دعوه للتفكير :هل نحن فعلا بنهدر مياه كتير؟

**michohat** · 02-09-2009 09:12 PM

السلام عليكم ورحمه الله وبركاته
النهارده بعد ما رجعت من الشغل قبل الفطار اكتشفت ان المياه مقطوعه وكنت لسه مش صليت المهم استعملت مياه مخزنه فى البيت وبعد ما صليت خدت بالى من ملاحظة حصلت معايا انى توضأت باستعمال ملئ دورق مياه واحد (لا يزيد عن لتر) وقارنت الموقف بكميه المياه اللى كنت ممكن استخدمها لو كانت فى مياه فى المواسير فشوفت انى كنت بهدر كميه مياه اكبر من اللى محتاجها فعلا وقررت من لحظتها انى احاول اوفر شوية و افتح الحنفية بالقدر اللى انا عاوزه وبس ( مش بزياده)
يا ترى ده رأيي لوحدى ولا ايه عاوز اسمع منكم

**dr.nemo** · 02-09-2009 09:26 PM

ايوة فعلا احنا بنستهلك كمية مياه هائلة
احمد الشقيري في برنامج خواطر السنة اللي فاتت اتكلم عن الموضوع ده
وعمل تجربة عملية لحساب كمية المياه اثناء تنظيف الاسنان فقط
وطلع كميه كبيرة جدا

بس مفيش حل لانقطاع الميه دي
كنا بنفكر في الخزانات بس الناس بتحذرنا منها
من صعوبة في التنظيف لتلوث المياه
ايه رأيكم؟

**A.Saad** · 02-09-2009 10:28 PM

المياة المفتوحة اثناء حلاقة الذقن
التسريب من الحنفيات

**michohat** · 02-09-2009 11:52 PM

المشاركة الأصلية كتبت بواسطة dr.nemo

ايوة فعلا احنا بنستهلك كمية مياه هائلة
احمد الشقيري في برنامج خواطر السنة اللي فاتت اتكلم عن الموضوع ده
وعمل تجربة عملية لحساب كمية المياه اثناء تنظيف الاسنان فقط
وطلع كميه كبيرة جدا

بس مفيش حل لانقطاع الميه دي
كنا بنفكر في الخزانات بس الناس بتحذرنا منها
من صعوبة في التنظيف لتلوث المياه
ايه رأيكم؟

المشاركة الأصلية كتبت بواسطة a.saad

المياة المفتوحة اثناء حلاقة الذقن
التسريب من الحنفيات

المشاركة الأصلية كتبت بواسطة ابو الوليد المصرى

الخزانات مفيدة جدا بشرط النظافة احنا جايبين واحد ابيض ولسة عامله حنفية من قريب للتنظيف عاملها من اسفل الخزان علشان تجيب الرواسب اللى تحت وبيخلى عملية التنظيف سهلة تدى شبه للحنفية اللى فى الخزان بتاع اللبن اللى بيبقى فى السوبر ماركت وبرده بتستخدم للتنظيف

الفكرة هنا هل ممكن اننا نغير من عادتنا بالنسبة لاستهلاك المياه ونرشد شويه
ولا هنقول متفرقش

**Bob2009** · 03-09-2009 12:00 AM

اكيد طبعا احنا بنستهلك المياه كتير جدا

**dr.nemo** · 03-09-2009 12:25 AM

اكيد كل الكلام ده علشان منسرفش في المياه
والا يبقى ايه لازمة الكلام ده
يقول الرسول صلى الله عليه وسلم:
لا تسرف في الماء ولو كنت على نهر جار

وكان فيه مثل بيعجبني
قطرة ماء= حياة
بالحماية والترشيد...... النيل يروي والخير يزيد

المشاركة الأصلية كتبت بواسطة ابو الوليد المصرى

الخزانات مفيدة جدا بشرط النظافة احنا جايبين واحد ابيض ولسة عامله حنفية من قريب للتنظيف عاملها من اسفل الخزان علشان تجيب الرواسب اللى تحت وبيخلى عملية التنظيف سهلة تدى شبه للحنفية اللى فى الخزان بتاع اللبن اللى بيبقى فى السوبر ماركت وبرده بتستخدم للتنظيف

مشكور ياباشا على الرد

انا حاولت ابعتلك على الخاص
بس حضرتك مانع استقبال الرسائل

بعد اذن صاحب الموضوع

هو الابيض مصنوع من البولي ايثيلين ؟
وهل بيتأثر بالحرارة ولا لأ ؟ يعني هل احطه فوق السطح ولا لازم اعمله تظليله
المفروض يتنضف كل قد ايه ؟
ايه احسن حجم ليه ؟
المفروض يركب قبله موتور ولا لأ؟
بتركبله عوامة علشان لما يملى يتوقف عن سحب المياه ولا ايه النظام
وأخيرا ايه الاسعار تقريبا؟

معلش تاعبك معايا بالاسئلة الكتيرة دي
بس احنا عاوزين نركبه قريب

**Moh.Abdelbaset** · 03-09-2009 12:30 AM

طبعاً بنستهلك مياه كثيرة جداً
أنا في البيت بتحصل مشادات بيني و بين والدي على كمية المياه اللي بيستهلكها بدون داعي
و لسه شايف الخبر النهاردة نقلاً عن جريدة إثيوبية
بتقول إن الزيادة السكانية في مصر "خطر نووي" على مياه النيل

**KSA2011** · 03-09-2009 01:16 AM

فعلا ومش بناخد بالنا من الموضوع ده الا لما المايه تقطع
الى يسافر الخليج يعرف قيمه المايه و هيحافظ عليها
وفى الاخر الحكومه بتحاول ترفع سعر المايه و تركب عدادات بس الناس مش هيبقى عندها مشكله فى دفع فاتوره
وفى الاخر كلنها هنتحاسب على الاسراف فى المايه ده برده
كل سنه وانتم طبيبن