-
سؤال في 128 ؟؟؟
سلام عليكم يا شباب ......
أنا عايز مساعدتكم في خدمة مهمة جداً بالنسبة ليا انا معايا البرنسيسة 128 و لسه بسوق من فتره صغيرة و العربية فيها كام حاجة كده عايزة تتظبط من ميكانيكا ل كهربا لكمان دهان و شوية أكسسورارات المهم علشان مطولشي عليكم أنا بسأل اللي يعرف ميكانيكي شاطر وكويس كده و بيفهم فيها و كهربائي كمان بس يكون سعرهم كويس كمان ياريت يوصفلي مكانه و رقم تلفونه .....( بس يا ريت يكون قريب مني في شبرا مصر وسط البلد يعني أي حته قريبة أنا ساكن في شبرا مصر )))
معلش طولت عليكم و شكراً للجميع
سلام
-
ايه يا شباب هو مفيش أي حد عنده معلومه عن ميكانيكي أو كهربائي .....
يعني مفيش أي حد جاوبني على سؤالي ؟؟؟؟؟
-
-
مش معقول يا رجالة المنتدى مفيش ولا رد على سؤالي أن بجد محتاج مساعدتكم
-
لو وسط البلد فى ميكانيكى فى عابدين اسمه الحاج عبدالحليم متخصص فى الفيات و القديم عموماً
للاسف مش فاكر رقم تليفونه دلوقتى
مكانه يا سيدى فى شارع الشيخ ريحان بعد ميدان عابدين (اللى فيه القصر الجمهورى و المحافظة)
لو انت جاى من التحرير هتاخد شارع البستان ثم باب اللوق و تلف الصينيه بتاعت ميدان عابدين و تدخل شارع الشيخ ريحان هتمشى دقيقتين بالضبط هتلاقى على يمينك جمعيه الاهرام الاستهلاكيه هو فى الشارع اللى على ناصيته الجمعيه و حاطط يافطه كمان علشان محدش يتوه
-
أشكرك على ردك بس هو ميكانيكي كويس أوي يعني لو عندي مشاكل في العربيه هوه أنشاء الله هيعرف يظبطها ....
و سؤال تاني بالنسبة لكهربائي كويس ؟؟؟
-
بص يا سيدي لو عاوز كهربائي شاطر وكويس في واحد اسمه الاسطى عطية على على ناصية شارع الوجوه وانت داخل من الترعة البولاقية بجوار كنيسة العذراء الوجوه وده ابن حلال قوى بس ممكن يكون غالي سنة بس معيش رقم تليفونه بس بالنسبة للميكانيكي اللي بتعامل معاه ده في اخر جسر السويس وده الكويس اللي انا اعرفة وبتعامل معاه من سنين.
-
طيب ممكن أسالك عن مكانه بظبط في جسر السويس ؟؟؟
-
هو في شارع اسماعيل حافظ اسمه الاسطى ممدوح اسال عليه وقوله انك من طرف المهندس ماجد جورج وهو هيعمل معاك احلى واجب وموبايله 0105814937 .
-
تسلم يا بشمهندس ماجد و الله تعبتك معايا و شكراً مرة تانية
Content Relevant URLs by
vBSEO 3.6.0 PL2