المشاركة الأصلية كتبت بواسطة ramy55
يا جماعة انا احترت و عايز اعرف حاجة في منتها الغباء
انا سواق جديد و معنديش خبرة في القيادة (( رحم الله امرئ عرف قدر نفسه))
كنت عاوز اعرف بالنسبة للغيارات :-
هل القيادة على الغيار الثاني لفترة طويلة يضر بالمحرك و ما هو الحل عندما يكون الشارع ماشي وحدة وحدة انا لو مشيت على التالت العربية بتخسع و بتحتاج ادوس بنزين و ده مستحيل علشان الشوارع بيظة و الشارع كله ماشي براحة .
ثانيا :-
انا بعمل حاجة مش عارف اذا كانت صح و لا غلط و عايزكم ترشدوني
عندما يكون الشارع زحمة و ماشي براحة انا بدي العربية التاني بس ما بدوسش بنزين بشيل رجلي من على الدبرياش حاجة بسيطة و بسيبها تمشي (((انا عندي في العربية كده لما بشيل رجلي من على الدبرياش العربية بتمشي من غير مادوس بنزين يمكن العربية ملبوسة و لا ايه مش عارف المهم بتمشي على سرعة بسيطة)))
يعني من الاخر في الشوارع الزحمة انا بمشي بالدبرياش و الفرامل من غير بنزين
في ناس قلتلي ان الموضوع ده غلط و مينفعش تدوس دبرياش و العربية ماشية ابدا يعني زي ما انا بعمل
ارجوا منكم ان تدلوني على الصواب و جزاكم الله خيرا
ارجوا الاجابة على السؤالين و ما هو الحل عندما يكون الشارع بايظ او متكسر اعمل ايه مع العلم ان الشوارع عندنا كلها متكسرة يعني طول ما انا ماشي لازم اعمل كده