الموضوع: ان شاء الله هشتري ماروتي ياريت تساعدوني لاني متردد

يا جماعة ينفع اجيب ماروتي بحالة كويس ما تقرفنيش تصليحات وتريحني ب 20000

المشاركة الأصلية كتبت بواسطة sab3aawy

بعد 12 ألف كيومتر الماروتى، وبعد ما رحت بيها اسكندرية والزقازيق وكفر الشيخ والسويس، وبعد ما مشيت بيها فى كل شوارع القاهرة اقدر اقول لك ان العربية دىلها عيب واحد فقط هو الاستهياااااااااااااااااا اااف، الناس بتكون ماشية فى امان الله واول ما يلاقو عربية ماروتى معدية من جنبهم تلاقيهم فجأه ركبهم الهسهس وطلع عليهم اللى بيطلع للقطط بالليل وراحوا كاسرين عليك بلا ادنى سبب منطقى، مع ان فى معظم الاحوال بتكون لا امكانيات العربية اللى هو كسر بيها قد امكانيات عربيتك ولا اماكنيات السائق قد امكانياتك
والله انا مرة حصل معايا ان واحد بعربية 132 كل حاجة فيها سليمة بس لوحدها وتطلع دخان من ورا ومن قدام ومن تحت ومن فوق ومن ودان اللى سايقها كمان، كسر عليا بدون ادنى سبب ، انا سبته وعملت نفسى ميت ومش واخد بالى لحد ما الطريق اتفتح رحت طاير من جنبه-من غير ما اكسر عليه- على سبيل يعنى انى اقول له بالذوق مايبقاش يستهين بحد، بصيت لقيت ده عمال يحرق على العربية وبيجرى فى آخر زاده عايز يلحقنى، انا صعب عليا وخفت العربية تولع بيه للا يعمل حادثة لانه كان غشيم، رحت مهدى، الاقى الحيوان ييجى يكسر عليك تانى ويقوللى :ابقى امشى على قدك طالما ان اخرك تركب سبت غسيل، انا بصراحة اتحرق دمى، صحيح انى ولله الحمد عندى عربية تانية كبيرة ومش بدق اوى مع الكلام ده بس اتغظت من غباء الناس، فرديت عليه قلت له :سبت الغسيل اللى مش عاجبك ده تمنه يجيب 2 من صفيحة الزبالة اللىانت راكبها ويفضل شوية فكة يشتروا عشرة من صنفك، ورحت سايبه طاير
فيما عدا ذلك هى عربية تحطها فى الشارع تجرى تنزلها فى الترعة تعوم ترميها فى حفرة تقب تطلعها على الحيطة تطلع وتحايلها بقرش بنزين تقوللك شكرا

سبعاوي انت راجل سكر والله العظيم
انا بس حبيت ارد على كلامك واقولك اني سخسخت على روحي من الضحك وانا عمال اقرا كلامك اللي يفطس من الضحك من خفة دمك
وربنا يخليلك سبت الغسيل
سبت غسيل سبت غسيل بس المهم مين اللي سبت قصدي سبق في الاخر؟؟؟!!!

طيب سؤال بعد اذن خبراء الماروتي
لو العربية موديل 2007 او 2008 يبقى سعرها كام دلوقت؟

المشاركة الأصلية كتبت بواسطة muslima

يا جماعة ينفع اجيب ماروتي بحالة كويس ما تقرفنيش تصليحات وتريحني ب 20000

ما أنصحكش أنك تجيبها لآنها أكيد موديلات التسعينات وكدة تبقى أكيد هيكون ليها مشاكل ذى باقى المستعمل ومش هتريحك أنصحك تشترى بعد سنة 2005 علشان تكون جديدة شوية أو زيرو تقسيط أحسن .والله المستعان

الزيرو حندخل في اشكال شرعي في الاقساط والربا

وانا كمان لسة باتعلم السواقة

عاوزة اشتري حاجة في الفترة الاولانية دي ما اخسرش فيها لو بعتها وما تقررفنيش تصليحات واعطال لو احتفظت بيها وما تهلكش بنزين كثير

و اكتر التقسيط ( ان لم يكن كله ) ربوي

المشاركة الأصلية كتبت بواسطة waelbaha

طيب سؤال بعد اذن خبراء الماروتي
لو العربية موديل 2007 او 2008 يبقى سعرها كام دلوقت؟

حاولى 27 الى 28 الف جنية

ممكن تدلنى وتقولى اشترى ماروتى 2010 كويسة خاصة انى اول مرة اسوق عربية فى حياتى
وهل ممكن الاقى 2009 زيرو
وارخص الاسعار فين فى الاسكندرية