السلام عليك
كل سنة و أنتوا طيبين يا أحلى عصابة
دلوقتى العربية قربت على ال 140 ألف كيلو فكنت عايز أعرف إيه الحاجات الى هتتغير و بتكلف كام فى التوكيل عشان أشوف و أعمل حسابى
و شكرا مقدما
عرض للطباعة
السلام عليك
كل سنة و أنتوا طيبين يا أحلى عصابة
دلوقتى العربية قربت على ال 140 ألف كيلو فكنت عايز أعرف إيه الحاجات الى هتتغير و بتكلف كام فى التوكيل عشان أشوف و أعمل حسابى
و شكرا مقدما
طب حضرتك ممكن تقولنا عملت ايه ف الصيانه اللى قبلها
هى المفروض الصيانة كل 50 الف كيلو وفى صيانة كل 20 الف وهى تكمن فى البوجيهات وفلتر البنزين لو بتحط 90 لو 92 يبقا ممكن تعد لحد 30 الف فانت عملت الصيانة الاخيرة امتة ومش محتاجة توكيل هتدفع كتير فى حاجة ممكن تتعمل برة بس عند الرجل المتاسب بتكلفة اقل واوفر
اكيد كاتينة وسير عمومى
و اكشف على البلية و طلمبة الماية و البوجيهات حسب انت مغيرها امتى و سلوك البوجيهات و تيل الفرامل ورا و قدام و الطنابير و الفلاتر ( زيت و هواء و بنزين ) و الزيوت ( فرامل - موتور - فتيس - باور )
كشف شامل من الأخر
الصيانة الأخيرة مش من قبل سنتين يعنى العربية مشيت بتاع 40-60 ألف كيلو بس أنا أصلا لما إشتريتها ما غيرتش حاجة يعنى قول مكنش فى صيانة قبلها
لأ كده بقي يبقي تكشف علي كل حاج و تغير كل ما يمكن تغييره في الصيانات..
زيت موتور و فلتر..
تكشف علي زيت الفتيس
فلتر هوا و فلتر بنزين
بوجيهات
سير كاتينه و بلية و طلمبة المية
سير الoperation اللي هو بتاع التكييف و الدينامو و كده..
تكشف علي خرطوم الهيدروليك بتاع الباور تشوف بيسرب زيت ولا لأ..
تنضف دورة المية و تحط مية حمرا موبيل او كالتكس..
تكشف علي التيل و الطنابير.. ورا و قدام و تكشف علي زيت الفرامل لو محتاج تزويد
تكشف علي زيت الباور
اكشف علي الجوانات و الاويلسيلات جوان الكارتيرة و اويل سيل الكرنك و اويل سيل عصاية الفتيس و اللي محتاج تغيير غيره
اكشف علي قواعد الموتور و الفتيس و لو في حاجة مش تمام غير ال3..
مش فاكر حاجة تاني بصراحة..
بس اهم حاجة انك ممكن متعملش دي في التوكيل.. عشان لو عملتها هناك ممكن تعدي منك ال3000 جنيه مرتاحة لو هتغير حاجات كتير..
عموما ابقي طمننا..
لو فى التوكيل تدخل فى 4000 - 5000 جنيه
ربنا يعينك انت مختفى فتره طويله يا رب خير
هو فى سير اسمه Gate انجليزى ؟ انا كنت عند بتاع التكييفات من فتره و لقيته عندى فى الكرتونه بتاعت قطع غيار العربية اتصلت بيه قللى مش عايزه خلاص
السير جديد بس معرفش حلو و لا وحش و ازاى احافظ عليه
ايوة الماركة دي انجليزي.. اسمها gates
و ده غالبا سير كاتينه.. و نوع كويس جدا..
موضوع المحافظة ده بقي بصراحة مش عارف.. بس الحاجات دي لما بتقعد بتنشف و تشقق
اديه هدية لحد محتاجة ولا بيعه لحد و خلاص..
شكلى هاعمل كده لأنى مش محتاجه