عيوب هيونداى نيو اكسنت

**humanz** · 25-10-2009 06:29 PM

أنا ممكن أقعد أنتقد للصبح .......و أقول طيب عقاب ليك يا غبور مش هاشتري عربية من اللي أنت شايل منهم الكماليات .
و أشتري حاجة تانية .

إنما أختار عربية من عنده ...... و أدفع ثمنها برضى تام ..... و بعدين أرجع أقول ده بيشيل و يحط .!!!!!

NO COMMENT

**tutankhamoun** · 25-10-2009 07:57 PM

المشاركة الأصلية كتبت بواسطة humanz

- الاخ "tutankhamoun" حاول تبعد اى مصالح شخصيه عن المشاركات حيث انه من الواضح جدا تحيزك لغبور.
- الساده المشرفين برجاء متابعه مثل هذه الردود لما تمثله من استفزاز خصوصا اننا لجاءنا الى هذا المنتدى ليساعدنا على زياده معلوماتنا الصحيحه عن السوق مما يساعدنا على اتخاذ القرارات و ليس لتذويدنا بمعلومات مغلوطه.

NO COMMENT

أنت بتتكلم على أي أساس و تقول مصالح شخصية ؟؟؟؟؟؟؟؟؟

أنا لا قريب غبور ....... و لا بشتغل عنده ...... و لا حتى عُمري أمتلكت عربية هيونداي ...... و ليس لي أي نوع تعامل من قريب أو بعيد مع شركات غبور .

ياريت لو عايز تقول وجهة نظرك ......... أتفضل قولها و ملكش دعوة بكلامي ...... أنا حُر أقول اللي أنا عاوزه مادمت لا أضر أحد برأيي .

إنما لو عايز المنتدى يبقى في أتجاه واحد و يكون هو الأتجاه الموافق لرأيك ....... يبقى مش منتدى نايل موتورز هو الأصح بالنسبة لك .......... و برضه أنت حر تشترك في أي منتدى يعجبك ...... و أنا حتى مليش أي دعوة أقولك تشترك فين أو ما تشتريكش فين ..... دي حريتك الشخصية و لا أملك على أحد سلطان .

إنما عايز تقول رأيك أتفضل قول .......... مش عاجبك كلامي ........ تعلق عليه بالمنطق مش الأتهامات و بعدين تُحط أيكونة شكلها مش ظريف و بعدين كلمة No comment

رأيي قولته ....... اللي مش عاجبه عربيات غبور ......... ما يشتريش
إنما الناس تشتري و ترجع تشتم و تقول بيشيل و يحط في الكماليات بمزاجه
طيب ماهي الناس عارفه أنه بيشيل و يحط بمزاجه و برضه بتروح تشتري ؟؟؟

أنت لو عايز تأدبه ......... ما تشتريش منه العربية اللي متشال منها الكماليات و سعرها مبالغ فيه ؟
و لا أيه ؟؟؟

و لا أحنا بنحب الشكوى و خلاص ؟؟؟؟؟؟؟

الكلام ده بعيد تماما عن صاحب الموضوع و ده رأي شخصي و بوضحه تاني للأخ اللي مش عاجبه كلامي و أتهمني بأي كلام و خلاص بدون حتى ما يعرفني و لا يعرف أفكاري ........

**tutankhamoun** · 25-10-2009 07:59 PM

المشاركة الأصلية كتبت بواسطة ringoo

استاذى الفاضل انا مش شايف اى تحيز فى كلام الاستاذ توت الراجل بيوضح وجه نظره ايه التحيز فى كدة
كل واحد حر يقول وجه نظره وحضرتك ليك انك تقتنع بوجه النظر دى او لأ

ألف شكر يا أخي رينجو ................ أنا برضه مازلت مستغرب من كلام النقد الغريب ده !!!!

ربنا يباركلك

عذرا لتدخلي
لكني الفت نظركم اخواني ان الموضوع يخرج عن سياقه ليتجه الي شخصنه تجاه العضو tutankhamoun
وهذا مخالف لقواعد المنتدي
فالمنتدي ساحه لعرض الحوار والنقاش
و لايمكن الحجر علي راي احد او تبادل الاتهامات لمجرد الاختلاف في الراي
لذا وجب التنبيه
و شكرا
مشرف هيونداي

**mohbasyouni** · 25-10-2009 09:11 PM

التويوتا كورولا حتى 2007 1300 سى سى حتى الفول اوبشن مافيهاش rpm و تمنها فوق ال 100 الف

**Nile_Storm** · 26-10-2009 11:00 AM

المشاركة الأصلية كتبت بواسطة humanz

- الاخ lans145 شكرا جزيلا للرد المحترف الكامل و لاسلوب العرض الراقى.
- الاخ "tutankhamoun" حاول تبعد اى مصالح شخصيه عن المشاركات حيث انه من الواضح جدا تحيزك لغبور.
- الساده المشرفين برجاء متابعه مثل هذه الردود لما تمثله من استفزاز خصوصا اننا لجاءنا الى هذا المنتدى ليساعدنا على زياده معلوماتنا الصحيحه عن السوق مما يساعدنا على اتخاذ القرارات و ليس لتذويدنا بمعلومات مغلوطه.

لاخ الفاضل اولا اهلا بك معنا
ثانيا الاخ توت ابعد عن مايكون عن التحيز لماركه ما و ليس مالك لهيونداي اصلا و بعد فتره كده هتعرف ازاي انه انسان محترم
ده احقاقا للحق مش علشان ادامه ولا حاجه
ثالثا اذا اردت ارسال تقرير للمشرفين يكفيك الضعط علي اايقونه الحمراء اعلي المشاركه

ياااااااااااااااه
و الله زمان يا مواضيع غبور

اولا اقول لصاحب الموضوع الحمد لله انها حاجه خفيفه و ربنا يكفيك شر الحاجات الوحشه

ثانيا العربيه باعترافك حلوه يبقي خلاص انسي اي حاجه بسيطه تعكنن عليك

ثالثا موضوع الكماليات انا شايف انه لازم يعمل كده لانه لو نزلها كامله تمنها هيبقي زي الياريس و ساعتها الشعب المصري العاشق للياباني مش هيعبر النيو اكسنت تماما و بعدين يعني هوه لوحده الي بيعمل كده مالياريس فاضيه من كل حاجه و بتتكلم في تسعينات و ارقام غريبه

رابعا ناخد الموضوع علي صيغه معادله الميزات و العيوب لو بصتلها من الناحيه دي هتلاقي صفقه امتلاكك الاكسنت كويسه جدا النيو اكسنت و هي عربيه كوري 100 %

خامسا العامل المصري هوه هوه لا هتفرق معاه نيسان من بي ام من هيونداي و بزياره لمنتدي نيسان و حتي بي ام هتفهم قصدي

سادسا بالنسبه لموضوع عشم نوار سمعتو انه خلاص مبقاش يعملهم حاجه

سابعا اهدو ا بقي و روقوا و ان بعد الظن اثم

تحياتي للجميع

**El Prince** · 26-10-2009 01:10 PM

" عيوب هيونداى نيو أكسنت "

هو ده عنوان الموضوع - علشان كده حبيت أدلى بدلوى فى الموضوع من وجهة نظرى المتواضعه و هى انى شايف ان عيب هذه السيارة الأكبر هو ارتفاع أسعار قطع غيارها و ده عرفته لما كنت آخر مره بعمل صيانه لعربيتى و كان العمال بيفرقوا على الناس فى صالة الانتظار قائمة بأسعار قطع غيار الموديلات و التخفيضات عليها ..

لاحظت ان سعر فلتر البنزين بتاع النيو أكسنت بحوالى 450 جنيه و عملو عليه تخفيض على ما أظن أصبح بحوالى 300 جنيه .. مش فاكر قوى بس اتخضيت من الثمن قبل و بعد التخفيض ...!

(يا ريت حد يصحح المعلومه لو فيا خطأ غير مقصود أو استهبال من التوكيل ... )

**M.Osman** · 26-10-2009 01:11 PM

يا جماعة الأستاذ توت اخر واحد ممكن نقول عليه متحيز..
الراجل دائما بيقول رأيه بصراحة و هو اصلاً عربيته مش من هيونداي زي ما هو واضح من البروفايل

**Ahmed A Rahman** · 26-10-2009 02:06 PM

المشاركة الأصلية كتبت بواسطة humanz

.
- الاخ "tutankhamoun" حاول تبعد اى مصالح شخصيه عن المشاركات حيث انه من الواضح جدا تحيزك لغبور.
- الساده المشرفين برجاء متابعه مثل هذه الردود لما تمثله من استفزاز خصوصا اننا لجاءنا الى هذا المنتدى ليساعدنا على زياده معلوماتنا الصحيحه عن السوق مما يساعدنا على اتخاذ القرارات و ليس لتذويدنا بمعلومات مغلوطه.

انا فعلا مش شايف برضه اي تحيز من جانب الاستاذ توت المعروف باخلاقه في المنتدى

دا الجين تو اللي هو بيحبها وبيدافع عنها
بيدافع عنها كشركة عامله منتج هو مقتنع بيه, ومعتقدش انه في يوم تغنى بالتوكيل عزالعرب....

الراجل قال وجهة نظر معظم المصريين

ايوه الجمارك حرامية عشان يخلوا العربيات بالسعر ده
ايوه غبور تقفيله زبالة وخدمة العملاء مفيش حد مشتكاش منها

انما هو اتكلم على حقيقة واقعه في مصر
ايه العربيات اللي تحت السبعين والسؤال الاهم

ايه العربيات الحلوة تحت السبعين الف

عندك ثلاثة عشان منتكلمش كتير او اربعة بالكتير

رينو لوجان
هيونداي فيرنا
شيفروليه لانوس
اسبيرانزا 516

واحد توكيل حلو, واثنين توكيل مش حلو, والرابع بيحصل على طول خناقات في التوكيل وتضييع وقت

مروحش انا بقى اشتري من الوحش وبعدين اشتكي

**Ramiy** · 09-11-2009 12:34 PM

عزيزى
برجاء التاكد من ضغط هواء الاطارات
حيث انه من المعلوم و المتفق عليه انه اثناء التخزين و الشحن يجب رفع ضغط الاطارات الى 40
اما يالنسبة الى المساحة فهذه ليست مشكلة على الاطلاق
حيث ان سياية الضمان تنص على الاتى
ضمان السيارة على جميع الاجزاء التى لا يستطيع العميل اتلافها خلال مدة الضمان
و لشرح ذلك :
تيل الفرامل يمكن لعيل استهلاكه فى شهر و اخر فى سنة
كذلك اسطوانة الدبرياج
و المعلوم و المتفق عليه عالميا
ان جميع الاجزاء المعرضة للبرى او التاكل من قبل العميل لا تخضع للضمان
يالنسبة الى التكييف فالمفروض عدم تشغيله خلال فترة التليين و فترة جس النبض بينك و بين السيارة حتى تسمح لنفسك بالتعرف على السيارة جيدا و سماع اى اصوات قد تصدر من اى جزء فى اى مكان

غبور عنده فشلة -

الموضوع: عيوب هيونداى نيو اكسنت

LinkBack

أدوات الموضوع

عرض

-

-

-

-

المواضيع المتشابهه

هيونداى اكسنت rb

هيونداى اكسنت

هيونداى نيو اكسنت

يا جمااااعه عايز اعرف عيوب ومميزات النيو اكسنت

اجيب هيونداى اى30 ولا النترا ولا لانسر و اية مواصفات و عيوب كل واحدة منهم

الكلمات الدلالية لهذا الموضوع

المفضلات

المفضلات

ضوابط المشاركة