كيا نيو سيراتو .. خدعة كبيرة في السوق المصري ( وجهة نظر )

**Ghost2** · 02-09-2009 08:49 PM

السلام عليكم ورحمة الله وبركاته

كل عام وانتم بخير

طبعا اللي انا هكتبه دلوقتي ده وجهة نظر لاني انا كنت من ضمن الناس اللي بتحامي للكيا بس لما فكرت كويس وشفت كويس فهمت كويس.. ممنووووووووووع الزعل

انا رحت انا واحد صاحبي من هنا من المنتدى واليوزر بتاعه اهه (ali357) نزلنا رحنا معرض علاء الدين اللي في الضاهر ورحنا اوتو سمير ريان ورحنا مودرن موتورز مدينة نصر

المهم طبعا او معرض علاء الدين ... 80% من الموديلات عنده .. شفنا الكيا سيراتو عنده كتير اوي بمختلف فئاتها ....طبعا مش مشكلة الاسعار ... تعالو بقه نتكلم على العربية :

اولا ::: اللي يجي يبص على العربية .. كشكل رهييييييييييييييييييييييي ييبة بأمانة .. شكلها تحفة , تعالو بقه ,, اضغط بصوابعك على اي باب من البيبان في نص الباب والرفارف والكبوت .. صاج تقريبا نسبة الفولاذ فيه صفر ... معنى كده ان اللي هيتخبط يتغير علطول مش يتصلح ... (مقارنة بالالنتر صاج الالنترا اقوى وكمان الكروز اقوى )

ثانيا ::: نزلت بصيت على العربية من تحت مفيش تصفيح خالص زي ما الناس كانت هنا بتقول والله اعلم وطبعا اي خبطة تحت شديدة شوية شوارعنا اللي زي الفل .. بالسلاااامة

ثالثا ::: العربية من جوة الهاي لاين اللي كانت قدامي وكنت جواها .. الخامات مش متوسطة هي اقل من المتوسطة كمان .. على فكرة خامات اسبيرانزا او اعلى سنة بسيطة ... البلاستيك بيزيق كلة والوانة باهتة اوي ومعتقدش ان الالوان دي معمرة

رابعا ::ة مشكلة العزل الحراري اللي الناس اتكلمت عليه ... انا كلمت الوكيل وقالولي احنا جبنا العزل للجزء اللي ورا بس والامامي لسه مجاش ولما سألت امتا قالي ربنا يسهل ..

واخيرا من المنطقى جدا ان يكون سعرها كده وهي فعلا سعرها على اد فلوسها .. لان كماليتها كتير لكن خاماتها بجد رديئة وخدو بالكو من الصاج بجد ... صاجها ضعيف اوي ودي هتبان لما تحط ايدك عليه وتضغط ضغطة بسيطة ولما تلمس صاج عربية تانية هتعرف .. العربية شكلها جبار بس خسارة ادفع فيها 120 الف ... انا انسحب من شراء السيراتو وليست لانها رديئة في المقام الاول .. ولكن بهذا الشكل لن تكون سيارة (معمرة)

ملحوظة : يمكن العيوب اللي انا شفتها متناسبنيش بس ممكن حد تاني يتحملها وزي ما قولت في الاول هي وجهة نظر .. واسف على الاطالة وشكرا

**K!ShO** · 02-09-2009 09:05 PM

نسيت اقولك
الله يكون في عونك
كل شويه تغير بيناتك وتفكيرك
Car: Mesh 3aref>>Soon isa
شويه سيراتو وشويه هوندا
ربنا يوفقك للأختيار الافضل
ويكون في عوني انا كمان ويوفقني
انا شكلها هترسي معايا علي النترا او sx4

**NaderNabil** · 02-09-2009 09:11 PM

العزل الحراري مشكلته الوحيدة في الجزء الأمامي عند قدم السائق اليمنى...و هي المنطقة التي يتم تركيب العازل بها
غير كده تأثير الحرارة ضعيف .و غير مؤثر...

باقي العيوب في رأيي نسبية من شخص إلى أخر...بإستثناء التصفيح من الأسفل...و ان كنت أعتبره غير هام في هذه الفئة لأنه غير موجود في معظم السيارات بالسعر ده...و لو موجود هايبقي تففيح بلاستيكي فقط

**solom_2010** · 02-09-2009 09:21 PM

بسم الله الرحمن الرحيم
وجهة نظرك تحترم عليها و انا مع ان كل واحد ليه وجهة نظر و احترمهاااا جدااااااااااااا
موضوع الصاج مش حقولك انو جامد و رهيب زى بيجو504 مثلا لاكن مش و حش بالنسبة الى انت بتقول عليها دى و الدليل لو عرفت تفتح كابوت العربية بأيد واحدة تبقى تيجى تفتحلى كبوت عربيتى (: و الصاج على فكرة احسن من بتاع الالنترا انا سندت على ظهر الالنترا من الجنب دخل معايا جوه و الهيونداى عموما معروفه بخفت وزنها و خفت صاجها

نيجى لموضوع البلاستيك
انت ظلم السيراتو اوووووووووووووووى انك تشبها باسبرانزا التيجو مع واحد صحبى و احنا مشيين على الدائرى الجلد بتاع الازاز الى بيبقى تحت اتشال من الهوا
العربية ماشاء الله ولا بتزيق ولا اى حاجه و التقفيل ممتاز بصراحة

نيجى لمشكلة التصفيح هاتلى عربية فى نفس الفئة السعرية فيها تصفيح ؟ قولى عليها لو سمحت

شكراااااااااااااااااااااا ا جدا و انا والله احترم وجهة نظرك جدا بس الظلم للعربية حرام بجد

**elmoski** · 02-09-2009 10:03 PM

لا تعليق علي كلامك...النترا ايه دي اللي صاجها اقوي !!!!!!!!!!!!!!

**msds_eg** · 02-09-2009 11:07 PM

كلام مظبوط خساره 120 الف في سيراتو كوري

**samcar** · 02-09-2009 11:30 PM

المشاركة الأصلية كتبت بواسطة ghost2