كل ما يخص مازدا 323 موديل 82 (اعطال.قطع غيار.كماليات)

**moatazbunny** · 13-09-2009 02:46 AM

المشاركة الأصلية كتبت بواسطة mohamed777

بص ياباشا انا النهادة كنت فى التوفيقية ولقيت واحد من الاخر بيجيب لبن العصفور فى العربية دى واسمة ( ابو زيزو ) وده مكانة فى شارع الاسعاف بعد التقاطع اللي فية بوابة نادى القضاة اسأل علية و والف من يدلك هو مشهور هناك

لو الحاجة مش عنده بيدورلك عليها بس غالباً عنده كل حاجة للمازدا وجديده وسعرة معقول اوى بس خلى بالك اغلب حاجاتة تيوانى
ومن ناحية مكان الميكانيكى فانا ماروحتش عنده قبل كده وعنوانة اللي قولتهولك من مشاركة احد الاعضاء فى المنتدى

هذا والله اعلم

كنت في التوفيقية برضه ... مش كنت تقول كنا اتقابلنا ... يلا حصل خير
المهم كويس قوي إني عرفتلها أبوزيزو ده وإن شاء الله ها رحلو

على فكرة أنا روحت البنزينة النهاردة بعد الفطار وغسلت العربية كلها ماعدا الماتور
وقلت بالمرة أظبط زوايا عشان العربية بيتحدف شمال
المهم الراجل قال لي وياريته ماقالى
قال لي العربية عايزة بارات داخلي وخارجي ومساعدين كمان والعجلة اللي قدام شمال عايزة سنتي ونص قدام أو ورا مش فاكر بصراحة

وقال لي ممكن يعملي زارجينا بس أنا مرضتش إلى لما اشوفها عند عافشجي
قلتله دي قصتها كام
قال لي حوالي 500 جند

قلتله شكرا وهابقى افوت عليكو بكرة .. سلامو عليكوو ...
وخط بعضي ومشيت

**mohamed777** · 13-09-2009 05:03 AM

طيب هى العربية بتعمل معاك اية غير انها بتحدف شمال؟

وهل بعد ماظبط زوايا لسة بتحدف معاك؟

**moatazbunny** · 13-09-2009 05:47 PM

المشاركة الأصلية كتبت بواسطة mohamed777

طيب هى العربية بتعمل معاك اية غير انها بتحدف شمال؟

وهل بعد ماظبط زوايا لسة بتحدف معاك؟

أنا لسة مظبطيش زاوية الراجل مرضيش يظبطهالى
وأما بقى بتعمل معايا اييه فـأنا مش خبرة الصراحة وحتى لو فيها حاجة مش حاعرفها خالص بس الراجل قال لي هي بتتراجرج معاك وإنت عالمطب قلتله ااه
بس

**mohamed777** · 13-09-2009 11:02 PM

هو الديركسيون لم بيترجرج فى المطبات تبقى احتمال تكون حشو الاسكترا او البارات
وشوف لو بتعمل صوت مع الرجرجة على المطبات؟

**moatazbunny** · 14-09-2009 12:00 AM

المشاركة الأصلية كتبت بواسطة moatazbunny

قال لي العربية عايزة بارات داخلي وخارجي ومساعدين كمان والعجلة اللي قدام شمال عايزة سنتي ونص قدام أو ورا مش فاكر بصراحة

المشاركة الأصلية كتبت بواسطة mohamed777

هو الديركسيون لم بيترجرج فى المطبات تبقى احتمال تكون حشو الاسكترا او البارات
وشوف لو بتعمل صوت مع الرجرجة على المطبات؟

**mohamed777** · 14-09-2009 12:46 AM

استشير عفشجى كويس وشوف رأية
انا دخلت فى موال العفشة من حوالى 3 سنين غيرت ساعتها بارات وبيض وجلد تراب واربع مساعدين والبطاحات ونسيت المشاكل بتعاعتها من ساعتها والحمد لله

**agwaa** · 18-09-2009 04:27 PM

المشاركة الأصلية كتبت بواسطة turbocharger

انا عندى مازدا 323 مو 82 ياباشا وادىاللينك بتاعها لو عايز تتفرج على الصور

أتفضل هنا

ما شاء الله
الصالون ولا أجمل من كدة - إيه يا عمنا الجمال دة
قوللنا يا باشا عملته فين وبكام

**agwaa** · 18-09-2009 04:30 PM

المشاركة الأصلية كتبت بواسطة mohamed777

السلام عليكم ورحمة الله وبركاتة
عملت الموضوع ده يا شباب على شان نناقش فية كل مشاكل المازدا 323 موديل 82 وكل الاعضاء يقولوا خبراتهم ومشاكلهم على شان الكل يستفيد منها
ويكون مرجع لكل مشاكلها خصوصاً ان اغلب المواضيع فى منتدى المازدا بيتكلم عن الموديلات الحديثة
وعن نفسى هحاول افيدكم بكل ما شوفتة فى العربية دى من عزاب لان العربية دى معايا من زمان ولو اى حد عنده استفسار بخصوصها ربنا يقدرنا جميعاً ونحلها مع بعض
وجزاكم الله خيرا

الله عليك وعلى موضوعك

أنا معاك يا باشا ومستعد أساعد بأي حاجة

عربيتي مازدا 323 /83 ومعايا من 3 سنين

**mohamed777** · 18-09-2009 11:11 PM

المشاركة الأصلية كتبت بواسطة agwaa

الله عليك وعلى موضوعك

أنا معاك يا باشا ومستعد أساعد بأي حاجة

عربيتي مازدا 323 /83 ومعايا من 3 سنين

...

اهلاً بيك ياباشا واول استفسار منى ليك
انا لسة عامل عمرة والحمد لله كلة تمام والدخان الازرق اختفى تماما المشكلة بقى عندى فى نسب تغير السرعات بالنسبة لصوت الموتور زى ماهى قبل العمرة .... يعنى مثلا الاول اخرة 20 والتانى اخرة 40 والتالت80 والرابع بيجيب 100 او زياده عنها شوية بالعافية ويكون صوت الموتور عالى

الغريب فى الموضوع ان سحبها كويس يعنى من اقل لمسة بتجرى

انا فى العمرة غرت الاسطوانة بس ماغيرتش الديسك والكل فى النتدى واولهم المنهدس سمير عياد نصحونى بتغيير الديسك لانة غالباً هو السبب
حبيت اجيب طقم كامل بالمرة لقيتة غالى

انت بقى عربيتك بتعمل معاك اية فى الكلام ده ورأيك اية؟

**lotfyonline** · 18-09-2009 11:55 PM

أولا بالنسبة لميكانيكي القلعة أسمه عم نبيل وشهرته بلبل مازدا وده راجل محترم جدا واسعاره رخيصة جدا وبيشتغل في الميكانيكا والعفشة بس مشكلتي اني ساكن بعيد قوي عنه فمش قادر اروحله كل شوية ولكن بنصح الكل انه يتعامل معاه.

ثانيا : من عنده خبرة في العربية يقولي ليه البلاتين كل شوية بيلدع لأني زهقت ورحت لعم نبيل غيري الموبنة العادية وجابلي الكتروني وفعلا العربية بقى سحبها افضل بس برده البلتين لدع . يا جماعة ده بيلدع عندي كل اسبوع تقريبا ولما كلمت عم نبيل تاني قالي ان البضاعة في السوق تعبانة فرجاءا من عنده فكرة او مر بنفس المشكلة يفيدني

الموضوع: كل ما يخص مازدا 323 موديل 82 (اعطال.قطع غيار.كماليات)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

اسعار قطع غيار مازدا 323 موديل 82

اسعار قطع غيار مازدا 323 موديل 2000

اللى يعرف اسعار قطع غيار مازدا 323 موديل 2000

قطع غيار عفشة للبيع مازدا 323 موديل 82

أسعار قطع غيار عمرة مازدا 323 موديل 82

الكلمات الدلالية لهذا الموضوع

المفضلات

المفضلات

ضوابط المشاركة