المشاركة الأصلية كتبت بواسطة dr_timo
بص انا عربيتي بولويز الف وخمسومية وتقريبا تكنولوجيتهم متقاربة اوي انا كنت ملاحظ اوي انها جوة البلد فعلا بتستهلك كتير يمكن ضعف اللي عالسريع ودة فعلا طلع صحيح فانا رحت لبتاع الكربراتير ودة شاطر ومتخصص فعملت زي مقولتلك وجابلي جيركن سعته لتر وملته بنزين وفصل تانك الببنزين ووصل بداله الجيركن دة وركب معايا وطلعنا عالدائري هوة جمبهم اوي ومشيت ولقيت ان عربيتي مشيت باللتر دة حداشر كيلو فطبعا اخصم كيلو لشوية البنزين اللي كانو في الفلتر والكربراتير وكدة فبتمشي عشرة عالسريع ودة كويس اوي لعربية زي بتاعتنا الف وخمسومية وموديل قديم لك المشكلة بقي هوة جوة البلد الاستهلاك بيبقي زيادة جدا زي الحال عندك والميكانيكي قاللي ان دة طبيعي في العربيات بتاعتنا دي وان هوة نفسه عربيته كدة ومع انه ميكانيكي ومخضرم ومعدوش حل فالحل بقي ان ربنا يرزوقنا بعربية برشاشات بدل الكربراتير عشان يبقي في تحكم في البنزين بس ساعتها هتيجي تسئل في المنتدي هنا بردو وتقول ياجماعة الرشاشات عندي متلغبطة خالص لان بلدنا التنكات والبنزينات فيها زبالة وبتبوظ الرشاشات ومينفعهاش بنزين تمانين اللي بنحطه ولا حتي تسعين لان كله فيه وساخة هههههه يعني كله في مشاكل فربنا يصبرك بقي ويصبرنا كلنا