هو العكسى بقى للدرجه دى؟!
امبارح كنت هموت بجد ماشى على الاوتوستراد من المعادى لحلوان, و انا عند الملف قبل المطبات الى عند الجيش ب500 متر كده, ماشى على الشمال 90, لقيت كشافين ابيض فى عنيه, الملف واسع شويه فقولت اكييد عربيه نقل من النحيه التانيه نورها ضارب فى وشى ولا حاجه, و شويه النور يقرب اقول "لالالا مش ممكن يكون حد ماشى عكسى بالغباء ده" و النور بيقرب بيقرب لحد مباقينا فى خط واحد راح البيه قفل النور اكتشفت انه بولدوزر راجع بضهره فى اخر حاره شمال :I_angr1[1]: اه والله بولدوزر الاصفر الكتربيلر الجميل ده راجع بضهره اخر حاره شمال, المنظر بس اول ماهو طفى النور انا كان قلبى هيقف كسرت الطاره بغباء بس الحمد لله انا كنت هديت شويه والعربيه معومتش ولا حاجه, صحابى كانو معيا فى العربيه مذهولين, انا بدلت و صحبى ساق مكانى لان رجليا الشمال ديه مكنتش ملمومه على نفسها بتترعش زى متكنون متكهربه,احنا لو كنا لبسنا فيه كنا اتفرتكنا بمعنى الكلمه و هو ولا هيحصله حاجه, بجد مش قادر انسى منظره و منظر العجل بتاعه ده العجله الواحده لو مشيت على العربيه تسويها بالارض, حسبى الله و نعم الوكيل من الاستهتار, انا الى عايز اقوله بس نصيحه يا جماعه خلى سواقتك دفاعيه وتوقع اى شى ومتستبعدش ابعد الاحتمالات فى بلدنا ديه.