| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 43

  1. #1

    الصورة الرمزية EmBaWe

    رقم العضوية : 44329

    تاريخ التسجيل : 01Aug2009

    المشاركات : 52

    النوع : ذكر

    الاقامة : egypt

    السيارة: renui

    السيارة[2]: martui

    دراجة بخارية: لا يوجد

    الحالة : EmBaWe غير متواجد حالياً

    افتراضي ان شاء الله هشتري ماروتي ياريت تساعدوني لاني متردد - Facebook Twitter whatsapp انشر الموضوع فى :

    hasad">

    السلام عليكم



    رمضان كريم عليكوا وعلى الامه الاسلامية ان شاء الله

    يا جماعة انا ان شاء الله ناوي اجيب عربية وياريت تساعدوني لاني بقالي يومين ورديت في موضوع المميزات

    والعيوب ومحدش عبرني والعربية ناوي اجيبها ان شاء الله ورايح اشوف واحده يوم الجمعة باذن الله


    وباذن الله ناوي على الماروتي

    بس ليه كام سؤال الاول

    ليه في موديلات 2008 وصاحبها بيبوعها ... ؟

    يعني تعتقدوا ليه السبب

    وهل العربية تكون مناسبة من فيصل للقصر العيني ولا لأ ... ؟

    لان ده مشواري اليومي يعني كل ايام الاسبوع

    واللي عارفين طريق فيصل بمطباته وتكسيراته يقولي هل مناسب ولا لأ ... ؟

    وهل تكفي مثلا سفر للاسكندرية خروجه شباب وكده ولا لأ ... ؟؟ ولو هريحها اريحها اد ايه وكل اد ايه ... ؟؟

    وبكام تفويلة البنزين كله ... ؟؟


    وناوي ان شاء الله اشتري واحدة مستعملة بس خايف من حاجتين

    ازاي اتاكد انها سليمة من مشكلة استهلاك البنزين لان في ناسبتقول انها اللتر بيعمل 9 كيلو مش 15 اللي هو المعتاد

    ثانيا

    انا طولي 178 سم وعريض

    هل العربية مناسبه لي ... ؟

    ان شاء الله هشتري عربية بس خايف تكون المستعملة فيها عيوب مخفية

    واكشف عليها فين وانسب مكان ... ؟

    الموديل ان شاء الله اللي هشتريه لو كان فيه نصيب 2009 مستعمل يدوب عملت 8000 كيلو

    وان شاء الله ناوي اجيبها تعقد معايا 6 سنين او 7 , هتعيش معانا ولا لأ بامر الله , يعني هل فيه مشاكل ولا لأ ... ؟




    وايه اقرب توكيل ليا وسمعته نضيفة وناس محترمه اعمل عنده الصيانة الدورية ...؟ وياترى بتكلف كام ... ؟


    عايز اسال كمان هل العربية بعد 100 كم / س الموتور بيصقف او بيعمل اي صوت ولا اي النظام ... ؟

    هل دواسات البنزين والفرامل والدبرياج صغيرة وقريبة من بعضها، يعني أصحاب الأرجل الكبيرة حتتعبهم ... ؟

    سؤال كمان , يا ترى ايه اخبار الوزن معاها

    يعني تستحمل كام شخص معايا ووزنهم كام ,

    ,ها هتاثر على طلوع الكباري ولا اي ...؟


    مع العلم ان طولي 180 سم ووزني بعد ال 95 كيلو ... هل ستكون مناسبه لي ... ؟

    ولو فيه اي اسئلة هقلوكوا ان شاء الله بس مش تتضايقكوا من كتر اسالتي لاني لسه بادئ


    في حفظ الله

    والسلام خير ختام ... :)


  2. #2

    الصورة الرمزية chiccooo2

    رقم العضوية : 45986

    تاريخ التسجيل : 02Sep2009

    المشاركات : 6

    الاقامة : مدينه نصر

    الحالة : chiccooo2 غير متواجد حالياً

    افتراضي -

    شوف يا باشا

    انا معايا الماروتي بقالها سنه و شهرين دلوقت

    اقولك خبرتي في الوقت القصير ده

    الخلاصه الاولي ثم التفصيل انها عربيه معقوله علي قد سعرها اما التفاصيل

    المزايا
    ارخص عربيه تقريبا استهلاك قليل جدا جدا في البنزين انا حسبتها لقيت تقريبا في الصفيحه (20 لتر) 320 كيلو تقريبا داخل القاهره و في السفر 380 كيلو يعني فوق الممتاز

    سحبها حلو و بتجري بس بتتأثر لو راكبها اربعه و سحبها بيقل جدا

    انا جايبها زيرو و عملت معايا في السفر سرعه 135 و هيا عدادها 140 دلوقت بعد سنه اخرها 125 يعني شغال برضو انما الموتور صوته بيعلي بعد ال 100 فا ما انصحكش تعلي فوق ال 100 الا لو مضطر

    بالنسبه للثبات علي الطريق والله مش بطاله رغم ان ناس هالتلي هاتعوم منك هيا بعد ال 100 بتخف طبعا و بتبقي خطر بس مش للدرجه و عموما هيا تستحمل السفر انا رحت بيها اسكندريه مرتين و بسافر بيها الزقازيق كتير لقرايبي مفيش اي مشاكل ولا بتسخن ولا حاجه

    سعه التنك 25 لتر
    مراكز الصيانه تلاته واحد عند طرق مصر اسكندريه و واحد في الدقي و واحد عند المطار كدا هوا دا الي بروحه و دا عيب نقص اماكن الصيانه بعكس الهيونداي مثلا

    العيوب بقي يا جميل

    العربيه ادائها جيد لو شخص او اتنين اما لو اكتر فا ادائها بيتغير تماما و بتتقل فا هيا عربيه شاب او اتنين

    العفشه سيئه جدا تحس بكل طوبه و حصوه تحتها ونتا ماشي امتصاصها للمطبات سئ جدا و عايزه سواقه هاديه جدا للحفاظ عليها لما تقارنها مثلا بهيونداي اتوس تلاقي فرق كبير في النقطه دي و لكن عشان ما تظلمش العربيه برضو بص لفرق السعر

    مافيهاش تكييف طبعا و ان كانو مجهزين انه يركبلها انما انا خفت اركب هيا طبعا 800 سي سي تلاته سلندر 37 حصان رحت سألت بتوع التكيف لقيت تكيف ياباني اسمه ساندن يتكلف 2800 تقريبا فيه ناس قالت يشتغل كويس معاها بس انا مقلق و خايق الموتور ما يستحملش و تسخن

    ظهر عندي عيب خفيف الفيتيس فيه عضه يعني في الاول و التاني تحس ان فيه حاجه بتحوش بس خفيفه اوي ونا ماشي بيها عادي رحت لميكانيكي و قالي دي حاجه بسيطه سيبك منها و في التوكيل قال نفس الشئ احساسي بالتوكيل انهم اي كلام
    بيقولو فيه ميكانيكي للماروتي في شبرا و ناس قالت في الحرفيين بس هيا لغايه دلوقت ما قصرتش معايا

    رأيي في المجمل انها منافستها الوحيده ال 128 و طبعا مستعمله و رأيي انها احسن من ال 128 لأنها كانت مع والدي و طبعت عينه كل خروجه بتصليحه انما الماروتي اهي بتقاوح
    الخلاصه لو معكش الا فلوسها هاتها لو تقدر تزود شويه و تجيب مثلا كيا برايد احسن و اقوي او مثلا اتوس برضو احسن عندك كمان التو احسن منها شويه فيه التو 800 سي سي ب 45 الف جديده و منها التو 1000 سي سي ب 55 خليك في التو 800 48 حصان بتيجي بتكييفها اشد م الماروتي و اوسع سنه

    خد تليفوني لو عايز تسأل كمان 0122337458


  3. #3

    الصورة الرمزية robeir

    رقم العضوية : 31434

    تاريخ التسجيل : 28Jan2009

    المشاركات : 197

    النوع : ذكر

    الاقامة : El zagazig

    السيارة: لا يوجد

    السيارة[2]: شاهين

    دراجة بخارية: لا يوجد

    الحالة : robeir غير متواجد حالياً

    افتراضي -

    تقييم عادل جدا للماروتى


  4. #4

    الصورة الرمزية sarah5

    رقم العضوية : 21516

    تاريخ التسجيل : 08Oct2008

    المشاركات : 262

    النوع : انثى

    الاقامة : cairo

    السيارة: no

    السيارة[2]: Maruti Suzuki 2009

    الحالة : sarah5 غير متواجد حالياً

    افتراضي -

    انا معايا الماروتي زيرو 2009 هي عربية كويسة جدا ومريحة وعلي فكرة انا بعدي كل يوم علي شارع فيصل وشوارعه المكسرة واعتقد انك لو حافظت عليها هتعيش معاك وبتسافر اي مكان انت عايزه انا لسة راجعة بيها من اسكندرية ومونتها مرة واحده استهلاكها في البنزين تحفة وعموما بالنسبة لحكاية طولك اللي كان بيعلمني السواقة كان اطول منك وكان مرتاح فيها المهم تكون متأكد ان حالتها كويسة لان المستعملة دي بتقلق شوية وعلي فكرة انت ممكن تجيب منها زيرو هي رخيصة وممكن تقسط لو عايز يارب اكون ساعدتك


  5. #5

    الصورة الرمزية Mahmoud Saloum

    رقم العضوية : 1553

    تاريخ التسجيل : 23Jul2007

    المشاركات : 823

    النوع : ذكر

    الاقامة : العاشر من رمضان

    السيارة: ماروتى 2009

    السيارة[2]: ميجان 2009

    دراجة بخارية: no

    الحالة : Mahmoud Saloum غير متواجد حالياً

    افتراضي -

    هيا عربية كويسة جدا وبتجرى وللعلم هيا اخرها 150 كم/ساعة مش 140كم/ساعة بس اقصى حاجة جبتها بيها كانت 135كم/ساعة وكانت تجيب اكتر بس بعد 120كم/ساعة تحس انك ريشة طايرة فى هواء بس من غير جناحين:) عيبها التكييف والحجم الصغير وصوت الموتور العالى بعد 100كم/ساعة وشكرا

    لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ


  6. #6

    الصورة الرمزية EmBaWe

    رقم العضوية : 44329

    تاريخ التسجيل : 01Aug2009

    المشاركات : 52

    النوع : ذكر

    الاقامة : egypt

    السيارة: renui

    السيارة[2]: martui

    دراجة بخارية: لا يوجد

    الحالة : EmBaWe غير متواجد حالياً

    افتراضي -

    اقتباس المشاركة الأصلية كتبت بواسطة chiccooo2 مشاهدة المشاركة
    شوف يا باشا

    انا معايا الماروتي بقالها سنه و شهرين دلوقت

    اقولك خبرتي في الوقت القصير ده

    الخلاصه الاولي ثم التفصيل انها عربيه معقوله علي قد سعرها اما التفاصيل

    المزايا
    ارخص عربيه تقريبا استهلاك قليل جدا جدا في البنزين انا حسبتها لقيت تقريبا في الصفيحه (20 لتر) 320 كيلو تقريبا داخل القاهره و في السفر 380 كيلو يعني فوق الممتاز

    سحبها حلو و بتجري بس بتتأثر لو راكبها اربعه و سحبها بيقل جدا

    انا جايبها زيرو و عملت معايا في السفر سرعه 135 و هيا عدادها 140 دلوقت بعد سنه اخرها 125 يعني شغال برضو انما الموتور صوته بيعلي بعد ال 100 فا ما انصحكش تعلي فوق ال 100 الا لو مضطر

    بالنسبه للثبات علي الطريق والله مش بطاله رغم ان ناس هالتلي هاتعوم منك هيا بعد ال 100 بتخف طبعا و بتبقي خطر بس مش للدرجه و عموما هيا تستحمل السفر انا رحت بيها اسكندريه مرتين و بسافر بيها الزقازيق كتير لقرايبي مفيش اي مشاكل ولا بتسخن ولا حاجه

    سعه التنك 25 لتر
    مراكز الصيانه تلاته واحد عند طرق مصر اسكندريه و واحد في الدقي و واحد عند المطار كدا هوا دا الي بروحه و دا عيب نقص اماكن الصيانه بعكس الهيونداي مثلا

    العيوب بقي يا جميل

    العربيه ادائها جيد لو شخص او اتنين اما لو اكتر فا ادائها بيتغير تماما و بتتقل فا هيا عربيه شاب او اتنين

    العفشه سيئه جدا تحس بكل طوبه و حصوه تحتها ونتا ماشي امتصاصها للمطبات سئ جدا و عايزه سواقه هاديه جدا للحفاظ عليها لما تقارنها مثلا بهيونداي اتوس تلاقي فرق كبير في النقطه دي و لكن عشان ما تظلمش العربيه برضو بص لفرق السعر

    مافيهاش تكييف طبعا و ان كانو مجهزين انه يركبلها انما انا خفت اركب هيا طبعا 800 سي سي تلاته سلندر 37 حصان رحت سألت بتوع التكيف لقيت تكيف ياباني اسمه ساندن يتكلف 2800 تقريبا فيه ناس قالت يشتغل كويس معاها بس انا مقلق و خايق الموتور ما يستحملش و تسخن

    ظهر عندي عيب خفيف الفيتيس فيه عضه يعني في الاول و التاني تحس ان فيه حاجه بتحوش بس خفيفه اوي ونا ماشي بيها عادي رحت لميكانيكي و قالي دي حاجه بسيطه سيبك منها و في التوكيل قال نفس الشئ احساسي بالتوكيل انهم اي كلام
    بيقولو فيه ميكانيكي للماروتي في شبرا و ناس قالت في الحرفيين بس هيا لغايه دلوقت ما قصرتش معايا

    رأيي في المجمل انها منافستها الوحيده ال 128 و طبعا مستعمله و رأيي انها احسن من ال 128 لأنها كانت مع والدي و طبعت عينه كل خروجه بتصليحه انما الماروتي اهي بتقاوح
    الخلاصه لو معكش الا فلوسها هاتها لو تقدر تزود شويه و تجيب مثلا كيا برايد احسن و اقوي او مثلا اتوس برضو احسن عندك كمان التو احسن منها شويه فيه التو 800 سي سي ب 45 الف جديده و منها التو 1000 سي سي ب 55 خليك في التو 800 48 حصان بتيجي بتكييفها اشد م الماروتي و اوسع سنه

    خد تليفوني لو عايز تسأل كمان 0122337458
    الف شكرا ليك يا استاذ شيكوكو , انا مش عارف اشكرك ازاي

    بجد ربنا يخليك ليا وان شاء الله هشوف واحده مستعملة يوم السبت 2009

    بس سؤالي تعتقد ليه اصحاب موديلات ال 2008 وال 2009 بيبعوا عربايتهم ... ؟

    ايه وجهه نظرهم في كده ... ؟

    ممكن تقولي انسب مكان اكشف فيه على العربية 2009 مستعملة فين ... ؟


  7. #7

    الصورة الرمزية EmBaWe

    رقم العضوية : 44329

    تاريخ التسجيل : 01Aug2009

    المشاركات : 52

    النوع : ذكر

    الاقامة : egypt

    السيارة: renui

    السيارة[2]: martui

    دراجة بخارية: لا يوجد

    الحالة : EmBaWe غير متواجد حالياً

    افتراضي -

    اقتباس المشاركة الأصلية كتبت بواسطة sarah5 مشاهدة المشاركة
    انا معايا الماروتي زيرو 2009 هي عربية كويسة جدا ومريحة وعلي فكرة انا بعدي كل يوم علي شارع فيصل وشوارعه المكسرة واعتقد انك لو حافظت عليها هتعيش معاك وبتسافر اي مكان انت عايزه انا لسة راجعة بيها من اسكندرية ومونتها مرة واحده استهلاكها في البنزين تحفة وعموما بالنسبة لحكاية طولك اللي كان بيعلمني السواقة كان اطول منك وكان مرتاح فيها المهم تكون متأكد ان حالتها كويسة لان المستعملة دي بتقلق شوية وعلي فكرة انت ممكن تجيب منها زيرو هي رخيصة وممكن تقسط لو عايز يارب اكون ساعدتك
    شكرا يا استاذه سارة ...


    طالما حضرتك من فيصل وبتستعمليها يوميا يبقى الحمد لله الواحد اتطمن عليها

    وهل هناك مراكز صيانه حضرتك بتتعملي معاه

    اكيد الدقي ... صح ... ؟

    ممكن عنوانه بالتفصيل ... ؟

    هو المشكلة عايز ابعد عن التقسيط وتعبه وانا قدامي واحده مستعملة موديل 2009 حلوة

    سافرتي اسكندرية مرة واحده

    ربنا يحفظ جيمع الناس من الطرق وشره

    اللهم امين


  8. #8

    الصورة الرمزية EmBaWe

    رقم العضوية : 44329

    تاريخ التسجيل : 01Aug2009

    المشاركات : 52

    النوع : ذكر

    الاقامة : egypt

    السيارة: renui

    السيارة[2]: martui

    دراجة بخارية: لا يوجد

    الحالة : EmBaWe غير متواجد حالياً

    افتراضي -

    اقتباس المشاركة الأصلية كتبت بواسطة mahmoud saloum مشاهدة المشاركة
    هيا عربية كويسة جدا وبتجرى وللعلم هيا اخرها 150 كم/ساعة مش 140كم/ساعة بس اقصى حاجة جبتها بيها كانت 135كم/ساعة وكانت تجيب اكتر بس بعد 120كم/ساعة تحس انك ريشة طايرة فى هواء بس من غير جناحين:) عيبها التكييف والحجم الصغير وصوت الموتور العالى بعد 100كم/ساعة وشكرا
    الف شكر ليك يا استاذ محمود

    هو العربية مشوارها اليومي 10 او 15 كيلو رايح وزيها راجع

    يعني ان شاء الله تستحمل وتكون كويسة

    بس بالنسبة للحجم الصغير , تعتقد حضرتك هل تكون مناسبه لي , هل هي مناسبه من الداخل ... ؟

    طولي 180 سم ووزني 95

    وان شاء الله انا هشوف واحده يوم السبت

    بس ياريت راي حضرتك

    وشكرا لك يا استاذ محمود


  9. #9

    الصورة الرمزية moslema_arabia

    رقم العضوية : 9797

    تاريخ التسجيل : 29Apr2008

    المشاركات : 21

    النوع : انثى

    الاقامة : cairo

    السيارة: none

    السيارة[2]: maruti

    الحالة : moslema_arabia غير متواجد حالياً

    افتراضي -

    اقتباس المشاركة الأصلية كتبت بواسطة embawe مشاهدة المشاركة
    السلام عليكم



    رمضان كريم عليكوا وعلى الامه الاسلامية ان شاء الله

    يا جماعة انا ان شاء الله ناوي اجيب عربية وياريت تساعدوني لاني بقالي يومين ورديت في موضوع المميزات

    والعيوب ومحدش عبرني والعربية ناوي اجيبها ان شاء الله ورايح اشوف واحده يوم الجمعة باذن الله


    وباذن الله ناوي على الماروتي

    بس ليه كام سؤال الاول

    ليه في موديلات 2008 وصاحبها بيبوعها ... ؟

    يعني تعتقدوا ليه السبب

    وهل العربية تكون مناسبة من فيصل للقصر العيني ولا لأ ... ؟

    لان ده مشواري اليومي يعني كل ايام الاسبوع

    واللي عارفين طريق فيصل بمطباته وتكسيراته يقولي هل مناسب ولا لأ ... ؟

    وهل تكفي مثلا سفر للاسكندرية خروجه شباب وكده ولا لأ ... ؟؟ ولو هريحها اريحها اد ايه وكل اد ايه ... ؟؟

    وبكام تفويلة البنزين كله ... ؟؟


    وناوي ان شاء الله اشتري واحدة مستعملة بس خايف من حاجتين

    ازاي اتاكد انها سليمة من مشكلة استهلاك البنزين لان في ناسبتقول انها اللتر بيعمل 9 كيلو مش 15 اللي هو المعتاد

    ثانيا

    انا طولي 178 سم وعريض

    هل العربية مناسبه لي ... ؟

    ان شاء الله هشتري عربية بس خايف تكون المستعملة فيها عيوب مخفية

    واكشف عليها فين وانسب مكان ... ؟

    الموديل ان شاء الله اللي هشتريه لو كان فيه نصيب 2009 مستعمل يدوب عملت 8000 كيلو

    وان شاء الله ناوي اجيبها تعقد معايا 6 سنين او 7 , هتعيش معانا ولا لأ بامر الله , يعني هل فيه مشاكل ولا لأ ... ؟




    وايه اقرب توكيل ليا وسمعته نضيفة وناس محترمه اعمل عنده الصيانة الدورية ...؟ وياترى بتكلف كام ... ؟


    عايز اسال كمان هل العربية بعد 100 كم / س الموتور بيصقف او بيعمل اي صوت ولا اي النظام ... ؟

    هل دواسات البنزين والفرامل والدبرياج صغيرة وقريبة من بعضها، يعني أصحاب الأرجل الكبيرة حتتعبهم ... ؟

    سؤال كمان , يا ترى ايه اخبار الوزن معاها

    يعني تستحمل كام شخص معايا ووزنهم كام ,

    ,ها هتاثر على طلوع الكباري ولا اي ...؟


    مع العلم ان طولي 180 سم ووزني بعد ال 95 كيلو ... هل ستكون مناسبه لي ... ؟

    ولو فيه اي اسئلة هقلوكوا ان شاء الله بس مش تتضايقكوا من كتر اسالتي لاني لسه بادئ


    في حفظ الله

    والسلام خير ختام ... :)
    السلام عليكم ورحمة الله
    طبعا انا هحاول مكررش الكلام اللي الاخوة والاخوات قالوه ويارب اقدر افيدك
    انا عربيتي موديل 2008 وبقالها معايا سنة واربع شهور تقريبا الحمد لله - بص لو هتسالني ليه ممكن ابيعها هقولك
    اولا علشان التكييف (انا عارفة اني ممكن اركب لها تكييف بس انا مبحبش ازود حاجة هيه اصلا منزلتش بيها) - ثانيا علشان استهياف الناس احيانا ليها (اللي بيكسر عليك واللي يعمل نفسه مش شايفك واللي يبص كانك سايق عربيه ملاهي واللي شايف ان عربيته اكبر وافخم فهو من حقه يمشي الاول ويمشي براحته لكن انت لا)
    والله مثلا احيانا بشوف عربيات كبيره وحديثة وغاليه ماشية مثلا علي الشمال في صلاح سالم وبطيئة جدا ومحدش بيقولهم حاجة ولا بيغلس عليهم وبيعدوا من حواليهم وبشوف مثلا ماروتي تمشي علي الشمال في وبسرعة محترمة يعني 80 او 85 وتلاقي اللي يقعد يشوح باه ويقولك امشي علي اليمين - ناس معقدة او يمكن معاك الوضع هيختلف لانهم غالبا مبيتشطروش علي البنات والستات
    ثالثا علشان احيانا بباه نفسي اجيب بيها 100 واعديها لو الطريق مفتوح - بس بخاف بيها يعني لما بوصل 90 مش عارفة ليه بقلق واحسن انها ريشة كده لو حد جه جنبي هيطيرني
    رابعا علشان الباور في الدركسيون - لان ايدي بتتخلع من الركن - بس طبعا الانسان يحمد ربنا اهي اكيد احسن من 128 وال 127 واللادا - فطبعا ده جزء دلع كده يعني

    انا عارفة انك لما بتلاقي عربيه لسة كسر زيرو وبتتباع تقلقك - بس ده مش في الماروتي بس ده بيحصل في كل العربيات - سبحان الله فيه ناس بتحب تغير كتير وبتزهق بسرعة من عربياتها وفيه ناس بتحب تجرب نوعيات كتير
    وفي حالة الماروتي ممكن يبقي جايباها يتعلم فيها السواقة وجابها زيرو علشان متتعبهوش يعني - و الله تعالي اعلي واعلم

    انا مشواري بيها كل يوم من الهرم لمصر الجديدة - ولك ان تتخيل كمية المطبات - الله المستعان

    مسافرتش بيها بصراحة

    بتتفول غالبا ب 50 جنيه مثلا لو بنزين 92

    تقريبا التفويلة دي بتعمل مثلا 320 كم مثلا - مش متاكده لاني بخاف اسيبها من غير بنزين معرفش اخرها كام بالظبط

    بالنسبة للحجم بشوف ناس كتير رجالة ضخام سايقينها - بس نصيحتي انك لازم انت تقعد وترجع الكرسي براحتك وتشوف هتستحمل القعدة دي ولا لا وخاصة المسافات والاشارات العظيمة في الشوارع

    بروح توكيل الدقي وده لو تعرف شارع التحرير من ناحية شارع السودان - لو شارع السودان في ظهرك بيقابلك علي اليمين محل الشبراوي ادخل من جنبه ثم يمين هتلاقي في وشك باب التوكيل - مودرن موتورز

    انا غالبا بباه لوحدي فيها وممكن معايا اتنين كمان -- وشلت مرة فيها تلاتة - السحب طبعا اقل من وانا لوحدي س مقبول يعني الحمد لله
    وشلت فيها اول رمضان حوالي 300 كيلو ورا في الشنطة والكرسي اللي ورا وطلعت بيهم كوبري -وكانت عادية يعني - طبعا السحب بيقل شوية بس مش بتموت يعني - صحيح حاسة اني عاوزة اربط عفشة شوية بس مش متاكده اوي .

    تقدر تركن في مكان صغير وطبعا نظرا لندرة اماكن الركن فدي ميزة

    قابلتني طبعا مشكلة نوم البطارية وغيرتها ومشكلة الدوران الصبح وسالت الاخوة عليها - وبردو موضوع الفتيس ده - اعتقد ان ده في كل العربيات

    انا بحبها ومش عارفة ان كان ده علشان هيه اول عربية واول سواقة - ويمكن اول فرحتي زي ما بيقولووا - وللا علشان هيه كويسة فعلا -

    ربنا يهيئ لك الخير - ولا تنسي استخارة الله - و ربنا يكرمنا جميعا ويكفينا شر الطريق ويعطينا خيرها ويكفينا شرها -قولوا امين


  10. #10

    الصورة الرمزية EmBaWe

    رقم العضوية : 44329

    تاريخ التسجيل : 01Aug2009

    المشاركات : 52

    النوع : ذكر

    الاقامة : egypt

    السيارة: renui

    السيارة[2]: martui

    دراجة بخارية: لا يوجد

    الحالة : EmBaWe غير متواجد حالياً

    افتراضي -

    hasad">

    السلام عليكم ورحمة الله

    وعليكم السلام ورحمه الله وبركاته

    طبعا انا هحاول مكررش الكلام اللي الاخوة والاخوات قالوه ويارب اقدر افيدك
    انا عربيتي موديل 2008 وبقالها معايا سنة واربع شهور تقريبا الحمد لله - بص لو هتسالني ليه ممكن ابيعها هقولك
    اولا علشان التكييف (انا عارفة اني ممكن اركب لها تكييف بس انا مبحبش ازود حاجة هيه اصلا منزلتش بيها) -

    طيب التكييف والحمد لله , انا هقدر استغني عنه لاني انا مكنتش بلاقي مكروباصات الا بالعافيه واما كنت الاقي

    كانت تبقى زحمه والناس مش بتتوصى طبعا والجو بيبقى حر اوي من كتر النفس فالواحد اتوماتيكي بيعرق

    اما لو كنت نازل وهدمتي مظبوطه واركب العربية والشباك مفتوح اعتقد الوضع هيكون مختلف

    وكمان التكييف اللي اعرفه علشان يكون مش ضار للموتور بغض النظر عن السي سي لازم يشتغل في طريق

    سريع وانا طريقي اليومي من فيصل للقصير العيني

    ثانيا علشان استهياف الناس احيانا ليها (اللي بيكسر عليك واللي يعمل نفسه مش شايفك واللي يبص كانك سايق عربيه ملاهي واللي شايف ان عربيته اكبر وافخم فهو من حقه يمشي الاول ويمشي براحته لكن انت لا)

    والله عندك حق في النقطه ديه , بس بصراحه انا راجل عملي اوووي , عايز حاجه توديني وتجبني وخلاص مش مهم الناس عندي , ده اخر حاجه بحطها في قاموس حياتي ...


    والله مثلا احيانا بشوف عربيات كبيره وحديثة وغاليه ماشية مثلا علي الشمال في صلاح سالم وبطيئة جدا ومحدش بيقولهم حاجة ولا بيغلس عليهم وبيعدوا من حواليهم وبشوف مثلا ماروتي تمشي علي الشمال في وبسرعة محترمة يعني 80 او 85 وتلاقي اللي يقعد يشوح باه ويقولك امشي علي اليمين - ناس معقدة او يمكن معاك الوضع هيختلف لانهم غالبا مبيتشطروش علي البنات والستات

    معلش هو الوضع في مصر كده ... بس احب اقولك السواقة ملهاش كبير ... والواحد بيعوز يوصل مشوار وخلاص , مش ينزل يعكر مزاجه وخلاص

    انا الوالد قالي كلمه : خد السواقه كانها خروجه لان شعب مصر بيخلي الواحد يخرج عن شعوره وبيبقى عصبي ...


    ثالثا علشان احيانا بباه نفسي اجيب بيها 100 واعديها لو الطريق مفتوح - بس بخاف بيها يعني لما بوصل 90 مش عارفة ليه بقلق واحسن انها ريشة كده لو حد جه جنبي هيطيرني

    هي فعلا كلهم قالوا كده , بس انا هكون جوه المدينة وقدامي حوالي في رينج 7 او 8 سنين عقبال ما اغيرها ويمكن اطول ... !!

    فاعتقد هتكون مناسبه ليا ... وفي التأني السلامه ...



    رابعا علشان الباور في الدركسيون - لان ايدي بتتخلع من الركن - بس طبعا الانسان يحمد ربنا اهي اكيد احسن من 128 وال 127 واللادا - فطبعا ده جزء دلع كده يعني

    طبعا الحمد لله على كل شيئ

    انا بشبه الموقف اللي انا فيه بالجزمة

    بدخل محل الجزم واقوله عندك ايه مقاسات 47 ... , نفس الشيئ على العربيات بدور على عربية في سعر حدودي

    والحمد لله على كل شيئ

    اللهم لك الحمد والشكر كما ينبغي لجلال وجههك وعظيم سلطانك ...


    انا عارفة انك لما بتلاقي عربيه لسة كسر زيرو وبتتباع تقلقك - بس ده مش في الماروتي بس ده بيحصل في كل العربيات - سبحان الله فيه ناس بتحب تغير كتير وبتزهق بسرعة من عربياتها وفيه ناس بتحب تجرب نوعيات كتير
    وفي حالة الماروتي ممكن يبقي جايباها يتعلم فيها السواقة وجابها زيرو علشان متتعبهوش يعني - و الله تعالي اعلي واعلم

    كلام سليم ... بس هل اكشف عليها في حته معينة ولا مش مستاهله لانها على راي حضرتك كسر زيرو ولا ايه بالظبط ... ؟

    انا مشواري بيها كل يوم من الهرم لمصر الجديدة - ولك ان تتخيل كمية المطبات - الله المستعان

    مسافرتش بيها بصراحة

    بتتفول غالبا ب 50 جنيه مثلا لو بنزين 92


    تقريبا التفويلة دي بتعمل مثلا 320 كم مثلا - مش متاكده لاني بخاف اسيبها من غير بنزين معرفش اخرها كام بالظبط


    حلو اوووووي ... ... بسم الله ما شاء الله

    بالنسبة للحجم بشوف ناس كتير رجالة ضخام سايقينها - بس نصيحتي انك لازم انت تقعد وترجع الكرسي براحتك وتشوف هتستحمل القعدة دي ولا لا وخاصة المسافات والاشارات العظيمة في الشوارع

    شكرا يا أ.مسلمة نفس كلام والدي ...

    بروح توكيل الدقي وده لو تعرف شارع التحرير من ناحية شارع السودان - لو شارع السودان في ظهرك بيقابلك علي اليمين محل الشبراوي ادخل من جنبه ثم يمين هتلاقي في وشك باب التوكيل - مودرن موتورز

    تمام اوي ... انا هبقى اعمل صيانه عنده لانه اقرب لبيتي ...

    بس كل اد ايه ... وتغير الزيت يتغير كل اد ايه وهل فيه حاجه تاني بتتغير ولا لأ ... ؟

    انا غالبا بباه لوحدي فيها وممكن معايا اتنين كمان -- وشلت مرة فيها تلاتة - السحب طبعا اقل من وانا لوحدي س مقبول يعني الحمد لله

    وشلت فيها اول رمضان حوالي 300 كيلو ورا في الشنطة والكرسي اللي ورا وطلعت بيهم كوبري -وكانت عادية يعني - طبعا السحب بيقل شوية بس مش بتموت يعني - صحيح حاسة اني عاوزة اربط عفشة شوية بس مش متاكده اوي .


    ربنا يحفظها لكي يارب ويكفيك شرها


    تقدر تركن في مكان صغير وطبعا نظرا لندرة اماكن الركن فدي ميزة

    طبعا ديه ميزه جميلة جدا ... خصوصا في شوارع المحروسة

    قابلتني طبعا مشكلة نوم البطارية وغيرتها ومشكلة الدوران الصبح وسالت الاخوة عليها - وبردو موضوع الفتيس ده - اعتقد ان ده في كل العربيات

    طب هل الموضوع مؤثر اوي ... اصلا اول مرة هسوق جير عادي ... ... ؟

    انا بحبها ومش عارفة ان كان ده علشان هيه اول عربية واول سواقة - ويمكن اول فرحتي زي ما بيقولووا - وللا علشان هيه كويسة فعلا -

    ربنا يكرمك فيها ان شاء الله

    ربنا يهيئ لك الخير - ولا تنسي استخارة الله - و ربنا يكرمنا جميعا ويكفينا شر الطريق ويعطينا خيرها ويكفينا شرها -قولوا امين


    اللهم امين

    شكرا يا أ.مسلمة

    ورايك افادني جددددددا

    جزاك ربي جنته ... :)



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. طلب مساعدة - هشتري ايفو و متردد
    بواسطة MorSee في المنتدى فــــيات
    مشاركات: 7
    آخر مشاركة: 28-08-2012, 12:44 PM
  2. عاوز اعمل فيزا .... ممكن تساعدوني لاني مش فاهم
    بواسطة MRBEBO في المنتدى المنتــــــدى الاجتمــاعى
    مشاركات: 29
    آخر مشاركة: 16-01-2012, 12:39 PM
  3. هشتري اليومين دول و عايز اعرف يا ريت تساعدوني
    بواسطة cuppo في المنتدى تـويوتـــا
    مشاركات: 7
    آخر مشاركة: 26-10-2008, 06:40 AM
  4. عااااااجل ...يا جماعه انا هشتري عربيه ممكن همتكم تساعدوني فيها
    بواسطة aymoonoo في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 20
    آخر مشاركة: 08-10-2008, 07:38 PM
  5. هل يا جماعة انا هشتري ماروتي علي قدي كده هل اقدر اغير الوان
    بواسطة hamdy في المنتدى كــماليــات السيـــارات و الإكسسوارات
    مشاركات: 11
    آخر مشاركة: 11-01-2008, 04:32 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2