سيارات مستعملة , سيارات مستعمله للبيع سيارات يني السعودية=
يا اخ يا فاضل ياللي بتورينا الاسعار التعبانة دي
انت ناسي الفرق بينا وبينهم و اد ايه مرتباتهم ضعيفة وغلبناين
لدرجة ان البنزين ال 95 هناك ااقل من جنيه للتر
انا مش معاك دول الخليج دول غلابة معندهمش فلوس فحكومتهم مخلية مفيش جمارك عشان
يقدرو يحسو بطعم الكرامة والنضافة زيهم زي المصريين المفتريين اللي من افتراهم لسه بيصنعو ال28 والنيفا
البنزين ال 92 بى 40 هلله وال 95 بى60 هلله
ولو عايز تركب عربية مستعلة موديل 2002 او 2003 وانت طالع
وتكون حالتها كويسة
من اول 10 تلف ريال
الناس دى عايشة يا عام دول بيركبوا الشروكى هناك زى الفيرنا هنا
وعظيمة يا مصر
علي كده عربيتي الفيات 132 تعمل كام هناك
لا تعليق
ما حدش يعرف لأنه ما فيش هناك 132 ولا 131 ولا 128 ولا أي حاجة فيها 100اقتباس:
المشاركة الأصلية كتبت بواسطة sir_servizio
نااس عايشة ياجمااعة
انا لاحظت حاجة حلوة اوى
اسعار الهونداى اكسنت (اللى هي فرنا هنا) اغلى من نيسان صني في السعودية
قشطة
انا ساعدني ربنا سبحانه وتعالى
ورحت هناك كتير
ااقل حاجة اقدر اوصف بيها السوق الخليجي
انه سوق مرفه لاقصى درجة العربية بيتحدد سعرها من تلات حاجات
موديلها و الاوبشنز اللي فيها و عاملة كام كيلو
ولا دواخل ولا راشة ولا الحورات العجيبة بتاعتنا دي
وبعدين الخلايجة ابتدو مطرح ما احنا انتهينا
يعني مصلا تيجي تلاقي الفئات النضيفة في مصر
اللي بيركبها الناس اصحاب المرتبات العالية
كرولا لانسر الحاجات دي
والغلابة يركبو 28 والكلام ده
تيجي هناك تلاقي الكرولا واللانسر يركبها الهنود المصريين ااقل فئة مرتبات هناك
لكن السعوديين اهل البلد لو تيوتا يبتدو بكامري بحوالي 80000مصري هنا بحوال 3000000
لو ميتسوبيشي يبقى جالانت لو هوندا يبقى اكورد وهكذا
فالفئة العادية في مصر هي ااقل فئة هناك
والعربيات الالف سي سي هناك اقسم بالله اتعملت عشان الدليفري هناك
ومستحيل سعودي يركب حاجة ااقل من 1800 سي سي والا تبقى فضيحة
اقتباس:
المشاركة الأصلية كتبت بواسطة Mosmafa
كلام مظبوط
اصلا عمري م شفت حد هنا في السعودية و من قبلها الامارات اللي تعتبر جنة السيارات في العالم
بيسأل العربية دي كام سي سي !!! لما تروح التوكيل بتلاقي الأسئلة هي دي الستة سلندر ولا التمانية؟؟ لكن كام سي سي و الهبل ده ما بيفرقش...ومفيش حاجة اسمها راشة و يلف معاك باللمبة لو لقى خربشة يقول دي راشة.....
انا لما كنت بأبيع عربيتي كرولا mmt عاملة 3000كلم بعد 3شهور استعمال بس الراجل قعد ساعة يلف حواليها و كل شوية يقولي دي راشة لغاية ما زهقت منه و قلتله والله مش مرشوشه ولا مخبوطه و كفاية حركات استفزاز علشان السعر ينزل و فعلا بعد ساعتين فحص قاللي هأخدها على مية قلته والله دي لو مسروقه وصلها ل 105 ألف بالعافية و سيبته و مشيت
لما تنزل الحراج (سوق السيارات) تشوف العجب و أسعار أقل من دي بكتير
صاحبي كان هيجيب فورد فوكاس 2000 سي سي تقريبا 2007 ب 13 ألف بس كانت متبهدلة شوية من جوه
و شفت ياريس 2007 نضيفة اتباعت ب 20 ألف
و نيواكسنت 2008 خلصت برضه بحوالي 21000 تقريبا
ده غير العربيات أم ألفين و تلات تلاف و دول كتير جدا
عمار يا مصر................
يا جماعة في فروق في حاجات كتير , مستوى الدخل , ومستوى المعيشة , وموضوع الجمارك وعلى فكرة موضوع الجمارك ده بسبب إنها دولة بتعتمد على النفط كدخل رئيسي , وعشان كده مش محتاجة تفرض جمارك على المواطنين وكمان سعر البنزين رخيص لنفس السبب وعشان كده العربيات اللي السي سي فيها عالى 2000 و3000 رخيصة وكده, بس خلينا نقول لو مافيش نفط (والنفط ده مش إختراع ولا ينم عن عبقرية دا إنت تحفر الأرض تطلع فلوس يعني) لكن لو مش موجود الوضع هيبقى إزاي ؟؟؟؟؟؟؟؟؟؟؟؟؟؟
ماهم لو يشيلوا الجمارك والضرايب والدمغات والحاجات الكتير اوى دى اللى مش عارفين عاملينها لمصلحة مين بالظبط:colsmil:
كنا بقينا زيهم واحسن
سوق السيارات في مصر ليس له رابط و لا حاكم , هو سوق عشوائي لا يتبع أي قوانين للسوق و أنما يتبع مبدأ واحد فقط هو الفهلوة و اللي تكسب به ألعب به من الاخر سوق السيارات في مصر شغل تهليب علي تهريب و تهريج و الكلام ده بينطبق علي الكبار و الصغار يعني من أول الوكيل لحد الفرد العادي اللي بيبيع و يشتري
و حسبي الله و نعم الوكيل
لا مجال للمقارنة إطلاقا
الحمد لله على اللى احنا فيه
وكلاء السيارات عندنا مش حارمينا من حاجة
صيانة و بنلاقي
قطع غيار و رخيصة موووت
ضحك على الدقون علني و عيني عينك
نصب على العملاء .. و ماله .. محدش فاهم حاجة
كل اللى انت تهواه.................... في مصر بلدنا أكيد تلقاه
سرقة و نصب و فهلوة............. و لو فيه حاجة تانية اكيد الحكومة مش ناسياه
ربنا يخليك لينا يا ر.......
لو حد درس تجارة هيعرف اد ايه احنا بيتنصب علينا
مثلا ضريبة المبيعات بتتحسب على سعر العربية بعد الجمارك و رسم الوراد والاضافات والاوبشنات
والحوارات
يعني لو العربية تمنها 60000 ضريبتها هتبقى 6000
لا بيحسبها بعد ما يضيف كل حاجة وتوصل العربية 120000 وتبقى 12000
المفاجأة ان التاجر او الوكيل بيسدد 2% من الضريبة تشجيعا ليه
والغلبان اللي زيي وزيي اي حد بيدفع ال 10% كاملة
ارحمونا بضرايبكو و خلوها عالسلع الاستفزازية و ابعدوها عن السلع الاساسية
والله العربية حاجة استراتيجية لاي عيلة ((( لان خدماتها طويلة الاجل للعيلة )))
وطبقو قانون لكل اسرة عربية بدون جمارك عشان الدنيا تمشي من غير ما الواحد يكره بلده و نفسه والدنيا باللي فيها
اشمعنى بورسعيد؟؟؟؟؟؟؟؟؟؟ مش هقول الخليج وامريكا
اشمعنى بورسعيد؟؟؟؟؟؟؟؟
والله العظيم انا لما رحت هناك اتلوحت من كمية النضافة في العربيات و قلة الميكروباصات والقرف بتاع القاهرة
فعلا احنا بيتنصب علينا من حكومتنا و دة شيء معروف و مفروغ منه و الكل عارفه ...اقتباس:
المشاركة الأصلية كتبت بواسطة BASKOTA
بس مين قال ان دول الخليج احسن مننا عشان عربياتهم احسن ..
هذا ليس مقياس ابدا .. و هل معنى ذلك ان الامارات متقدمة اكثر من اليابان او كوريا او حتى تركيا لمجرد ان عندهم عربيات نضيفة شوية ؟؟؟
طبعا الاجابة كلنا عارفينها .. :mahf(5):
في احدى اللقاءات التليفزيونية مع د/ زويل سألوه عن رأيه في إقدام بعض دول الخليج على شراء مفاعلات نووية .. رد و قال مش مهم اني اشتري .. دي مش شطارة مني .. لكن المهم اني اقدر اصون اللي اشتريته عشان مانضحكش الاجانب علينا .. اظن الراجل اجابته واضحة جدااااااااا :colsmil:
اقتباس:
المشاركة الأصلية كتبت بواسطة mosmafa
11111111111111111111+
هو انتوا بتتكلموا عن ايه ,,, ريحوا دماغكم
اقتباس:
المشاركة الأصلية كتبت بواسطة mosmafa
ياباشا ده كمان الكامرى والاكورد والالتيما والسوناتا وغيرهم دى الفئه المتوسطه بيركبها الطبقه المتوسطه انما فيه وحوش وحاجات تانيه غريبه منتشره جدا هناك زى الجمس اليوكون والشيفروليه الكابريس والفورد الكراون فكتوريا والميركيورى واللكزس والانفينتى واللنكولن والعربيات الاوروبى اللى مانعرفهاش زى الرينج روفر والجاجوار والقائمه طويله ....... اه منك يا بلد
يا باشا انا بقول البداية
مخدتش بالك انت البيس لاين محصلش حتى الميد ولا الهاي
اقولك الميد لاين
كراون فيكتوريا - كابريس - لومينا - هامرر - تيوتا اف جي كروزر وكتير
الهاي لاين
مرسيديس اس 500 - بي ام 750 -
وتخش عالبنتلي (شفتها كتييييييييييييييير ) والرولز رويس
والبورشات والفيراريات و اللامبورجينهات والمزيراتيهات
وكفاية عشان فعلا تعبت من السفرية دي
وكل اللي يعرفوني اتخنقو مني من كتر ما بتكلم عالعربيات
هقولك مثال انا كنت راكب مع واحد هناك كراون فكتوريا موديل 2004 الكلام ده 2006
سيبك من كلام الكاتالوجات ومن 0 ل 100 و الكلام ده
اقسم بالله انا اول ما ركبت على كرسي السواق
حسيت اني قعدت على اكتر كرسي مرررررررررريييييييييييييي يييييييح في حياتي
والله احسن من السرير اللي بنام عليه وواسع جدا و جامد جدا
دي اول حاجة
ساوند سيستم وهمي بمعنى الكلمة
نيجي للاساس
مشيت بيها حوالي 120 كيلو (مسافة)
قمة في الراحة نيجي للأداء والله العظيم طيااااااااااارة بمعنى الكلمة
عملت كيك داون العداد كان 20 ميل في لحظات كنت ماشي 100ميل (160 كيلو)
ومش خاسس باي حاجة نهائي غير ان الطريق بيمشي والعربية واقفة
عدينا بيها ال120 ميل و حاجة وهم
الكلام ده على عربية عادية امال الشغل العالي هيبقى ايه