الموضوع: النيو سيراتو وماساة حقيقية للشراء من المصرية...خليك حذر جدا!!!

and who we can know that if the car had been hit or not????

يا رب ارحمنا من غش الناس ....
طب يا جماعة إزاي نعرف العربية ماشية عدد إيه ومخبوطة ولا لأ !!

الصراحه قلة ادب وعمر ما البنى ادمين ديه هتتعدل ابدا وفيه ناس عايزه الحرق

عداد الرحلات كان علي b و لما نقله علي a لاقاها عامله 1000 كيلو و هو مالو اصلا بعداد الرحلات دا بيتصفر بمجرد الضغط علي الزرار دي حاجه تاني حاجه ليه مبصش علي عداد الكيلو متر الاصلي بتاع العربيه ودا لايمكن يتصفر و عدد الكيلوز بيبقا مكتوب وواضح حد يستلم عربيه عامله 1000 كيلو يا راجل.. ثالث حاجه وداا الاهم يا جماعه المصريه دي مكان مش محترم بالمره و شغل النصب فيه علي الاخر ..و ربنا يحمينا و يحفظنا من غش التجار

لأ سمير ريان محترم و أحسن من المصرية بكتيرررررررر و أنا جبت منهم قبل كده كرولا mmt هما أه عملوا حركة بايخة كده ساعة الاستلام و جابولي لون تاني بترولي مش فيراني بس أنا عجبني وقتها و أخدته و خلاص

لكن المصرية شركة سيئة جدا فعلا سوق خضار و البياعين تحس أنهم فعلا بياعين في سوق خضار و العربيات المعروضه حتى وسخة جدا جدا و سيئة المظهر و الجلد دايما متبهدلو الدواسات طين و غالبا تلاقي حاجات مكسورة في العربية المعروضه و ده بيديلك انطباع عن العربية اللي هتستلمها و حركاتهم مفضوحة أوي يعني لما يكون عايز يمشي لون أو عربية يقولك مفيش غيره

بس برضه موضوع العداد ده لا يلوم الا نفسه لو كان صادق و لو كان الكلام جد يبئى اللي باعوله مستفزين أوي لأن عداد الرحلات بيتصفر لكن عداد التوتال مش بيتصفر

على رأي محمد صبحي في تخاريف (متأمر و أهبل!!) ما كانوا يصفروه و خلاص أما موضوع الشاسيه ده ربنا يكون في عونه الصراحة فيه

ده لو ما كانش بيرمي بلاه عليهم أصلا لأ أصحاب الأصوات العالية بقم ماليين البلد و كل شيء جايز الله اعلم.........!!

هو مش موضوع بلا فعلا الراجل كان هيعيط بدل الدموع ملوخية لانه حس انه لبس !!!!!!!!!!!!!!
وبعدين سمير ريان نفس الطريقة تحس ان انت داخل حارة وفيه صيع مستنيين على الاجناب وايوه يا باشا وعايز ايه وتحت امرك وفي الاخر ممكن كمان يتقالك الشاي بتاع الرجالة وعرقهم يا اما انت والعربية هتطلعوا على المدافن .............
واحد صاحبي قبل كده دفع 500 جندي او اكثر بامر من سمير ريان نفسه علشان شاي الرجالة وعلشان ياخد شارك بكاسيت اصلي