الموضوع: الفرق بين الهاي لاين التوكيل و الخليجي

الوكيل زى ماهو 125900 جنيه . انا قصدى سعر الهاى لاين الخليجى و صل الآن 130000 جنيه و ده حتلاقيه عند جابر عبد الشهيد لأنى كنت عنده أول أمبارح و أعتقد ان السعر نزل نتيجة ان الهاى لاين الوكيل خلال الأسبوع ده بقت كثيرة قوى لدرجة انه في ناس كثيرة بتشوفها عادى قوى فى المعارض

المشاركة الأصلية كتبت بواسطة tamerking

الاخوه الافاضل اعضاء المنتدى انا معايا سيراتو sx هاى لاين خليجى 2010 لون تياتينيوم وهى مطابقة للمواصفات الخليجية السعودية وانا بأكد لكم انها كاملة تماما من ناحية جميع المواصفات اللى اتكلمتم عليها واهمها طبعآ:
- d تشينجر 6 cd
- مراية صالون زاتية التعتيم
- ترصيع جلد للتابلوة وال4 ابواب
- خياطة حمرا اللون للكراسى والكنبة الخلفية وال4 مخادع
- زرار ضبط ارتفاع الاضائة الخارجية ويكون مكانة بجانب زرار ضبط اضائة التابلوة
وهذة الكماليات بالذات طبعآ غير موجودة بسيارات الوكيل ابدآ وانا اقصد الهاى لاين طبعآ وبذلك يكون الخليجى فعلآ متفوق على الوكيل من ناحية فرق المواصفات التى تعطى مزاق اخر لتلك السيارة وانا من هذا المنطلق اقول ان اذا كان الوكيل يطلق على اعلى فئه عنده فى السيراتو اسم هاى لاين اذا فالطبيعى ان تسمى هذه التحفة الخليجى توب هاى لاين0
وانا تحت امر اى استفسار من السادة الافاضل

انا عن نفسى هروح اعمل صيانة ال1000 كم فى توكيل كيا فرع ابو رواش لانى كنت رحت مع صديق لى من قبل وكانوا فى منتهى الذوق والاحترام وان شاء الله هكمل معاهم باقى الصيانات وربنا يستر طريقنا جميعآ

المشاركة الأصلية كتبت بواسطة amrmoh

أولاً ألف مبروك علي الاستلام وألف ألف شكر علي الصور

الفروق اللي أنا شايفها بين الهاي لاين الوكيل (اللي في الصور ) والهاي لاين الخليجي

1- مراية أوتوماتيكية التعتيم مش موجودة في الوكيل
2- cd changer مش موجود في الوكيل
3- مفتاح التحكم في ارتفاع نور الفوانيس الأمامية مش موجود في الوكيل
4- الخياطة الحمراء علي الفرش والطارة مش موجود في الخليجي (شكله تحفة فعلاً)
5- نواكل علي زرار الstart/stop engine وزراير التكييف مش موجودة في الخليجي


ملاحظة : موضوع الجلد علي الكراسي والتابلوه مش باين في الصور
والأكر الخارجية هل عليها نواكل ولا لأ (مش باينة أوي في الصورة)


وألف شكر يا باشمهندس عمرو جمال مرة أخري

المشاركة الأصلية كتبت بواسطة gaafar13

انا عربيتى خليجى وفيها

مراية أوتوماتيكية التعتيم الخياطة الحمراء علي الفرش والطارة نواكل علي زرار الstart/stop engine وزراير التكييف

المشاركة الأصلية كتبت بواسطة amrmoh

أيوة بس ما عندكش cd changer

اللي عندك دي أنا شفتها بس دي مواصفة تانية من الخليجي (ياريت تقوللنا مواصفة أنهي بلد ؟؟)

اللي أنا بقارن بيها الهاي لاين الخليجي المواصفة المتكاملة (فيها كل حاجة بمعني الكلمة الا الخياطة الحمرا والنواكل علي زرار التكييف)

المشاركة الأصلية كتبت بواسطة tamerking

الاخوه الافاضل اعضاء المنتدى انا معايا سيراتو sx هاى لاين خليجى 2010 لون تياتينيوم وهى مطابقة للمواصفات الخليجية السعودية وانا بأكد لكم انها كاملة تماما من ناحية جميع المواصفات اللى اتكلمتم عليها واهمها طبعآ:
- d تشينجر 6 cd
- مراية صالون زاتية التعتيم
- ترصيع جلد للتابلوة وال4 ابواب
- خياطة حمرا اللون للكراسى والكنبة الخلفية وال4 مخادع
- زرار ضبط ارتفاع الاضائة الخارجية ويكون مكانة بجانب زرار ضبط اضائة التابلوة
وهذة الكماليات بالذات طبعآ غير موجودة بسيارات الوكيل ابدآ وانا اقصد الهاى لاين طبعآ وبذلك يكون الخليجى فعلآ متفوق على الوكيل من ناحية فرق المواصفات التى تعطى مزاق اخر لتلك السيارة وانا من هذا المنطلق اقول ان اذا كان الوكيل يطلق على اعلى فئه عنده فى السيراتو اسم هاى لاين اذا فالطبيعى ان تسمى هذه التحفة الخليجى توب هاى لاين0
وانا تحت امر اى استفسار من السادة الافاضل

المشاركة الأصلية كتبت بواسطة tamerking

والله دة كان افضل سعر فى الوقت اللى اشتريت فية وكانت هذة المواصفات مش عند جميع المعارض اللا قليل جدآ وكان الغش من ناحية نقص المواصفات بعد الاتفاق على الشراء كثير جدآ وبالذات مواصفات ال cd تشينجر والمراية ذاتية التعتيم 0 وكمثال مثلما حدث مع أ / احمد سامى حيث انة قال انة اشترى السيارة وكان المفروض انها تكون بها cd تشينجر ولاكنة وجدها cd mp3 عادى0 فرجاء راجع مواصفات السيارة جيدآ وتأكد من السعر0
وعلى فكرة هذة السيارة وبأقل من هذة المواصفات كانت تباع فى حدود مبلغ 137000 جم ودة طبعآمن كام شهر

صراحه انا مش شايف ان الحاجات اللي اتذكرت دي تخللي الخليجي توب لاين و تبقي افضل من المصري في حاجه و تستاهل ان الواحد يتنازل عن الضمان ال5 سنوات

المشاركة الأصلية كتبت بواسطة amro_gamal

علشان نحسم الموضوع ده ياريت اى حد معاه الهاى لاين و اتقابل انا وهو ونحط العربيتين جنب بعض و نعمل مقارنة سريعة و نرفعها ليكم على المنتدى. ممكن الأستاذ أحمد سامى أو اى أستاذ فاضل شارى الهاى لاين خليجى واتقابل انا و هو بس هاستاذنه انه يجيى عندى علشان لسه العربية لم ترخص و مستنى لسه اوراق الأفراج الجمركى الى الآن.
ايه رأيكم ادام الله فضلكم؟
1. مراية الصالون عندي ليست ذاتية التعتيم و لكن مريات الأبواب ذاتية التعتيم (ده قول الوكيل ليا)
2. الكاسيت ليس به cd changer و لكن الزراير علبها نيكل
3. مفتاح تعلية المصابيح الأمامية غير موجود
4. الحركة التليسكوبية للدريكسيون انا جربتها النهاردة من غير ما تقولوا و لكنها غير موجودة. حاولت احرك الدريكسيون للأمام و الخلف لكن لايوجد اي شى.
6. الأبواب عندى مكسية جلد و ده اللى اتاكدت منه من شوية و انا أسف لأنى قلت قبل كده انه مفيش جلد. دا حتى مسند اليد فى الأبواب مغطى جلد برضه و فيه الخياطة الحمراء.
7. الخياطة الحمراء موجودة فى كل الكراسى والمخادع و فى كل حتة فيها جلد
أحب أقول للأستاذ تامر انه تقريبا مفيش اي فرق جوهرى بين الخليجى و الوكيل يخلي الخليجى توب لاين و الوكيل هاى لاين ده مش علشان انا معايا الوكيل و هو معاه الخليجى
و ياريت أتقابل مع اى حد معاه عربية خليجى علشان نحسم موضوع الفرق بين الخليجى و الوكيل لأنه ده سؤال تقريبا معظم الناس هنا في المنتدي و انا شايف انه ده حقهم 100% علشان يعرفوا الفرق قبل مايشتروا. رقم تليفونى هو 0111159152 م/ عمرو محمد جمال وانا فى انتظار مكالماتكم.
على فكرة انا رحت امبارح لجابر عبد الشهيد لأنه جنبى و لقيت تقريبا نفس التقفيل و نفس الخامات فى الخليجى زى اللى عندى مفيش اي فرق. و سعر العربية نزل الى 130000 جنيه بعد نزول الهاى لاين الوكيل وفى بعض المعارض سمعت انه وصل الى 129000 جنيه. الوكيل يبقى كده ساعد فى ترييح السعر شوية بالنسبة للخليجى
و أسف على الأطالة عليكم و شكرا لكم و اتمنى لكم التوفيق فى الأختيار

باختصار الحاجات اللي موجوده في الخليجي و مش موجوده بسياره التوكيل:
*مرايه ذاتيه التعتيم (ممكن تتركب) (بالنسبه ليا و لكتيير مالهاش لازمه)
*كاسيت تشاينجر (سهل تركيبه و نوع افضل) (بالنسبه ليا و لكتيير ما تفرقش)
*الدريكسيون حركه تليسكوبيه (بالنسبه ليا و لكتيير مالهاش لازمه)
*مفتاح تعلية المصابيح(اكيد ممكن يتظبط من الفانوس نفسه((بالنسبه ليا و لكتيير ما تفرقش)
أكرر باختصار كلها كماليات بسيطه ما تخليش الخليجي افضل من المصري كما هو الحال في عربيات كتيير مثل الاوكتافيا و الكورولا و الاوبل و الشيفورليه كلنا عارفين الحاجات اللي بيشيلها وكلائهم من العربيات و الفروق بينها و بين الخليجي بيبقي حاجات تزعل و تضايق و تخلي المقارنه كبيره بين الخليجي و المصري