صوت خشونة في ماشدير الاوبترا ....وهل كلام الفنيين ف التوكيل صحيح

وانا باعمل صيانة ال 20000 للاوبترا في منصور مدينة نصر .... كان عندي ملاحظة ان المارشدير بيعمل صوت زعقة ساعات ... مش دايما
الفني والمهندس أكدولي ان المفروض بعد ما تدوس دبرياج تنتظر ثانيتين تقريبا وبعدين تعشق المارشدير ح تلاقيه زي الحلاوة .... علشان الدبرياج زيت مش سلك زي العربيات القديمة ... وكمان علشان يكون الكمبيوتر بعت اشارة لتلقي حركة الفتيس و يكون الفتيس عله اهبة الاستعداد لأستقبال المارشدير استقبال الأبطال الفاتحين
.......
انا لما بانتظر ثواني بعد ما ادوس الدبرياج فعلا مش بيكون فيه صوت الزعقة في المارشدير
لكن انا مش مقتنع بالكلام ده ......
يا تري الكلام ده صح .... ولا بيشتغلوني :b4_592:.... ولا بيطنشو علشان مش عاوزين وجع دماغ
ياريت حد يأكدلي الكلام ده او يقولي الحقيقة

انا عندي نفس المشكله في الفيرنا

اقتباس:

---

المشاركة الأصلية كتبت بواسطة fikri

انا عندي نفس المشكله في الفيرنا

---

طيب جرب الحل اللي قالهولي المهندس ..... انك تنتظر ثانيتين او 3 بعد دوس الدبرياج ...وهل ده ح يحل المشكلة في الفيرنا كمان ؟؟؟

بس بعد 20000 كم استخدام ولم تكن تنتظر ثانيتين قبل كده

يبقى فيه حاجة ؟؟ (الله اعلم)... ننتظر اراء باقى الاعضاء

who did you talk to you in terms of the Engineer at Mansour Tayaran????

اقتباس:

---

المشاركة الأصلية كتبت بواسطة ahmed_su

بس بعد 20000 كم استخدام ولم تكن تنتظر ثنايتين قبل كده

يبقى فيه حاجة ؟؟ (الله اعلم)... ننتظر اراء باقى الاعضاء

---

ماهو ده اللي خلاني اسئل الخبراء هنا يا حاج احمد
وهي كانت ساعات بتعمل صوت وساعات لأ
ممكن علشان ساعات كنت بانتظر وساعات كنت باعشق علطول .... حسب الظروف
انا كنت ما اعرفش حكاية الثانيتن دي ....
وبعدين مش المفروض الكلام ده لو صح يتكتب في الكاتالوج او دليل المالك او دليل التليفونات او حتى في حجر رشيد ...
ولا هو سر عسكري مايعرفهوش غير بتوع التوكيل
منتظر رأي الزملاء

اقتباس:

---

المشاركة الأصلية كتبت بواسطة egyptianmafia

who did you talk to you in terms of the engineer at mansour tayaran????

---

والله مش فاكر مين ....لكن الفني الأول قالي كدة ..... وبعدين مهندس تاني قديم قولتله علشان يجرب العربية معايا .... مش فاكر اسمه لكن هو اكبرهم سنا .. واكدلي الكلام بتاع الفني

اللى عندى فى الكتالوج انك تستنى 3 ثوانى
فى وضع المور

اقتباس:

---

المشاركة الأصلية كتبت بواسطة aif

والله مش فاكر مين ....لكن الفني الأول قالي كدة ..... وبعدين مهندس تاني قديم قولتله علشان يجرب العربية معايا .... مش فاكر اسمه لكن هو اكبرهم سنا .. واكدلي الكلام بتاع الفني

---

Was it Eng Mahmoud Hanafy or Eng Sherif Hussien or Eng Ahmad Ali

and I wouldnt trust 3mad the mechanic there and his brother 3eed and their assistant Ali....

believe me..if you take your car to Tayaran do not let them fix your car!

and if you want a good mechanic...ask for Hesham the mechanic

or Mohamad Abdel Tawab aka Etto (looks like Etto lol)

أنا برضه عندي ساعات بسمع صوت التعشيق بتاع المارشدير في بعض الأحيان مش دايما

بس أنا ببرره دايما بإني أول مابشغل العربية بيكون الـ آر بي إم عالى شوية وانا بجيب مارشدير على طول من غير ما أستنى الموتور لما يهدى ... بس ساعات برضه باسمع الصوت في غير هذه الحالة

عموما هاجرب موضوع الإنتظار ثانيتين ده لمدة كام يوم وأرد عليك بالنتيجة

بس أنا شايف إن التفسير اللى قاله الراجل ده أصلا مش منطقي ... لأن الكونترول يونت أصلا مالهاش حساس في الدبرياج مثلا عشان تعرف إنك دايس عليه فتقوم هية تجهز الفتيس للنقلات ... التفسير ده غريب جدا

اقتباس:

---

المشاركة الأصلية كتبت بواسطة egyptianmafia

Was it Eng Mahmoud Hanafy or Eng Sherif Hussien or Eng Ahmad Ali

and I wouldnt trust 3mad the mechanic there and his brother 3eed and their assistant Ali....

believe me..if you take your car to Tayaran do not let them fix your car!

and if you want a good mechanic...ask for Hesham the mechanic

or Mohamad Abdel Tawab aka Etto (looks like Etto lol)

---

اعتقد انه المهندس محمود حنفي ... متوسط الطول وابيض وشعره خفيف ( زيي كدة :M_yes[1]:) وممتلئ قليلا
...
انا قابلت المهندس شريف واتعرفت عليه لأني اعرفه من المنتدي فقط وكانت فرصة اتعرف عليه وهو راجل مهذب ومحترم جدا
انطباعي عن التوكيل في الطيران انه مجرد ورشة فيها شوية صنايعية عاديين جدا ....وانا شايف ان الخدمة بتتجه للأسوأ..
مثلا آخر مرة كنت هناك كانو بيغسلو السيارة بعد الصيانة ... بدون فلوس اضافية .... دلوقت مافيش....وطبعها المغسلة فاضية خالص والعمال قاعدين بينشو .... لأن الغسيل بفلوس والعملاء اصلا مش راضيين عن الخدمة فأكيد لو ح يغسل ح يغسل بره احسن 100 مرة

طلبت تنظيف فلتر التكييف ونظفوه بالهوا بعد فكه من تحت التابلوه .... واتضح انهم خدو حوالي 32 جنية زيادة علشان ينظفو الفلتر ....التنظيف والفك استغرق 5 دقائق وقام به صبي في سنة ثالثة اعدادي ابن احد الفنيين هناك
طلبت من الفنيين تدوير الكاوتش بطريقة المقص لأنه في نفس مكانه من اول العربية ما جت .... للأسف الفنيين مش عارفين يعني ايه طريقة المقص ... وكانو عاوزين يبدلوهم حرف × وخلاص ... قعدت اشرح لهم ان الكاوتش الخلفي يطلع للامام بنفس الوضع الامامي يرجع للخلف مع عكس الاتجاه بكدة يبقي مع تكرار العملية بيكون الكاوتش الواحد بيدور على الاربع اماكن .... كأني باقولهم كيميا .....وفي الأخر بدلو اماكن العجل كام مرة لغاية ما بقاش معروف فين الوضع الاصلي ....
طلبت من الفنيين الكشف على زيت الفتيس ..... وقعدو يقاوحو علشان يقنعوني انه مش بيكشفو علية الا بعد 50 الف كيلو .....
يعني من الآخر .... ماعندهمش جدول بيشتغلو بيه مجرد شغل عشوائي باقل مجهود ممكن .... مجرد تنظيف فلتر الهوا والبنزين وتربيط العفشة اي كلام يعني لو عملت صيانة وكشف محترم وتربيط عفشة بره ح ادفع اقل من نصف ما دفعته عندهم وبجودة اعلى بكتير منهم ....

يعني من الآخر اعتقد انهم مش بيعملو حاجة تستاهل الفلوس اللي بياخدوها من العميل
ودي آخر مرة اروح توكيل الطيران
انا بصراحة كنت رايح علشان اتعرف بالمهندس شريف ....

aif...why didnt you tell all your remarks above to Eng Sherief....

and cleaning the car isnt part of the service...I dont know personally if they used to do it for free but i know that the cleaning is part of the gas station and not part of Mansour....

also...the workers there are not mansour workers...they are the gas station owner workers....

only the pyramids location are the workers work for Mansour....

and I am with you that the Tayaran location needs some probably a major change...

one...the location for it needs to be changed because the current location cant get any bigger and it is crowded as hell....

the workers needs to all be changed......

and get Mansour workers.....



just for your info....the removing of the filter does indeed cost money (masna3eya)

even though it takes 5 min...but they charge the customer still....

even at pyramids they will charge you....

also what I hate at the tayaran location are the gas station workers (3omal el banzena)

they scream at the customers as if they own the place...lol....like them actually owning the place...lol...

اقتباس:

---

المشاركة الأصلية كتبت بواسطة egyptianmafia

aif...why didnt you tell all your remarks above to Eng Sherief....

and cleaning the car isnt part of the service...I dont know personally if they used to do it for free but i know that the cleaning is part of the gas station and not part of Mansour....

also...the workers there are not mansour workers...they are the gas station owner workers....

only the pyramids location are the workers work for Mansour....

and I am with you that the Tayaran location needs some probably a major change...

one...the location for it needs to be changed because the current location cant get any bigger and it is crowded as hell....

the workers needs to all be changed......

and get Mansour workers.....



just for your info....the removing of the filter does indeed cost money (masna3eya)

even though it takes 5 min...but they charge the customer still....

even at pyramids they will charge you....

also what I hate at the tayaran location are the gas station workers (3omal el banzena)

they scream at the customers as if they own the place...lol....like them actually owning the place...lol...

---

انا عملت صيانة ال 5000 هناك برضه .....من سنة تقريبا .... وغسلو السيارة غسيل كامل مجانا .....لما سألت المرة دي قالو انهم لغوها ....
بس انا عاوز اعرف .... العمال والفنيين اللي بيعملو الصيانة دول تبع منصور ولا تبع محطة الخدمة ولا وكيل معتمد ؟؟؟؟؟...... تفرق كتير ..... لكن حقيقي دول لو تبع منصور ..... تبقى كارثة .... يعني عمال وفنيين التوكيل ما يعرفوش يعني ايه يغيرو الكاوتش بطريقة المقص ..... ده الواد بلية اللي عند اي محل كاوتش بيعمل كدة لوحده في 5 دقايق بالكتير ومن غير الامكانيات الموجودة في التوكيل
.....
انا متفق معاك انهم يجب ان يغيرو طريقة عملهم .... او يغيرو العمال نفسهم
لكن المشكله ان عليهم ضغط واقبال كبير وطوابير سيارات ......والعقلية المصرية بتحتم ان طالما عليك اقبال بالشكل ده يبقى اطور ليه واصرف فلوس ليه ؟؟؟؟؟؟ ما الدنيا ماشية كدة ومش ملاحقين ع الزباين :S_thum1[1]:
انا عارف انك نفسك تغير الواقع ...... لكن ..... نحن في مصر يا عزيزي

aif like i said the workers at tayaran are the gas station owner workers....

the following are Mansour employees working at Tayaran

Eng Sherief

Eng Ahmad Ali

Eng Mahmoud Hanafy

Eng Ahmad Afify

Mr Khaled Hosny (Control)

Mr Mo3taz (Control)

Cashier (Hesabat for paying for the service)

everyone else including the reception workers (none of them are engineers by the way) are working for the owner of the gas station

even the engineers who do the troubleshooting (a3tal) are working for the gas station owner

and of course the workers (3omal) like I said above.....

المعلومه مظبوطه ياحاج احمد وده الطبيعى بتاع اى عربيه مانيوال وبالذات الكورررررررررررى

انا عندي مشكلة في النوبيرا
وهي هي الاوبترا لما اجيب مارشدير بسرعة احس اني بكسر كل التروس
كاني بجيب الغيار من غير ما ادوس دبرياج
والعجيب اني جربت الحركة بتاعتك راحت المشكلة نهائي
فعلا اللي يعيش ياما يشوف

عندى عربية اسبرانزا a516 وهى طبعا منوال احيانا لما اديها المرشليه مبتاخدش الغياره صح لاخرها ولما ادوس بنزين باسمع صوت زعقه فى الفتيس والعربية متتحركش من مكانها فباضطر امور الفتيس وادوس دبرياج جامد واديها مرشليه تانى مع العلم ان الحركه دى مبتحصلش الا فى المرشليه بس وغالبا بتاخد المرشليه سليم من غير مشاكل والموضوع ده مدايقنى قوى واعتقد يا اخى العزيز لو المفروض تستنى ثانيتين عشان تديها المارشدير يبقى لازم تستناهم فى كل غيار

انا طبعا مش مقتنع بالكلام الفاضي بتاع إستنى ثانيتين ده كدة طبعا فيه عيب في الفيتيس وطبعا البهوات بيقولو إستنى ثانيتين و أنت دايس دبرياج علشان يكون الفيتيس وقف وبطل دوران مع الموتور علشان لما تجيب الريفيرز فيه ترس صغير بيعشق بين ترس الموتور وترس الفيتيس هو اللي بيخلي حركة العربية تتعكس من قدام لورا وكدة الترس ده إبتدى يبقى مش مظبوط والدليل على كدة إن قبل كدة لما كانت العربية لسة جديدة مكانش بيحتاج يستنى ثانيتين ولا نيلة وكانت الحياه كويسة لكن مع الإستعمال الترس سنونة باظت بسرعة وهما طبعا عمرهم ماهيقولو كدة علشان ميغروش الفيتيس تبع الضمان
المفروض الريفيرز يجي بمنتهى السهولة بمجرد إنك تدوس دبرياج منغير ماتستنى ولا فيمتو ثانية طالما العربية واقفة مش بتتحرك وخلى بالك قوي من موضوع العربية واقفة ده لأن زي ماقلت الترس الصغير ده بيعكس حركة ترس الفيتس يخليه يلف في الإتجاه المعاكس علشان العربية تتحرك للخف بدل الأمام فا لو العربية لسة بتتحرك يبقى طبعا الريفيرز مش هيعشق وممكن جدا الفيتيس يبوظ مع تكرار المحاولة لأنك هتكون بتحاول تعشق ترسين بيلفو عكس إتجاه بعض ودة طبعا مينفعش