معرفتي بدايرة الناس اللي حواليا .. فيه سبل لإستقبال المرضي في الطوارئ في المستشفيات و تجهيزات للحفاظ علي صحة المريض .. في بعض المستشفيات في مصر مفيش الحاجات دي و ممكن يدخلوا مريض يعملولوا عملية المعدات الطبية اللازمة لها مش متوفرة و هتتعمل بطريقة فيها خطر كبير جداَ علي المريض .. لو إنت طبيب منتدب في المستشفي دي و عندك مريض زي كدة المفروض ترفض تشارك في جريمة زي كدة .. تعرف صديق عزيز لي لما عمل كدة حصله إيه ؟ مدير المستشفي قاله بص إنت لو معملتش العملية دي هحولك إنت و اللي معاك لقضية أمن دولة لأنكم بتهددوا مسيرة القطاع الصحي و الطبي في مصر !

عايز أكتر من كدة إيه ؟ سواقين القطورات برضه اللي كانوا بياخدوا ملاليم جم عملوا إضراب .. أمن دولة برضه ! عشان بيعطلوا حركة المواصلات في البلد ..

النظام بيديك إختيارين .. يا تعيش موطي راسك .. يا تهج .. و فيه إختيار تالت علي جنب إنك تبقي حرامي و مرتشي و فاسد .

اما تختار بين إنسانيتك و ضميرك و بين الغربة و إنك تعيش مواطن درجة تانية في بلد تانية متحضرة .. الإختيار التاني يعتبر تمن قليل قدام كرامتك و إنسانيتك .

صدقني محدش بيسيب البلد و هو مبسوط .. و معظم اللي عايزين يسيبوها بسبب حالها جواهم حتة بتقولهم الحياة مش كدة و المجتمع و التواصل بين الناس مش كدة .. و زي ما أستاذ طارق قال .. اللي عنده الحتة دي مبيبقاش مبسوط بيها .

النظام عشان يتغير زي ما عضو قال .. بيتغير من القمة .. الناس معندهاش رغبة التغيير لأنها مشغولة في متاعب الحياة و أكل العيش .. اللي مش مصدق إن النظام بيتغير من فوق هيقعد طول حياته يحرت في البحر .

أزمة رجولة ؟ مقبولة منك .. بس اللي بيسيب بلده و أهله و يروح يعيش في بلد هيكون فيها إنسان درجة تانية و ميعرفش فيها حد و بيخاطر بإنه هيبني لسة حياة جديدة من أول و جديد .. معندوش أي أزمة رجولة .. اما البلد اللي فيها أزمة رجولة فعلاَ هي البلد اللي دستورها بيتفصل و يتقصر و يتطول و يبقي عالمقاس بالزبط و محدش يقدر يفتح بقه .. لو حد من اللي بيقول أزمة رجولة عمل حاجة بخصوص حاجة زي كدة يا ريت يفيدنا .

اقتباس:

---

المشاركة الأصلية كتبت بواسطة dr.nemo

للاسف كلام حضرتك صح
بس برده ده مش معناه اننا نهرب
كل واحد يصلح نفسه
ويحاول يصلح غيره حتى لو واحد بس
يعني لو كل واحد مننا كلم صاحبه واقنعه
وصاحبه اقنع غيره وهكذا
حنبقى اقليه وبعدها حنبقى نص الشعب لحد ما يبقى الشعب كله
طبعا الكلام حياخد وقت كبير جدا
ولو معشناهوش احنا على الاقل نخلي اولادنا والاجيال القادمة تعيشه

---

طاب واللى حاول مرة و2 و3 ولاقى نفسه ماشى عكس التيار . لاقى نفسه بينطح فى الصخر

لاقى الناس بتفتكره عبيط و غلبان علشان ماشى صح وبيعمل اللى عليه

فى مصر هتتعب اوى لو بطلت سالبية وبقيت ايجابى

بره مصر هتتعب اوى لو بطلت ايجابية وبقيت سلبى

و الله الردود دى حسستنى إن مافيش غير طريقة واحدة لصلاح البلد دى بشعبها ..

1- الدم
2- الكرباج
3- حظر التجوال كل فترة
4- حسنة تخص و سيئة تعم ..

من الأخر نخليها صورة من معتقل كبير جدا ...

انا بجد مش عارف اقول اية عالبلد دي..
شوية اقول البلد دي هتتقدم بشبابها (احنا يعني) و شوية اقول دا من المستحيلات ان البلد دي تمشي خطوة واحدة لقدام..

شوية اقول الناس المتعلمة كلها امل و رغبة في تغيير البلد للأفضل
وشوية اقول لأ .. مش هينفع لأن اصلاً الناس اللي اتعلمت كويس و تعبت عايزين يحسنوا من مستواهم و يحسوا بقيمتهم كبني آدمين .. ودا مش هيتححق ليهم هنا في مصر!

بجد مش عارف احدد موقفي..
في اي مناسبة تلاقيني مرة متفائل و مرة متشائم ..

بس اللي اعرفه لحد دلوقتي اني هدي لنفسي فرصة هنا مع مصر و اخليها تجربة في بداية حياتي العملية ان شاء الله.. و ابقى اشوف