تغير طقم كاوتش اللانوس S

**GoldenManEye** · 30-10-2007 04:10 PM

مساء الخير يا شباب

ممكن أعرف بعد كام كيلو المفروض طقم الكاوتش يتغير؟ وإيه أحسن كاوتش للانوس وسعره كام ويا ريت منين ؟
معلش طلبات كتيرة ... طماع :-)

العربية زيرو 2006 وعاملة 40000 كيلو

**badblood** · 30-10-2007 04:18 PM

احسن نوع طبعا بريدجيستون وسعره تقربيا الاربعه 1280 الله اعلم
والتغير كل 60 الف او 50 الف حسب استهلاكك للعربيه سواء سفر او داخل المدينه

**MMamdouh** · 30-10-2007 04:55 PM

يفضل تغيير الاربع فرد كل 40000 او 6 سنوات ايهما اقرب

MMamdouh

**GoldenManEye** · 31-10-2007 09:11 AM

المشاركة الأصلية كتبت بواسطة MMamdouh

يفضل تغيير الاربع فرد كل 40000 او 6 سنوات ايهما اقرب

MMamdouh

شكراُ على الرد و انا عديت 40000 فى أقل من سنتين !! :?

**Mohamed A S** · 31-10-2007 11:30 AM

المشاركة الأصلية كتبت بواسطة badblood

احسن نوع طبعا بريدجيستون وسعره تقربيا الاربعه 1280 الله اعلم
والتغير كل 60 الف او 50 الف حسب استهلاكك للعربيه سواء سفر او داخل المدينه

أنا لسه سائل على البريدجستون عند الروماني اللي في شارع جسر السويس الفردة 260 جنيه وأنت وشطرتك (بيتهيألي ممكن تنزل معاه كمان لما تاخد الاربع فرد)
وفيه البريللي الأسباني الفردة 270 جنيه الفردة
وفيه البريللي البرازيلي 215 جنيه الفردة
وعنده أنواع ثانية كثير روح واسأل .. وبصراحة دي أقل أسعار أنا اتحصلت عليها لما كنت عاوز أغير الكاوتش .. ودي نمرة تليفونهم 24949496 .. وربنا يوفقك

**sherif Anton** · 31-10-2007 11:46 AM

انا لسه جايب من عند الروماني فردتين نوع اسمه (Silver Stone) الفرده ب 200 جنيه اللي عجبني فيه انه صناعة ماليزي ... عرض على اني اخد البريللي البرازيلي ب 205 جنيه للفردة وانا فضلت السيلفر ستون لأنه ماليزي وعلى ما بأسمع ان الكاوتش بتاع جنوب شرق اسيا افضل من البرازيلي ...

**Mohamed A S** · 31-10-2007 12:15 PM

على فكرة برده لما كنت بسأله فضل يرشح لي البريللي البرازيلي ويأكد عليه مش عارف ليه .. بيتهيألي كده أنها راكده عنده ومش ماشية علشان كده بيأكد عليها .. الواحد لازم يفكر قبل ما يشتري وكويس أنك فضلت نوع ثاني يا أستاذ شريف .. وأنا طبعاً كنت حاسس فعلاً أن الواحد ممكن ينزل معاه وهو بيشتري علشان كده ابتدى معايه بسعر 215 جنيه للبريللي البرازيلي.

**MMamdouh** · 31-10-2007 01:55 PM

محدش ياخد كلام بتوع الكاوتش ثقة و تاكيد لانهم عايزين يبيعوا و خلاص

انا كنت عند الرومانى بجيب كاوتش لعربيتى و عرض عليا فردة كدة غريبة و انا عادتا بعمل انى عبيط مبفهمش اى حاجة عشان اشوف اللى بيبعلى بيحاول يشتغلنى ولا راجل عندة ضمير

المهم قولترة الفردة دى شكلها وحش كدة و زى ما تكون نقشة قديمة فا قاللى لا دى النقشة دى استاذة... دى فيها مجرة للميه و مجرة للزيت :| :| :| :| ... طبعا سالتة اذا كان فيه مجرة للشاى و السكر بس طلع مفيش فى الموديل دة :mrgreen:

القصد ان بتوع الكاوتش ممكن يقولوا اى بتنجان عشان تشترى فا متبعش ودنك لحد... افهم كويس المنتج اللى بتشترية و نوعيتة و صناعتة و ماركتة و قرر بنفسك

انا شخصيا جربت الكومهو و الهانكوك و البريللى و اخيرا الجى تى... كلهم كويسين على سعرهم و اهم حاجة تشترى المقاس الصح و الفردة متكنش تاريخ انتاج قديم

MMamdouh

الموضوع: تغير طقم كاوتش اللانوس S

LinkBack

أدوات الموضوع

عرض

-

-

-

-

المواضيع المتشابهه

تكلفة تغير كاوتش الصبابات

تغير جنوط و كاوتش اللانوس

تغير كاوتش السيريون

تغير كاوتش البوما

تغير كاوتش الافيو

الكلمات الدلالية لهذا الموضوع

المفضلات

المفضلات

ضوابط المشاركة