أوبل أسترا 2001

**hazem_salem** · 02-09-2009 05:09 PM

السلام عليكم يا أوبلاوية

انا معروض عليا عربية أوبل أسترا 2001 للبيع عايز رأيكم عشان انا محتار جدا و ياريت لو في مكان ممكن أكشف فية على العربية و يديني تقرير عن حالتها بس يكون في مدينة نصر ياريت تدلوني علية من فضلكم

ماركة السيارة اوبل
2-الموديل/السنة استرا مو 2001 - 1200 سي سي
3-عدد الكيلومترات 158 الف
4-الكماليات (كاسيت-تكييف-زجاج كهرباء-باور) ( كاسيت - تكيف - باور فقط )
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) رشة خارجي نضافة
6-حالة الدواخل (رشة مناطق كذاوكذا او فابريكة) فابريكة جدا
7-حالة الصالون (معقول-جيد-جيد جدا - ممتاز- حالة نادرة) ممتازه
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) جيد جدا
9-حالة الكاوتش (جديد او مستعمل كام كم؟) 2 فردة جداد و 2 قدام أعتقد انهم سيتم تغيرهم
10-حالة البطارية جيدة بكيسها
11-السعر المبد ئي كام (هل قابل للتفاوض او نهائي) أنا عايز أعرف عربية بالمواصفات دي تعملها كام
12-اول يد او ثاني او ثالث الخ الخ أول يد
17-حالة الموتور جيدة جدا

انا عايز اعرف العربية بالمواصفات دي تعملها كام و أكشف عليها فاين في مدينة نصر؟

أرجو الرد بسرعة :)
كل سنة و انتم طيبين

**nab!l** · 02-09-2009 06:30 PM

اعتقد 52 او 53 عشانها رشه خارجى بالكامل حسب مافهمت من كلامك
وادخل على موقع car100100
هتستفاد
والله اعلم

**mexmarine** · 04-09-2009 01:19 AM

اولا الكيلو 158 عالى شويه و ده هينزل من تمنها + ان مفيش زجاج كهرباء و اير باج + رشه خارج بالكامل برضه تنزل يعنى ممكن تقول 46 الى 47 كويس جدا فيها .
انا كنت شارى اللى معايا موديل 2000 بس فيها زجاج و اير باج + التكييف و البور و فابريقه دواخل و بعض الاجزاء خوارج و عداد 86000 كيلو و صالون بحالة الزيرو فرش جلد اوبل اسود و كاوتش عامل 20000 كيلو و كانت بحوالى 49500 جنيه

**hazem_salem** · 04-09-2009 01:46 AM

شاكر ليكم جدا يا جماعة
انا كنت بكلم مع الراجل في 45 و هو عايز 50
انا بصراحة سايف 50 ده كتير شوية هي عاملة كيلومتر كتير
طيب ياريت يا باشا تقوللي ايه اخبار العربية دي معاك و رأيك فيها اية
انا بعمل مشوار كبير كل يوم من 6 أكتوبر لمدينة نصررايح جاي يعني حوالي 100 كم غي الليوم و مش عايز حاجة تفتح بقها معايا بس بردو بدور على حاجة تستحمل المشوار و بفكر في لانوس موديا 2007 او 2008 عشان قطع غيارها رخيصة و الا اية رأيكم؟
جزاكم الله خير على مساعدتكم

**mexmarine** · 04-09-2009 02:46 AM

بص يا باشا ,, العربيات المستعمله انا متعود اجيبها و باستحملها فى مصاريفها و بقول لنفسى انها مستعمله .. لكن والله العظيم العربيه دى من ساعة ما اشتريتها حاسس انى اشتريت زيرو و لله الحمد وبسم الله ما شاء الله ما بتاكلش بنزين خالص مقارنه بالإبيزا 94 اللى كانت معايا و سرعتها و اتزانها ممتاز و العفشه بتاعتها قويه و تستحمل الشوارع الفقر بتاعة اسكندريه المنهاره واستهلاك البنزين فيها بيكون اعلى على السرعات العاليه فقط لان هى حصان عالى و اتنين كامه و موتور بى تك و مشكلتها الوحيده المنتشره فى الإير ماس فلو و ده حساس السرعات و الايديل موديول و ده حساس السلنسيه و الاول بـ 1200 الى 1300 بره التوكيل و فى التوكيل بـ 2500 و الثانى بـ 500 جنيه خارج التوكيل و مش عارف فى التوكيل بكام بصراحه و علاجه السهل تغيير فلتر الهواء فى ميعاده اعتقد على 50000 كيلو (مش عارف بصراحه).. اما بالنسبه للركوب دى اوبل المانى و مفيش مقارنه بالكورى اللى فى الفئه بتاعتها خالص لانها قادره على انها تخلص على كورى لغاية 1600 سى سى بمنتهى السهوله و لكن لازم تتانى و تكشف عليها و تعرف كويس استعمال صاحبها و تشوف العفشه لسه بالبرشام و للا اتغيرت و ساعتها هتلاقيه خارط لها صواميل و مغير فيها .. يعنى و ربنا يوفقك

**N.a.j.d** · 04-09-2009 05:58 PM

المشاركة الأصلية كتبت بواسطة mexmarine

بص يا باشا ,, العربيات المستعمله انا متعود اجيبها و باستحملها فى مصاريفها و بقول لنفسى انها مستعمله .. لكن والله العظيم العربيه دى من ساعة ما اشتريتها حاسس انى اشتريت زيرو و لله الحمد وبسم الله ما شاء الله ما بتاكلش بنزين خالص مقارنه بالإبيزا 94 اللى كانت معايا و سرعتها و اتزانها ممتاز و العفشه بتاعتها قويه و تستحمل الشوارع الفقر بتاعة اسكندريه المنهاره واستهلاك البنزين فيها بيكون اعلى على السرعات العاليه فقط لان هى حصان عالى و اتنين كامه و موتور بى تك و مشكلتها الوحيده المنتشره فى الإير ماس فلو و ده حساس السرعات و الايديل موديول و ده حساس السلنسيه و الاول بـ 1200 الى 1300 بره التوكيل و فى التوكيل بـ 2500 و الثانى بـ 500 جنيه خارج التوكيل و مش عارف فى التوكيل بكام بصراحه و علاجه السهل تغيير فلتر الهواء فى ميعاده اعتقد على 50000 كيلو (مش عارف بصراحه).. اما بالنسبه للركوب دى اوبل المانى و مفيش مقارنه بالكورى اللى فى الفئه بتاعتها خالص لانها قادره على انها تخلص على كورى لغاية 1600 سى سى بمنتهى السهوله و لكن لازم تتانى و تكشف عليها و تعرف كويس استعمال صاحبها و تشوف العفشه لسه بالبرشام و للا اتغيرت و ساعتها هتلاقيه خارط لها صواميل و مغير فيها .. يعنى و ربنا يوفقك

الاسترا كله كده انا عن نفسي بقول كده ما شالله عربيات جامده انا عربيتي زي عربيتك بس ماتور 2000 ديزل

**mexmarine** · 05-09-2009 02:04 AM

المشاركة الأصلية كتبت بواسطة astradti

الاسترا كله كده انا عن نفسي بقول كده ما شالله عربيات جامده انا عربيتي زي عربيتك بس ماتور 2000 ديزل

ربنا يبارك لك فيها يا باشا , ويكفيك شرها

**hazem_salem** · 05-09-2009 12:00 PM

شاكر ليك جدا يا mixmarine و astradti
ان شاء الله هاروح أكشف عليها بكرة و اقولكم ايه الأخبار.
ياريت ياجماعة لو حد عندة معلومات تانية عن العربية دي يقوللي.
يعني اية نظام عفشتها و اسعار قطع الغيار و الفتيس بتاعها ايه اخبارة و هل في كهربائية ممكن يفهموا فيها و الا لازم التوكيل؟

**A.Elsheikh.01** · 06-09-2009 03:48 PM

دا انا مو 2000 وعدادى لسه مجابش ال60 الف وماتعرض عليا 56 وطبعا مع الاعتبار العربيه عندى اتظبطت كل حاجه

**ahmedspc** · 13-09-2009 08:07 AM

العربية ديه تحفه من كل النواحى و زى ماقال زميلى ان 1200 فى الالمانى يساوى 1600 فى الكورى بس حد عارف ميكانيكى للاوبل و قطع غيار مهاودة فى الاسكندرية و الالمانى تمنة فية و رمضان كريم

الموضوع: أوبل أسترا 2001

LinkBack

أدوات الموضوع

عرض

-

-

-

-

-

المواضيع المتشابهه

محتار بين أوبل فكترا 1998 و أوبل أسترا 2001

مقارنة بين ثلاثة أنواع : بولو 2001 & أسترا 2001 & لانسر 2000

معروض عليا أوبل أسترا 2001 ... أرجوكم أفيدونى بسرعة

سؤال عن الكاسيت الفيليبس أوبل أسترا 2001

أوبل أسترا

الكلمات الدلالية لهذا الموضوع

المفضلات

المفضلات

ضوابط المشاركة