ارجو النصيحه من اصحاب الخبر ان حديث العهد بالسواقه اجيب ماروتي جديدة ولا بثمنها اجيب حاجه استعمال
وايه استعمال محترم بالثمن دة
ارجو الرد بسرعه لو سمحتم
عرض للطباعة
ارجو النصيحه من اصحاب الخبر ان حديث العهد بالسواقه اجيب ماروتي جديدة ولا بثمنها اجيب حاجه استعمال
وايه استعمال محترم بالثمن دة
ارجو الرد بسرعه لو سمحتم
انت عايز ايه فى العربية الاول
تقدر على مصاريف الاصلاح ولا عايز حاجة تكون موفرة فى الاصلاحات
عايز حاجة جوة البلد ولا سفر
انتقالك قليل لوحدك ولا مع اسرة وشيل
وبعدين خبرتك ايه فى الميكانيكا
الماروتى مريحه فى سواقتها من حيث الابعاد وصغرها ودبرياج ناعم ودريكسيون هاف بور فمش هتتعب فى سواقتها ولما هتركبها وانت مبتدىء هتحس انك بتسوق من عشرومية سنه فمتقلقش مش هتخبطها .. انا زيك بظبط ومحسيتش انى مبتدىء كمان هترحمك من المستعمل وعطلاته وصنايعيه والخ..اتوكل على الله ماروتى :) :)
نصيحه
طالما حضرتك جديد هات زيرو هيرحمك من قرف و اشتغالات الصنايعيه
ولو الفلوس كاش ممكن تفكر ( بنسبه صغيره ) فى انك تجيب حاجه مستعمله نضيفه ,, و بأكد نضيفه يعنى لازم يكون معاك حد بيفهم كويس جداااااا فى العربيات وميكانيكى وسمكرى موثوق منهم يبصو عليها كويس و هكذا
طبعا الزيرو هيعتقك من الحوارات دى كلها
صلى استخاره و شوف ربنا هيسهللك انهى سكه
و مبروك مقدما :)
لو مش فارق معاك اسعار قطع الغيار هات بولو موديل 99 واسعار قطع غيارها مش غالية اوى معقولة وعربية ممتازة جدا
متشكر لكل من ساهم هو استخدامي 98% داخل البلد الاسكندريه واسرتي صغيرة ومش بافهم في الميكانيكا
بس معظم الناس خوفوني من الماروتي واسبابهم ( صغيرة - خفيفه - صاجها تعبان - اعادة البيع لا - كلمه حتندم )
مع انني بحبها وبشوفها كتير في الاسكندريه
بالنسبة لصغيرة
العربيات الكبيرة احلى فى ركوبها
بس
استهلاك بنزين اعلى
صعوبات ركنة
كمان هتجيب الكبير مستعمل
يبقى زى ما الاخوة قالوا
مشاكل الميكانيكى والتصليح
الصاج :
كل الزيرو دلوقتى صاجه خفيف
اعادة البيع
بالعكس : مطلوبة وكوبيسة
لو الحجم مشكلة اوى
لو تقدر تكمل وتجيب التو
افضل فى الحجم والثبات والشكل
او تجيب التو كسر زيرو
بس تكشف عليها فى التوكيل
سؤال صغير .. حضرتك معاك ميزانية كام ؟؟؟
علشان ممكن يكون فيه بدايل تاني غير الماروتي برضو
يا ريت تقولنا علشان نساعدك اكتر ... تحياتي
الماروتي عربية كويسة اوي بالنسبة للمبتدئين في السواقة انا لما اتعلمت خيروني بين عربية مستعملة وبين ماروتي زيرو اخترت الماروتي عشان مشاكل الاعطال بتاعة المستعمل وكمان بتحتاج لفة طويلة عشان تتأكد انها مستعملة كويسة عموما استخير ربنا وكل حاجة ليها مميزاتها وعيوبها