ارجو المساعده والافاده بخصوص السوزوكى التو

**tamtoma** · 03-09-2009 01:35 PM

يا جماعه انا قدامى عربيه سوزوكى التو مو 2009 بحاله الزيرو وهى 800 سى سى وفيها تكيف وصاحبها طالب فيها نهائى 38000 جنيه انا بصراحه خايفه اشتريها لان فى ناس كتير بتقولى ابعدى عن ال 800 سى سى الى فيها تكيف لانها هتأثر على الموتور وهتخلى السحب بتاعها ضعيف والتكيف مش بيبقى له لازمه اساسا فى العربيه طالما انها 800 سى سى يعنى كماليات وزياده فى السعر على الفاضى وفى ناس تانيه بتقول ان التكيف طالما انه نازل مع العربيه يبقى مفيش منه خوف انا مش عارفه صراحه لانى مش بفهم فى العربيات واول مره اركب عربيه وكمان انا مش عارفه سعرها كده يبقى مناسب ولالا لانى ناويه ابيعها بعد فتره قريبه ومش عايزه اخسر فيها وكمان انا ناويه اروح بيهاكل يوم الشغل هل هتستحمل كل يوم مشوار الشغل مع استخدام التكييف

**A.Saad** · 03-09-2009 04:41 PM

اول حاجة العربية عاملة كام كيلو
فيها توكيل ولا الرخصة باسم المالك وهوة اللى بيبيع

انصحك تاخدى رقم الشاسيه وتتصلى بالتوكيل تسالى على مدير الضمان
وتسالى هل هيا فى الضمان ولا لا

وكمان ما تتغريش بالحالة الظاهرية ياما عربيات شكلها حلو وهيا عاملة حوادث وكانت قد الميدالية فيها
يعنى لازم يكشف عليها كويس والافضل فى التوكيل طبعا

هوة بيكلف حوالى 200 الى 300 جنيه
بس اى عيب او مشكلة فى العربية بتبان معاهم ويقولوا تتكلف كام
و ياريت مشوار شغلك اد ايه وظروف طرق السفر معاكى ايه كمان يعنى طريقك داخل البلد ولا فيه طرق سريعة

ويا ريت ايضاح عن موضوع بيعك ليها بعدين

**tamtoma** · 08-09-2009 04:47 PM

العربيه عامله 20000 كم والرخصه باسم المالك وهو الى بيبع ومشوارى مش عارفه كم كيلو بالظبط لكن هو بياخد تقريبا مده 45 دقيقه لو الطريق كويس ومفيش زحمه وصاحب العربيه هو الى بيقولى خدى العربيه واكشفى عليها فى التوكيل وانا عارف ومتاكد ان العربيه مش فيها اى حاجه جديده زيرو بس انا كل خوفى من كون ان العربيه 800 سى سى وفيها تكيف يعنى 3 سلندر وناس كتير قالتلى لا ابعدى عن العربيه الى تكون 3 سلندر بيكون موتورها ضعيف وكمان التكييف معاه هياثر عليه جدا وناس بتخوفنى وبتقولى انه لو مرتاح فيها مكنش باعها وهى لسه جديده واكيد هى تعباه علشان كده هيبيعها بس الى انا فهمته من صاحب العربيه انه هيشترى عربيه تانيه جديده اريد الافاده رجاء

**LORD.ADeL** · 09-09-2009 11:32 AM

اختى العزيزيه اللى هيفصل فى موضوع دة كله الكشف عليها بالتوكيل كشف شامل
ودة اللى هيريحك ويطمنك وممكن ليه لا يكون راجل عايزيبع ويجب عربيه اكبر او موديل تانى
كتير بيجبو عربيه وما بتكمل معه سنه وبيكون بايعها عادي الفاصل فى دة كله كشف وتقرير توكيل عليها من كل الاجزاء وهناك بردو تعرفي امكانيات عربيه بتكيف ومن غير وان بتكيف زي ماهيا فيها يبقى هتعرفي بردو طريقه تعامل مع العربيه ازي فى سوقتها وسرعات المناسبه عند كل نقله وربنا يوفقك والله اعلم... تحياتى