رد مع اقتباس
اي خدمه يا امباوي احنا بنحاول نفيد ونا كنت في الحوسه دي قبل ما اشتري
و كنت هاجيب بدالها ستروين ax
بس الناس خوفوني منها و هيا سعرها من 20 ل 25 حسب الحاله
كدا اعتقد ان الماروتي ممكن تكون مناسبه ليك و موفره
انما نقطه اخيره خلي بالك منها
انتا ما شاء الله علي الطول و الحجم لو كبير ممكن تقرفك و دي ملهاش حل غير التجربه لأن دي حاجه شخصيه انا طولي 173 وزني 70 و هيا مريحاني الي حد ما بشوف ناس ضخمه راكباها برضو عادي انما جرب ونتا بتشتري و شوف احساسك و ممكن تروح سوق الجمعه و تجرب القاعده فيها هناك
بالنسبه لمسلمه عربيه و نوم البطاريه هيا نامت مني مره بس انا الغلطان نسيت الانوار كلها شغاله و العربيه واقفه و كمان نور الانتظار و الناس زقوني و قامت و من ساعتها ونا مخلي بالي و مفيش اي مشاكل
و موضوع نوم البطاريه الصبح الي ذكرها بعض الناس دي مشكله عمره ما قابلتها الحمد لله
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 9797
تاريخ التسجيل : 29Apr2008
المشاركات : 21
النوع : انثى
الاقامة : cairo
السيارة: none
السيارة[2]: maruti
الحالة :
-
hasad">وجزاك بالمثل
المشاركة الأصلية كتبت بواسطة embawe
السلام عليكم ورحمة الله
وعليكم السلام ورحمه الله وبركاته
طبعا انا هحاول مكررش الكلام اللي الاخوة والاخوات قالوه ويارب اقدر افيدك
انا عربيتي موديل 2008 وبقالها معايا سنة واربع شهور تقريبا الحمد لله - بص لو هتسالني ليه ممكن ابيعها هقولك
اولا علشان التكييف (انا عارفة اني ممكن اركب لها تكييف بس انا مبحبش ازود حاجة هيه اصلا منزلتش بيها) -
طيب التكييف والحمد لله , انا هقدر استغني عنه لاني انا مكنتش بلاقي مكروباصات الا بالعافيه واما كنت الاقي
كانت تبقى زحمه والناس مش بتتوصى طبعا والجو بيبقى حر اوي من كتر النفس فالواحد اتوماتيكي بيعرق
اما لو كنت نازل وهدمتي مظبوطه واركب العربية والشباك مفتوح اعتقد الوضع هيكون مختلف
وكمان التكييف اللي اعرفه علشان يكون مش ضار للموتور بغض النظر عن السي سي لازم يشتغل في طريق
سريع وانا طريقي اليومي من فيصل للقصير العيني
ثانيا علشان استهياف الناس احيانا ليها (اللي بيكسر عليك واللي يعمل نفسه مش شايفك واللي يبص كانك سايق عربيه ملاهي واللي شايف ان عربيته اكبر وافخم فهو من حقه يمشي الاول ويمشي براحته لكن انت لا)
والله عندك حق في النقطه ديه , بس بصراحه انا راجل عملي اوووي , عايز حاجه توديني وتجبني وخلاص مش مهم الناس عندي , ده اخر حاجه بحطها في قاموس حياتي ...
والله مثلا احيانا بشوف عربيات كبيره وحديثة وغاليه ماشية مثلا علي الشمال في صلاح سالم وبطيئة جدا ومحدش بيقولهم حاجة ولا بيغلس عليهم وبيعدوا من حواليهم وبشوف مثلا ماروتي تمشي علي الشمال في وبسرعة محترمة يعني 80 او 85 وتلاقي اللي يقعد يشوح باه ويقولك امشي علي اليمين - ناس معقدة او يمكن معاك الوضع هيختلف لانهم غالبا مبيتشطروش علي البنات والستات
معلش هو الوضع في مصر كده ... بس احب اقولك السواقة ملهاش كبير ... والواحد بيعوز يوصل مشوار وخلاص , مش ينزل يعكر مزاجه وخلاص
انا الوالد قالي كلمه : خد السواقه كانها خروجه لان شعب مصر بيخلي الواحد يخرج عن شعوره وبيبقى عصبي ....gif "Mahf(5)")
ثالثا علشان احيانا بباه نفسي اجيب بيها 100 واعديها لو الطريق مفتوح - بس بخاف بيها يعني لما بوصل 90 مش عارفة ليه بقلق واحسن انها ريشة كده لو حد جه جنبي هيطيرني
هي فعلا كلهم قالوا كده , بس انا هكون جوه المدينة وقدامي حوالي في رينج 7 او 8 سنين عقبال ما اغيرها ويمكن اطول ... !!
فاعتقد هتكون مناسبه ليا ... وفي التأني السلامه ...
رابعا علشان الباور في الدركسيون - لان ايدي بتتخلع من الركن - بس طبعا الانسان يحمد ربنا اهي اكيد احسن من 128 وال 127 واللادا - فطبعا ده جزء دلع كده يعني
طبعا الحمد لله على كل شيئ
انا بشبه الموقف اللي انا فيه بالجزمة
بدخل محل الجزم واقوله عندك ايه مقاسات 47 ... , نفس الشيئ على العربيات بدور على عربية في سعر حدودي
والحمد لله على كل شيئ
اللهم لك الحمد والشكر كما ينبغي لجلال وجههك وعظيم سلطانك ...
انا عارفة انك لما بتلاقي عربيه لسة كسر زيرو وبتتباع تقلقك - بس ده مش في الماروتي بس ده بيحصل في كل العربيات - سبحان الله فيه ناس بتحب تغير كتير وبتزهق بسرعة من عربياتها وفيه ناس بتحب تجرب نوعيات كتير
وفي حالة الماروتي ممكن يبقي جايباها يتعلم فيها السواقة وجابها زيرو علشان متتعبهوش يعني - و الله تعالي اعلي واعلم
كلام سليم ... بس هل اكشف عليها في حته معينة ولا مش مستاهله لانها على راي حضرتك كسر زيرو ولا ايه بالظبط ... ؟
انا مشواري بيها كل يوم من الهرم لمصر الجديدة - ولك ان تتخيل كمية المطبات - الله المستعان
مسافرتش بيها بصراحة
بتتفول غالبا ب 50 جنيه مثلا لو بنزين 92
تقريبا التفويلة دي بتعمل مثلا 320 كم مثلا - مش متاكده لاني بخاف اسيبها من غير بنزين معرفش اخرها كام بالظبط
حلو اوووووي ...
... بسم الله ما شاء الله
بالنسبة للحجم بشوف ناس كتير رجالة ضخام سايقينها - بس نصيحتي انك لازم انت تقعد وترجع الكرسي براحتك وتشوف هتستحمل القعدة دي ولا لا وخاصة المسافات والاشارات العظيمة في الشوارع
شكرا يا أ.مسلمة نفس كلام والدي ...
بروح توكيل الدقي وده لو تعرف شارع التحرير من ناحية شارع السودان - لو شارع السودان في ظهرك بيقابلك علي اليمين محل الشبراوي ادخل من جنبه ثم يمين هتلاقي في وشك باب التوكيل - مودرن موتورز
تمام اوي ... انا هبقى اعمل صيانه عنده لانه اقرب لبيتي ...
بس كل اد ايه ... وتغير الزيت يتغير كل اد ايه وهل فيه حاجه تاني بتتغير ولا لأ ... ؟
انا غالبا بباه لوحدي فيها وممكن معايا اتنين كمان -- وشلت مرة فيها تلاتة - السحب طبعا اقل من وانا لوحدي س مقبول يعني الحمد لله
وشلت فيها اول رمضان حوالي 300 كيلو ورا في الشنطة والكرسي اللي ورا وطلعت بيهم كوبري -وكانت عادية يعني - طبعا السحب بيقل شوية بس مش بتموت يعني - صحيح حاسة اني عاوزة اربط عفشة شوية بس مش متاكده اوي .
ربنا يحفظها لكي يارب ويكفيك شرها
تقدر تركن في مكان صغير وطبعا نظرا لندرة اماكن الركن فدي ميزة
طبعا ديه ميزه جميلة جدا ... خصوصا في شوارع المحروسة
قابلتني طبعا مشكلة نوم البطارية وغيرتها ومشكلة الدوران الصبح وسالت الاخوة عليها - وبردو موضوع الفتيس ده - اعتقد ان ده في كل العربيات
طب هل الموضوع مؤثر اوي ... اصلا اول مرة هسوق جير عادي ...
... ؟
انا بحبها ومش عارفة ان كان ده علشان هيه اول عربية واول سواقة - ويمكن اول فرحتي زي ما بيقولووا - وللا علشان هيه كويسة فعلا -
ربنا يكرمك فيها ان شاء الله
ربنا يهيئ لك الخير - ولا تنسي استخارة الله - و ربنا يكرمنا جميعا ويكفينا شر الطريق ويعطينا خيرها ويكفينا شرها -قولوا امين
اللهم امين
شكرا يا أ.مسلمة
ورايك افادني جددددددا
جزاك ربي جنته ... :)
الحمد لله رب العالمين - ربنا يديم علينا نعمه وفضله ومنه
اي شكوي تهون امام زحمة المواصلااااااااااااات وسخافة التاكسيات
بالنسبة لموضوع الكشف عليها طبعا - انا رايي انك تروح اي بنزينة من اللي بترفع العربيات تشوف ايه نظامها وتشوف الشاسيه وتشوف مرشوشة ولا حاجة ولا لا احسن تكون لا قدر الله عاملة حاجة كده ولا كده - لا قدر الله
واعتقد بيقولوا فيه واحدة مشهورة في مدينة نصر قريبة من سوق السيارت وفيه بنزينة الريان اللي في ترسا اللي في الهرم
والله دي معلوماتي المحدودة في الموضوع ده
- ووالله بردو اقولك لو هيه مش فارقة فلوس كتير بينها وبين الزيرو ممكن تصبر شوية وتجيب زيرو تبقي انت الو ايد فيها بدل ما تبقي مقلق - بس لو مفيش ووجبت يبقي قدر الله وما شاء فعل
الصيانة بتبقي صيانة الالف الاول ودي غيرولي فيها الزيت والفلتر - وقعدوا يسالوا لو بتشتكي من حاجة فيها - وبعد كده صيانة كل 5000 وعلي حسب باه الزيت اللي بتحطة انا بحط زيت 5000 فطبعا في الصيانة بيغيروه وبيغيروا الفلتر وعند صيانة العشرة غيرولي طقم الكهربا
وتقريبا هما عندهم يعني برنامج حسب العمر الافتراضي للحاجة اللي هما عارفينها يعني انا مكنتش بشتكي من طقم الكهربا بس هما غيروه -
اما بالنسبة لموضوع جير عادي وجير مش عادي مش فاهماه - مكدبش عليك معلوماتي عن العربيات زي اللغة الصيني بالظبط
مفتحتش الكبوت وشفت فيه ايه الا لما البطاريه نامت من شهر كده ومش انا كمان الل فتحته -
يا رب اكون افدتك - ورربنا يقدر لنا الخير حيث كان ويرضينا به -
-
رقم العضوية : 45986
تاريخ التسجيل : 02Sep2009
المشاركات : 6
الاقامة : مدينه نصر
الحالة :
-
-
رقم العضوية : 19375
تاريخ التسجيل : 18Sep2008
المشاركات : 1,842
النوع : ذكر
الاقامة : Nasr City
السيارة: كده رضا :)
السيارة[2]: Opel Vectra 97 1.6 M/T
دراجة بخارية: nope
الحالة :
-
اعذرنى بس لأنى لون الخط مجننى و النت مرخم و مش راضى يغيره .. اتمنى اكون افدتك يا امباوى ,,وتنضملنا عن قريب ان شاء الله :) المشاركة الأصلية كتبت بواسطة embawe
تحياتى[caps]Mohamed Badr[/caps]
-
رقم العضوية : 44329
تاريخ التسجيل : 01Aug2009
المشاركات : 52
النوع : ذكر
الاقامة : egypt
السيارة: renui
السيارة[2]: martui
دراجة بخارية: لا يوجد
الحالة :
-
بجد ربنا يكرمكم جميعا
ويجازيكم كل خير
وأفدتوني جدا جدا بآراءكم الجميلة
لكن عندي سؤال
هل تخوفني حكاية انها 3 سلندر مش 4
ناس قرايبي قعدوا يقولوا لي انو ال 3 سلندر دي مش حلوة خالص
وهتقرفك وتتعبك
فرجعوا قلقوني تاني
بعد ما الواحد كان ارتاح شوية
ربنا يسهلها يارب
الواحد خلاص دماغه لفت :)
ربنا يستر
جزاكم الله كل خير
-
رقم العضوية : 1553
تاريخ التسجيل : 23Jul2007
المشاركات : 823
النوع : ذكر
الاقامة : العاشر من رمضان
السيارة: ماروتى 2009
السيارة[2]: ميجان 2009
دراجة بخارية: no
الحالة :
-
العفو يا اخى الفاضل. بالنسبة للاستحمال ان شاء الله هتذهل من قدرتها على الاستحمال، اما بالنسبة للحجم اعتقد انك هترتاح فيها ولكن لازم تقعد فيها ضرورى روح اى معرض او سوق العاشر وادخل اقعد فيها وجرب الدواسات و للعلم من الحاجات الحلوة اللى فيها انهم مراعيين الاحجام الكبيرة فى فتحة الدخول وفى وضعية الدركسيون، حكاية انها 3 سلندر لا تقلق نهائيا لان دى بتفرق فى الحصان وصوت الموتور بس ولان العربية صغيرة وخفيفة فالحصان بتاعها مناسب ليها وللعلم فى عربيات تانية كتير 3 حصان زى الشاريد اللى تمنها جديد 56الف جنيه. كمان ال 30كم دول رقم قليل للعلم انا لسة راجع من برج العرب وشايفها على الطريق ماشية زى الفل وعلى طريق مصر الاسماعيلية زى الرز المهم بس انك تحافظ على صيانتها. و ربنا يوفقك المشاركة الأصلية كتبت بواسطة embawe
لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ
-
رقم العضوية : 44986
تاريخ التسجيل : 16Aug2009
المشاركات : 2,382
النوع : ذكر
الاقامة : G i z A / F i s a e L
السيارة: (;
السيارة[2]: Su Z z u K i Ma R u T i
دراجة بخارية: No
الحالة :
-
ماشاء الله الشباب وناس الحلوة عملو معاك احلى واجب محدش فيناا
شافه ولا عرفه قبل ما يتعامل مع العربيه يلا ربنا يوفقك ومنتظرينك تقولنا عملت ايه
موفق
LORD.ADEL
-
رقم العضوية : 41127
تاريخ التسجيل : 26May2009
المشاركات : 59
النوع : ذكر
الاقامة : cairo
السيارة: no
السيارة[2]: maruti
دراجة بخارية: no
الحالة :
-
نصيحتي هات 2008 زيرو أفضل من 2009
انا الحمد لله ربنا أكرمني جبتها من اسبوعين موديل 2008 زيرو ب 30 الف بس
للعلم 2009 تمنها 35 الف مع انها نفس الشكل والكماليات واحده والأتنين زيرو
الفرق الوحيد ان الرخصه مكتوب فيها 2008 بدل 2009
واعتقد ان الفرق ده يستاهل انك توفر 5000 جنيه
-
رقم العضوية : 19375
تاريخ التسجيل : 18Sep2008
المشاركات : 1,842
النوع : ذكر
الاقامة : Nasr City
السيارة: كده رضا :)
السيارة[2]: Opel Vectra 97 1.6 M/T
دراجة بخارية: nope
الحالة :
-
بتتكلم جد ؟؟
30 الف بس ؟ والله صفقه رااااابحه بكل المقاييس
و فعلا معتقدش فى اى فروق تذكر بين الموديلين ,,
تقريبا فى 2008 العلامه اللى ع الشبكه قدام هى علامه الماروتى ,, صح يا كيمو ؟؟
وبعدين دنت بال5000 اللى هتوفرهم دول لو حبيت تصرفهم عليها مش هتعرف تصرفهم كلهم و هتبقى معاك عربيه معمول فيها البدع !
بس انت جبتها منين يا معلم ؟
والف مبروك عليك[caps]Mohamed Badr[/caps]
-
رقم العضوية : 41131
تاريخ التسجيل : 26May2009
المشاركات : 640
النوع : ذكر
الاقامة : Helwan
السيارة: تويوتا ياريس 2014
السيارة[2]: سكودا فليشيا سابقا
دراجة بخارية: no
الحالة :
-
بصراحة انت ما سيبتش اية حاجة المشاركة الأصلية كتبت بواسطة chiccooo2
شرحك وافى , بجد تسلم وجزاك الله خيرا
-
رقم العضوية : 16499
تاريخ التسجيل : 16Aug2008
المشاركات : 355
النوع : ذكر
الاقامة : 6 octoper
السيارة: نيسان صنى 2012
السيارة[2]: ماروتى 2009
الحالة :
-
hasad">السلام عليكم
و الله اخوتنا هنا شرحوا كل شئ و اكثر انا معايا الماروتى 2009 من شهر يناير و عملت بيها 21 الف بفضل الله بيتى فى اكتوبر و شغلى فى م نصر لكن ملاحظتى لحضرتك تتمثل فى نقطتين :
1 - الماروتى عربية جميلة جداً من حيث التحرك فى الزحام خصوصاً انك فى فيصل فستكون خير معين انشاء الله و فعلاً لو 4 راكبين فيها مفيش مشكلة إلا التكييف و ده أمر هتحس بيه بعدين لأن الجو فى مصر اصبح صعب.
2 - انا لا أفضل المستعمل أطلاقاً إلا فى حالة كما نصحنى أخونا سبعاوى قبل ما أشترى ( لو هتشترى مستعمل لازم تكون عارف تاريخ العربية كويس) .
- طبعاً حضرتك بتستشير و يبقى أن تستخير كثيراً و الله الموفق .الحمد لله
المواضيع المتشابهه
-
طلب مساعدة - هشتري ايفو و متردد
بواسطة MorSee في المنتدى فــــياتمشاركات: 7آخر مشاركة: 28-08-2012, 11:44 AM -
عاوز اعمل فيزا .... ممكن تساعدوني لاني مش فاهم
بواسطة MRBEBO في المنتدى المنتــــــدى الاجتمــاعىمشاركات: 29آخر مشاركة: 16-01-2012, 11:39 AM -
هشتري اليومين دول و عايز اعرف يا ريت تساعدوني
بواسطة cuppo في المنتدى تـويوتـــامشاركات: 7آخر مشاركة: 26-10-2008, 05:40 AM -
عااااااجل ...يا جماعه انا هشتري عربيه ممكن همتكم تساعدوني فيها
بواسطة aymoonoo في المنتدى قســم خاص لطلـبات شــراء الســـيارات و متعلقاتها فقـــطمشاركات: 20آخر مشاركة: 08-10-2008, 06:38 PM -
هل يا جماعة انا هشتري ماروتي علي قدي كده هل اقدر اغير الوان
بواسطة hamdy في المنتدى كــماليــات السيـــارات و الإكسسواراتمشاركات: 11آخر مشاركة: 11-01-2008, 03:32 PM
المفضلات