فيه واحد صاحبى فى الشغل عايز ياجر عربيتى اسبوع
هوة مسافر بيها مطروح مصيف اسبوع معاه والته وكلب بتاعه من الكلاب اللى بتاكل جبنة رومى دى
انا عربيتى بيكانتو لسه جديدة
ايه رايكم
عرض للطباعة
فيه واحد صاحبى فى الشغل عايز ياجر عربيتى اسبوع
هوة مسافر بيها مطروح مصيف اسبوع معاه والته وكلب بتاعه من الكلاب اللى بتاكل جبنة رومى دى
انا عربيتى بيكانتو لسه جديدة
ايه رايكم
انا رأى الشخصى من ساعد ما جيبت البيكانتو بردك بتعتى
ان مافيش رجل أخرى تدوس على دواسة البنزين غيرى
فبلاش علشان لقدر الله لو حصل حاجة فى العربية هايبقا فيها زعل وكدة
أنا رأيي الشخصي
لا اوافق بالمرة عربيتي تبقى لسه زيرو واديها لحد تغيب عن عيني
لكنى ساضطر للموافقة في حالة احتياجي الشديد لمقابل مادي
لأ
بلاش احسن نصيحة
شوف الموضوع دة :::
وبعدين انت قرر
اسال مجرب .....
http://www.nilemotors.net/Nile/86654-a.html
اوعى تعملها علشان مترجعش تندم
معلش انت تضمن منين انه لو خدها هيعمل بيها اية ولا هيعمل اية فى العربية ما الررجل ماجرها
دة الواحد وعربيتى تحت البيت بقعد كل شوية يبص عليها
أومال بقا لما تبقا مع حد تانى هتلاقى عقلك بيودى ويجيب
بلاش
ممكن تتخبط
و ممكن تتوسخ و تتبهدل من جوة
و دي جديدة بريحة الفابريكا
و ممكن يعمل بيها مصيبة و تلبس انت
و ممكن المخالفات
الخ الخ الخ
شكرا ليكم على النصيحة
انا هاصرف نظر خلاص
ابعد عن الايجار وغنيله
راى بلاش عشان العربيه لما يكون عليها اكتر من رجل فيها بتهلكها بسرعه
:N_no[1]:
لا متديش عربيتك لحد
انت تعرف في ايه بكره ؟!!!!
ولا حتى لابوه
نصيحه اخويه انا مش هزود عن الي اخواتي هنا قالوة
مش هقولك متديهالوش
لا هقولك متخليش كائن تاني على وجه الارض رجليه تلمس البنزين والعربيه دايرة غيرك
حتي لو انت راكب جمبه لان حصلتلي حادثه بسبب صديق حيوان مبيعرفش يسوق
قدر الله ماشاء فعل بس اسمع مني يصحبي
بلااااااااااااااااااااااا اااااااااش وخاصه انك اكيد معملتش الموضوع ده قبل كده وكمان حد معرفه يبقى اكيد حيبقى فى حساسيه انك تاخد عليه اى ضمان ولو حصل فيها حاجه مش حتقدر تكلمه
وبعدين انت عربيتك زيرو فاكيد اللى حيتعامل معاها مش حيكون قلبه عليها زيك
بلالالالالالالالالالالالا لالالالالالالالالالالالال الالالالالالالالالالالاشش شششششششششششششش
انا كمان ارفض الفكره دى
لو لاقدر الله جرى حاجه للعربيه
هتبقى مشكله كبيره
أنا رأيى بلاش و على رأى المثل ان كان لك صاحب لا تعامله ولا تناسبه منعا للزعل او المشاكل و بعدين مكاتب تأجير العربيات بقت زى السنترالات فى البلد
بلاش الموضوع دة وطلعة من دماغك
الاستاذmooody2007حط الموضوع بتاعي (الفيرنا بتاعتي اتقلبت )
هوة فعلا انا خدت حقي بس بعد عزاب فعلا ودفعتت الي معاية وكانت شورة سودا يوم ما اجرتها
بلاش احسن نصيحة اخوية
بلاش علشان لا قدر الله لو حصل حاجه للعربيه هتزعل وكمان هتخسر صديقك.
bemo,ire
قوله يئجر عربية تانية حتي تبقي اوسع وتستحمل السفر دة حجة بس يعني عشان تخرج من الموضوع من غير احراج
بلاش ياجر من مكتب ايجار احسن
وخلى عربيتك بين ايديك
لوعى تعمل كده لا والف لا
تخيل كده لو نزلت الصبح لقيت عربيتك متجربشه او مخبوطه شوف هتبقى زعلان ازاى ولو متخبططش تخيل العربيه هتتبهدل ازاى فى المصيف او حتى انت متعرفش هو هيسقى ازاى ممكن يعد يشد ويحقرق فيه ويطلع عنه وممكن يخمس بيه وممكن يحطله بنزين 80 ولو هو محتاج اوى عربيه عنده كل مكاتب التاجير
وكمان قلى انت هتعمل ايه فى اسبوع كامل ماشى موصلات بلا عربيه ده انت ممكن تصرف اكتر من الى هو كان هيدهولك اوعى تعمل كده عواقبه كتييييييييييييييييييييييي ييييييييييييييييييييييييي ير وعتش فى امان ولا عاد فى حاجه اسمه اصدقاء 100% وكمان فى حاجه تانيه لو لقدر الله العربيه اتسرقت منه او اتسرق منه حاجه هتعمل ايه وهو اكيد هيهمل فيه مهى مش عربيته
الباب اللى يجيلك منه الريح .......سده وأستريح
في الاول كان والد الراجل الي اجر مني العربية راجل محترم
وقالي عربيتك هتتصلح وهترجع زي الاول وبتاع وسكتني بالكلام
لاقيتة في يوم قلب ويقولي الي عندك اعملة وبتاع روحت لابنة اللبيت (الي هوة صاحبي )الي الي تبقي تعرف تعملة اعملة
وههما ناس مرتاحين مادياا جدا يعني يشتروا عشر فيرنات من بتوعي دول قولت ما بديهاش روحت طالع علي المحامي والمحامي عمل اجرااتة وودي ورقة للواد في البيت عن طريق القسم
لقيت ابوة جايلي بليل في نفس اليوم وقالي خلاص هصلحهالك ومش معني كدة ان انا خايف منك ولا بتاع احنا مابنخافش وانا ممكن ا عمل واعمل روحت جاي حاطط رجل علي رجل قولتلة عاوز عربية جديدة
قالي انتا استغلالي وانتا وانتا.................
قولتلة ماليش فية
بعد مناقشات يومين قالي شوف عربيتك كانت تسوي بكام قبل ماتتقلب وانا اديك حقها في الاخر
بعد مجادلات خدت 55الف مع ان العربية تسوي اكتر من كدة
دفعت من معايا 9الاف وهما الي كانوا معايا واللة ودفعت مقدم واحدة تانية والتانية خدوها بس بردوة شيلت العفشة والكاسيت وحاجات سليمة يعين طالع كسبان
وفي النهاية بلاش بلاش بلاش بلاش بلاش بلاش حد ياجر عربيتة ولو حتي لاخوة كل واحد ولية حاجاتة الخاصة ومينفعش يديها لحد
زي ما الاستاز قال عربيتك زي مراتك ماتشحتهاش لحد
لانك هتتعذب فعلا ما اخدتش من الحوار دة كلة غير وجع الفلب والمرمطة في علشان خاطر عربية وادية كان صاحبي وصديق عمري وخسرتة هوة كمان علشان خاطر حتة صفيحة