استهتار سائقي سيارات المعارض اللي بدون نمر ...... لكن على مين

**aif** · 03-09-2009 02:02 AM

النهاردة الظهر كنت راجع من مصر الجديدة للعباسية ....في شارع الخليفة المأموص لقيت عربيتين فولكس جيتتا بدون نمر ولسة بالمشمع الابيض .... واضح جدا ان اللي سايقينها بتوع معرض بينقلوها من مكان لمكان ..... لغاية كدة طبيعي في المحروسة
لكن طريقة سواقتهم هي اللي مش طبيعية .... منتهي التهور .... غرز و جري بشكل غبي .... وبعدين واحد منهم وقف في نص الشارع عشان يكلم زميله في العربية التانية ....وطبعا انا وكل من حولي بقينت نتحاشا الاقتراب منهم .... دول من غير نمر يعني لو عمل مصيبة وجري مش ح تلاقيه تاني
انا بصراحة دمي اتحرق ... وفكرت في اصحاب السيارتين اللي دافعين دم قلبهم علشان دول يبهدلو العربيات بالشكل الغبي ده .... ولو خبطو حد وهربو ح يجيبوهم ازاي .... لكن اعمل ايه ؟ دول لسة من غير لوحات ..... المهم ربنا أراد اني احصلهم في اشارة ميدان العباسية ....
روحت واخد اقصى اليمين علشان اعدي قبلهم اول الاشارة ما تفتح ( منطقتي بقى وانا حافظها )..... ولقيت نقيب مرور ومعاه امين شرطة في كشك المرور في ميدان العباسية جنب كرم بتاع الورد اللي تحت الكوبري .... روحت واقف عندهم وفاتح الشباك اليمين وقولتله على اللي شوفته ... بس طبعا العربيتين كانو مشيو من الاشارة ..... الظابط اتنفض من مكانه وقاللي شكلهم ايه ؟؟؟؟ وبسرعة الامين كلم الاشارة اللي بعدها اللي قبل صلاح سالم في اللاسلكي اللي معاه وقالهم على مواصفات السيارتين ووقالهم يمسكوهم .... مش عارف بقي عملو ايه معاهم ..... بس اكيد ح يبقى درس لهم ولأمثالهم علشان يحافظو على العربيات اللي مش بتاعتهم واللي هيا امانة بين ايديهم
...
ساعتها قلبي ارتاح
فعلا المرور زي ما فيه الوحشين فيه المحترمين ..... لكن لازم كل واحد يعمل اللي عليه بدون لا مبالاه ....
ويكفيني اني اخذت موقف ايجابي

**ahmed_su** · 03-09-2009 02:09 AM

احييك على ايجابيتك يا حاج احمد
واتمنى فعلا يعملولهم حاجة..!!!!!!! ولو انى اشك .....؟؟؟

**A.Saad** · 03-09-2009 02:23 AM

[B]موقف ايجابى
[/B]

**D . a .\ AYMAN** · 03-09-2009 02:36 AM

بارك الله فيك

موقف إيجابي ... ونهي عن منكر

جزاكم الله خيرا ...

طبعا لو كل الناس تعمل كده يبقى مش هانلاقي النوعيات دي في الشارع تاني

بس المشكلة إنك تلاقي الضابط .. ولما تلاقيه يعمل حاجة